ارملة ابليس

البارت السابع

يافؤاد شيل ايدك...هذا الحزب ميفيد ..
....
حزب الخمط يحثالة ....يمجمع النشاله...
هاي الشعارات وغيرها جان كل المتظاهرين يصيحون بيها وبمكبرات الصوت وكله صار كبال اهل فؤاد وره ماعرف المتظاهرين انو فؤاد خان القضية وباع ذمته من اجل الفلوس والتسلط بس بسرعه اجت فرقه عسكرية خاصة بأمر من الحزب بعد ماخابرهم فؤاد وكلهم فرقوهم كبل لا يسوون شي واريد حماية تجي بلباب...
تفرقت المظاهره بالقوة وصار فؤاد يحس بالغرور والعظمه وشاف اكو فرق بين فؤاد المتظاهر اللي جان يوميه مسجون وفرق بين فؤاد حاليا اللي باشارة من عنده يحققله الحزب الشي اليريده ...والشي الملفت بحياة فؤاد انه نسه تماما شي اسمه تمارا لا والاكثر من هالشي جان يكل لرهف لتروحين يمها للمستشفي وتخلصين يومج باكمله يمها ...وهذا التغيير اتجاه تمارا سببه موت بيداء اللي هي اصلا سوت السحر ....والسحر يموت وينتهي بموت راعيه...
...
...
بالمستشفي جانت حالة تمارا مو زينه ومحد جان الها وجانت اغلب الوقت رهف تداريها...
رهف ماعرف شلون اجازيج...جانت تطلع الكلمه كوه...
لا تمارا لاتكولين هيج اني وياج لحد ماتتحسن حالتج...
اني نهيتها بيداء وكتلها عوفي هالسالفه وجنت اعرف بكل علاقاتها....
ردت عليها رهف....بس اهدي تمارا كل شي سهل اهم شي صحتج ولاتفكرين بشي ثاني....
رهف نبيل وينه...
راح يشوف الدكتور ويجي اني حجيت وياه بس ماردلي بال واني خايفه عله صحته ياتمارا خاف مايتحمل ويوكع كدامج....
لا رهف نبيل مابيه شي وكل اللي صار توهيم ....وقبل لاتكمل دخل الدكتور ونبيل وكال لازم تاخذ ابرة وجانت هاي ابرة مهدئه للاعصاب ومنومه بنفس الوقت وبالفعل اخذت الحقنه وغطت بنوووم عميق...
وراها حاولت رهف تحجي وي نبيل...
نبيل شلونك شلون صحتك...
رد عليها مو زين يعني شلون صحتي واختي مرعوبه وهالتشوفين حالتها لو تريدين اكلج لا حبي مابيه شي ...واجذب عليج...
كال نبيل هاي الكلمات بوجه رهف وطلع وهيه اول مره تشوف نبيل هيج يحجي وياها ولاقدر الحب البيناتهم ولاحته قدر مدارتها لاخته وكالت بالفعل نبيل تغيير بس شنو تقصد تمارا انو كل مرضه توهيم....
....
....
تفاجا سيد باسل من اسلوب فؤاد ويه من اجاه للبيت وهو جم مره بمره طلعه من السجن وتكفله...
اهلا استاذ فؤاد شلونك شخبارك...
هلا سيد شلونك انته ...اكيد جاي تستفسر عن اللي صار او بالاحرى انو همه دزوك..
اي فؤاد همه دزوني ذولي اللي طلعت وخليتهم دائرتك وجنت تتظاهر ويساندونك هسه من صرت بمنصب عفتهم لا والاكثر من هذا كله تتصل بالشرطه ويجون يفرقونهم بالقوة...
ذولة مو متظاهرين ذولة نعاج رعاع...
والله عال استاذ فؤاد صاير تحجي بالعالي ونسيت انك جنت من ضمنهم ذوله التسميهم نعاج يعني انت جنت نعجه موو...
طلع سيد باسل والنار تطلع من عيونه وبنفس الوقت جان فؤاد شايط من العصبيه ويحس نفسه نهان وهو شخصية مرموقه...
...
...
بليل اندك الباب عله سيد باسل ..
فتح الباب ودخلوا اربعة ولد وكالهم سيد باسل مثل ماتفقنه من ينزل من سيارته تكسرونه تكسر وتفلشون السيارة وتدمونه تدمي حته يصيرله درس مايتكبر ويكول عالناس اللي حسره عليها لكمة الخبز يكول عنهم نعاج....وبالكم يموت بديكم مانريد مثل هذا التافه يموت ويصير رمز ولاتنسون تره هوه مايروح لبيت امه لان مايحجي وياها روحوا لبيته الثاني وعلموا الادب وكلوله بالحجي اللي كتلكم بيه ...
....
....
...
بدت حالة تمارا تتخربط اكثر والمشكلة انو محد عارف السر الخطير بين تمارا وبيداء وكل اللي سمع بموت بيداء جان يتوقع هالشي لان علاقاتها هواي واكيد يجي يوم يطمون عارها ...بس السر اللي مامات ويه بيداء بقه يموت بتمارا وتتوقع بأي لحظه تنكشف وتنكتل وهيه صارت تتمنه الموت اي لحظه...
...
...
بعد عندك اقوال تضيفها...
لا سيدي ماعندي اي شي اكوله..
قضيتك مايحتاج الها تحقيق انت تم القبض عليك وانت متورط بجريمة القتل وسلاح الجريمه بيدك وانته فوك كل هذا اعترفت انك القاتل يعني للاسف ماكو اي امل انو اذا صعدت للمحكمه اكو افراج ...انت  ميت لامحال لان المحكمة راح يصدر حكمها وتعدمك...
اي سيدي اعرف بس اكو شخص لازم ينعدم وياي وهو شريك فاعل بالجريمه وحرام انه اموت وهو يبقه عدل...