هاي المره مافادت الكفاله مال سيد باسل وانشمر فؤاد بالسجن وممنوع اي واحد يزوره من اصدقائه بس اهله يحقلهم يزوروه وجانت اخته رهف تزوره يوميه حته لو ماكو مواجهه يدخلونها اله...
خوية فؤاد شلونك ...تدري امي مريضه بسببك ويوميه تكلي اخذيني اله بس ماهون بصحتها...
لا رهف لتجيبينها من تشوفني تموت قهر...
خويه انت ماتريد تبطل من مظاهراتك وسوالف السياسة ...والله ماتغير شي انت يابعد كلب اختك...
خويه رهف اذا انه سكتت وذاك سكت وغيري سكت منو لهذي الناس ...المن اخذنه شهايد غير جاي نطالب بحقوقنه وبصورة سلميه ليش جاي يعتقلونه....
خوية عوف هاي السوالف ولاتفكر بشي وربك يفرجها....
قبل شوية اجاني نبيل وجابلي اكل وملابس...
اي خوية خابرني وكال رايحله كدامج....
الله كريم وديري بالج عله امي فدوة...
لاتوصيني خوية فؤاد....
....
...
وج بوده ليش ماجيتيني امس....
ياخايبه مافرغت وكلساع جاينه وتحد ...كولي خيرج شبيج امس خابرتيني مخبوصه...
وج هذا نبيل يريد ياخذ رهف وانتي تدرين من زمان معارضه....
وج تماره شبيج وياهم خل يتزوجون هسه انتي حاطه كورج وكورهم دعوفيهم....
وج بوده هاي باجر عكبه تجي هنا وتظل تتشرط وانه وياها وحده ماتطيق الثانيه شلون تريديني اتحملها....
...
....
بوده ساعديني انه اريدله وحده عله ذوقي اني ..... اريد رهف تطلع من عيونه ماريد يفكر بيها...
..
وج خيه اني سوالف السحر عفتها ..
اي شي مو اله سحر ...المهم مايتزوجها...
هاي شبيج تماره اشو كلش قافله...
اي والله بيداء وازيد ...كلش مضايقتني هالزواجه..
ادري همه صارلهم هواي مخطوبين اي ليش مافكرتي تخربين الخطبه...
بيداء لاتلحين وكتلج حليها....
اوك ماشي تدللين انتظريني كم يوم بس...
اوك ماشي....
.....
....
....
يمه رهف شلونه اخوج..
ها يمه الحمد لله وان شاء الله عن قريب يطلع...
اوف يارهف ماحاجيته ماكتيله يعوف هالسوالف والله مايحصل غير الاذيه...
يمه والله كتله وحاجيته ومدري شيفيد الحجي اذا هوه عقله قافل....
يمه رهف عمتج ام نزار اليوم تجي خابرتني هي والبنات راح يجن العصر..
اوك يمه هلابيهن....
ام نزار هي العمه الوحيد لرهف وعدها محل ببيتها مال مواد منزليه وتبيع اقساط وممشيه امورها بس كل العالم تضوج منها لان يكولون جانت بالامن وحاليا وره السقوط هم صارت بحزب سياسي وهذا السبب مخلي رهف تكرها ومبتعده عنها...
....
....
تمارا...تمارا.وينج...
ها نبيل كولي يبعد اختك ...
تمارا ان شاء الله بس يطلع فؤاد قررت اتزوج اني ورهف لان طولت هواي...
خوية بكيفك بس هاي البنت عرضتها موحلوة كلما تريد تعرسون تطلعلكم شغله...
تمارا هاي اقدار بيد الله شنو ذنب هالمسكينه...
ردت عليه بس هم يكولون كلمن خبزته بكصته وهاي كصتها بيها شواف(الشواف هوه كلمة تقال للناس اصحاب الحظ السيء)
تمارا شنو بيها شواف موعيب هاي بحكم زوجتي شنو تحجين هيج...
نبيل شبيك تصيح هاي تاليها علمود رهف تزمخ بوجهي وانه بمقام امك...
مازمخت بس انتي طلعتيني من طوري وحته رايج هم ماريده ومن اتزوج عود اكلج يالله اوعدناكم.....
شاطت تمارا من الغضب وكالتله ما اطلع تمارا بت حسوني اذا ماخربت عرسك ولك تالي عمرك تصيح عليه علمود فرخه زعطوطه والله وكبرت وضليت تصيح ينبيل...
....
...
...
هلا عمه ام نزال شلونج
....هلا ومية هلا برهوفه شخبارج ...
والله بخير
والله سمعنه بفؤاد وضجنه بس لاتشيلين هم باجر من الصبح يجيكم ويطلع بس حاجوه كلوله عوف هالسوالف ...
الله يسمع من حلكج عمه بس شلون عرفتي يطلع...
رهف انتي يهمج شلون يطلع لو يهمج تشوفينه طالع...
لاعمه اكيد اريد اشوفه طالع وافرح بيه وهالتشوفين امي حالتها حاله بسبب فؤاد...
هسه اخابر كدامج لبو يحيى ابو المكتب ...
الو هلو ابو يحيى شلونك شخبارك ...
خابرتك علمود فؤاد اللي حجيتلك عنه العصر ....
ها اوك اشكرك تعبتك وياي ماتقصر...
هذا ابو يحيى ويكول باجر الصبح يمكم...
ضلت رهف وامها صافنات عله ام نزار وحته مسالنها منو ابو يحيى واليهمهم فؤاد وبس يطلع وكلشي ميردن ....بس رهف كالت بنفسها اموت واعرف عمتي شنو تخطط....
أنت تقرأ
ارملة ابليس
Mystery / Thrillerاحداث القصة تدور حول السحر والدجل وايمان بعض النفوس بهما ...وكيف يكون مصير من يتعامل بهما بالاخير
