ارملة ابليس

البارت الخامس

الليالي العسيرة هي تلك التي نعيشها منفردين بعد ان نفقد اخر  امل للعيش مع من تهواه قلوبنا....
...
...
صارت الايام مالها معنى واللحظات مره عد رهف وره ماسافر نبيل وتتصل عليه جهازه مغلق فقررت تتصل عله تمارا وتتنازل عن كرامتها في سبيل تسمع خبر عن عشقها وحبها نبيل....
الو تمارا...
هلا رهف شلونج...
اتي بخير بس دا اتصل على نبيل مغلق...
اي جنه يم الطبيب وغلقه وهسه راح يرتاح شوية...
اي وشكللكم الطبيب...
والله كال يستمر عالعلاجات والكوي ولازم يبقه متواصل بلا انقطاع...
الله كريم واهم شي هوه بخير....
اي الحمد لله رهف هسه احسن...
وكلت للدكتور هوه ان شاء الله ايام ويتزوج بس الدكتور عارض هالفكرة وكال حاليا مو زين الزواج عله صحته...
جانت تمارا تحجي بكل خبث وكل حقد وكل كلامها افتراء وماتحب رهف وبس اللي براسها تسويه وقررت تحوسها وتخبصها ويجيها الصافي لحد باب بيتها....
وقبل لاتسد التلفون كالت لرهف سلميلي عله فؤاد وكوليله شعجب كاطع ميسال...
..
فؤاد اعرفك بنفسي اني ابو يحيى وهواي سمعت عن بطولاتك وتظاهراتك وحبيت ان تكون ويانه بالجناح السياسي للحزب ومن اليوم راح تكون ضمن الكادر وراح ينحسبلك راتب وانت تكون صفحتنه الالكترونيه نزل اخبار ومنشورات واشياء ماتخلي الشارع يهدا خل التظاهرات مستمرة ماعدنه مشكلة بس لاتعلن عن اسمك ولا احنه راح نعلن هالشي...
...
...
فؤاد ...
ها رهف
اليوم سألتني وحده عليك...
وحده...منو هذي تعرفين اني ماعندي اي وحده..
يمه تدرين اليوم منو سالتني عن فؤاد ..
منو احجي كلها فؤاد...
تمارا اخت نبيل...
وتكول ليش كاطع حته رساله ماكو ولا اتصال...
يمه فؤاد انته تراسلها وتحجي وياها...
اي يمه اراسلها اكو شي بيها...
وشنو علاقتك بيها عله اي اساس تراسلها .....
ليش يعني حرام احجي وياها ...انه مقرر اتعرف بيها اكثر واخطبها...
صاحت بيه رهف تخطب منو شبيك تخبلت هاي ارملة بكد امك...
شبيها الارمله لو صارت عار عالوحده يموت زوجها اقلها اني راح اتزوجها وعاقله مو مثلج متأمله نبيل الخبل يطيب ويتزوجج...
انفجرت رهف من البواجي وكالتله لا اطمان انه قررت انفصل عن نبيل لان حته الدكتور مانعه من الزواج....
انفصلتوا او بقيتوا هذا الشي يخصكم بس اني راح اسوي البراسي وبس....
...
...
ام فؤاد مستغربه من تصرفات ابنها ومتعجبه من اللي يصير كدامها معقولة فؤاد يتعلق بتمارا وليش وشنو عجبه بيها ياربي ساعدني ياااارب
....
....
اول مارجعت تمارا من السفرة هي ونبيل كالت لرهف حاولي ان تنشغلي عن نبيل وكلما يحاجيج عن الزواج اجلي الموضوع وهذا طبعا حفاظا على صحة اخوي لان ماعندي غيره وماكدر اخليه يتزوج الا لمن يطيب واشوف الاحسن الكم تقررون مصيركم ...
...
...
ردت عليها رهف اني اليهمني هسه صحته تتحسن والزواج شلته من بالي واتمناله الشفاء بجاه الله واهل البيت...
حست تمارا ان الخطه الاولى نجحت وبقت خطة فؤاد ولازم تشوف بيداء شسوت ماسوت