ارملة ابليس

البارت الثامن والاخير

قبل لاينزل فؤاد من سيارته اشرله واحد فخفف ونزل الجامه وما حس اله اجاه بوكس بعينه وفقد السيطرة عالسياقه وداروا عليه الشباب وكسروا جميع عظم بجسمه وسووا وجهه خريطه وكسروا سيارته وفلشوها تفليش وجروا للزباله وشمروه بيها وكالوله الك يومين تشيل او تسافر وماتوصل للحزب واذا شفناك بالشارع نحط طلقه براسك....
والنعاج اللي تحجي عليهم وتشتمهم همه اللي سووك وكبروك ياعار وهسه تكوم واياك وبالك تحجي كلمه تره صدك نترس حلكك تراب....وعمتك دورها جاي مو حسبالها ماندري بسوالفها وتقاريرها مال الامن وهي الحيه الخربتك...
...
...
...
منو هذا الشخص اللي حرام يظل عدل وانت تموت...سال الضابط اخو بيداء...
سيدي وحده من صديقات اختي اسمها تمارا...
شبيها هاي تمارا...
سيدي قبل لا اقتل هذا الشخص حجالي وكال اني ماعرف ان هذا بيت عايله وانما دفعت فلوس لوحده مومس وغانيه اسمها تمارا وانطتني موعد واجيت هنا...
والمجني عليها بيداء شنو كالتلك...
سيدي وره ماكتلت السافل اللي جان وياها كالت خويه انه افهمك وضلت تحلف وتكول انو تمارا هي السبب وهذا الشي عودتني عليه وكلما اكلها كافي تكلي افضحج وكتلتها سيدي ....
...بهالاثناء امر ضابط التحقيق ان تتحرك قوة من الشرطه لالقاء القبض على تمارا وخبروا انها بالمستشفي....
....
....
صارت ضجه ببيت اهل فؤاد مو علمود اللي ضربوه لان امه جانت تتوقع هالشي بس لان عمته ام نزار اجته وتكله اجاني تهديد حاطيلي طلقه برساله وكاتبيلي ايام الامن ماكتلناج هسه نكدر نكتلج وتصيح وين اولي وين اروح ...
كالتلها ام فؤاد اتصلي بابو يحيى...
اتصلت داده ومسافر رايح شهر لتركيا ..
عمه فؤاد انت حجيتلهم عني ..كتلهم ام نزار تجتمع ويانه ...
رد عليها فؤاد وهو يون...ما احتاج احجيلهم عنج كلشي يعرفون وحته تقارير الامن يدرون بيها...
يا امن عمه انت شتسولف ويني وين الامن....
عمه دبري حالج واشردي وانه يومين وراح اسافر لايران اكمل دراسه احسلي وهاي المره عدت سلامات غير مرة ماكو امل اعيش....
...
... بالمستشفي كعد يبجي نبيل على اخته وحالتها فشافت المنظر رهف وانكسر خاطرها واجته تهديه وكالتله ....
نبيل حبيبي اني وياها ماعوفها روح ارتاح انته وضعك تعبان والضوجه وحرك الاعصاب مو زينه عله ابو الصرع...هاي العباره زلة لسان من رهف بس راح تبينلها حقائق هواي....
رد نبيل مذهول ...صرع ...صرع شنو رهف..
لا لا لا ماكو شي هيج والله ...
احجي رهف اني مو غريب احجيلي...
فبدت رهف تحجيله وتشرحله شلون اجتها رساله من الدكتور وانك متاخر عن العلاج ...قاطعها نبيل ..
رهف ممكن اقره الرساله...
كالتله اي ممكن...
انطته الجهاز ودخل الرقم بتلفونه ومن شاف الاسم ضرب كصته وكالها باوعي منو...
اتفاجأت من شافت الاسم مسجل بجهازه تمارا ٢
..
كالها هذا خط تمارا الثاني بس متستخدمه وليش سوت هالشي معقوله ....تمارا هيج سوت...
كالتله انت مو قبل اسبوع رحت وياها للدكتور باربيل...
يادكتور رهف جنت ماتحجي وياي وكالتلي عليك بروح امك تسامحني وباست رجلي وكالت عازمتك سفرة باربيل...
...
...
كالتله حبيبي ولايهمك انه باقيه وياك بس شسوي والله كالت مو زين عليه كلشي وحته منعتني ارد عله اتصالاتك...
معقوووول  وجنت املها رهف ماترد عليه شبيها تكلي  اكيد ملت منك طبعها متكبرة اتركها...
ردت رهف بكل براءه وحنية الله يكومها بالسلامه يانبيل احبها بكد حبي الك انتي وردة نزرعت وسط روحي واذبل كلما تبتعد عني واسكيك بمر الهجران...
حضنها نبيل وكالها اذا صحت تمارا ماريدها تعرف شي خلي الامور تمشي مثل ماهيه....
جانت تمارا بوضع صحي مو زين وضلت تفكر تنتحر باي وسيلة لان عرفت ان حياتها انتهت لهاللحظه وضلت تتفزز من كلشي وضلت تشوف صورة بيداء بكل مكان وجانت كوابيس الشر تفتر عليها وجان جسمها يذبل لحظه وره لحظه...
...
...
وصلت مفرزة الشرطه للمستشفي وحجوا القصه للدكتور وجانت رهف تسمع ومصدومه ونبيل جان مايعرف شيحجي وشنو راح يحجي واخته فوك اللي سوته بيه وبرهف طلعت عدها شبكة دعارة سرية ومانكشفت لو ماتموت بيداء ....
الضابط يسال نبيل...
انت جنت تعرف بهالشي...
سيدي شنو اعرف  ... اني مصدوم من حجيك
يعني ماجان اكو ناس تدخللكم او نساء او رجال ...
سيدي عله بختك احنه بيتنه سمعته غير اللي بالك بس اكيد انتم متوهمين شنو هذا اللي جاي تكوله سيدي تمارا ماتوقع هيج...
المتهم اللي قتله بيداء اكد انو بيداء اعترفتله وان الشخص اللي ويه بيداء كاله اني اجيت عن طريق مره اسمها تمارا...
برايك اثنين اشخاص ذكروا اسم تمارا وتكول ماعدها شي ...
احنه جايبن هنا نستجوب تمارا والقانون ياخذ مجراه .....
وبالفعل اخذ الضابط اذن من الدكتور بان يدخلون غرفة المريضه تمارا ...
بس للاسف ماكدروا ياخذون حرف واحد من تمارا لانها انتحرت وكطعت شرايينها بسجينه جانت موجوده ويه فاكهه جايبينها الها اقاربها... ...
بهالاثناء حس نبيل بفرحه بكلبه لان موت تمارا يعني انو عارها وسالفتها ماتت وياها ...
سيدي اطلب منك طلب...كاله نبيل.
تفظل .....
مهما يكن ومهما سووت اختي بس تبقى شرفي ارجوا ان تموت السالفه وياها....
اكيد احنه يهمنه خصوصيتكم وعظم الله اجرك بفقيدتك....
.....وهكذا ماتت الارملة التي ارادت من سمومها وشرها ان تنتشر ويفترق كل شخص عن حبيبه لتتزوج هي من شيطانها الذي يجثو بداخلها... .ولأن الشر لايدوم ماتت الارمله وبقي ابليس ارملا بعد ان فقد ارملته ولكنه ظل معشوقا وحبيبا للكثير من اللواتي يمتهن الخديعة والدجل والخبث...
انتهت....