ارملة ابليس

البارت السادس

اتفاجا نبيل من رهف يتصل وماترد ويدز رسائل ومتجاوبه وكال شنو السبب اليخليها تلبسه هيج وماترد عليه...
تمارا اشو جاي اتصل عله رهف مترد...
عيفها هاي وحده مزاجيه ذاك اليوم خابرتني من جنه باربيل تكول اخوج مخلصها سفرات ولامفكر بيه وصار شكد مربوطه وياه لامتزوجني ولا عايفني اشوف دربي...(طبعا هنا العلاقه تحسنت بين تمارا واخوها..)
اوك عوفيها اذا هيه مستكثرة عليه سفرة وي اختي وصارلها كم يوم ماترد اني اكره هذا الاسلوب...
اي خويه ..ردت عليه تمارا... اني من البداية مامرتاحه ابدا الها بس شسوي كلبك رهيف  عله رهف بس ميخالف اذا اتصلت عليك جاوبها وحسسها انك زعلان منها...
...
اتصلت تمارا برهف مباشرة وره ماطلع اخوها نبيل..
وكالتلها عاشت ايدج مارديتي عليه لان هسه حالته تحسنت ومايفكر بشي  ووضعه عالعلاج احسن...
بس انه مشتاقتله ياتمارا..
رهف اوعدج ايام واخليه يخابرج وعد بس حاولي لاتردين او اغلقي تلفونج...
....
....
....
تطور دور فؤاد بالحزب وجان يلتقي ويعقد اجتماعات وجانت ام نزار عمته وياهم تجتمع وصار فؤاد العقل اللي يدير الحزب وجان يطلع مظاهرات ويلم الفقراء وتحت حماية الدوله ...صار يصعد سيارات اخر موديل ومن يجي لساحات التظاهر يجي بسياراته المظلله وحته من يطالب بالحقوق صار يصعد عالمنصه ويضوج اذا لاحته الشمس... 
كدروا بفلوسهم وحيلهم يموتون ذاك الصوت المطالب بالحقوق جانوا يكدرون يكتلونه وينهون سيرته بس هذا الشي راح يخليه بطل قومي فقرروا ان يموت عله كيفه وبهدوء ويخلون الناس هيه تكتله...
..
...
بوسط هالفخامه والجاه والفلوس والملايين اللي يحصل عليها فؤاد  بس بعده بعلاقه ويه تمارا وكال لامه حضري روحج نخطب تمارا....
شوف واسمعني فؤاد انه ربيتك وكبرتك وتعبت طول عمري وياك ولو ميت بالسجن هواي عندي احسن من ان تتزوج تمارا واذا تزوجتها كل شي بيني وبينك ينتهي وصدك ماعرفك ولاتعرفني....
انه اشتريت بيت وهذا البيت هو الراح يجمعني بتمارا اوك يمه واليريد يجي يالعرس اهلا وسهلا واللي ميريد  ماجبره....
...
...
ظل يتصل نبيل برهف بس ماكو رد  وقرر يمسح رقمها وينساها مثل مانسته وكال لاخته تمارا ...
هاي شبيها معقولة هيج ويايه رهف ..
خوية والله ماعرف عوفها جم يوم ترتاح ....اكلك نبيل اريد اكلك شي بس مستحيه منك....
كولي تمارا لاتستحين......
فؤاد اخو رهف خطبني ويريد الزواج باسرع وقت لان عنده سفررر....
ماعترض نبيل ابدا بس تفاجا معقولة فؤاد يتزوج تمارا وليش تمارا بالذات ....بس يالله هيه اختي واتمنالها الخير...
....
...
....
قريب من بيت بيداء جانت الناس ملتمه والشرطه وسيارات الاسعاف والكل مخبوصين وماعارفين شصاير ..جانت  تمارا ورهف ونبيل وفؤاد وكل المنطقه تقريبا تشوف المنظر ....وطلعت الشرطه مجتفه اخو بيداء وشاده عيونه ...
ضابط الشرطه...يحجي ويه الشرطي.....
شيلو الجثث ميحتاج كشف دلاله وتحقيق لان المتهم اعترف ..
صاحت تمارا ياجثث شكو فهمونه شصاير...
رد عليها واحد من الموجودين الله يستر العالم بس هذا اخو بيداء اجه وكتلها هي وصاحبها بعد ماوصله خبر انو اخته عدها علاقه بواحد وطم العار وذبحها واتفاجا انو شاف زوجها موجود بلبيت وكتلهم ثلاثتهم...
طاحت تمارا وانغمه عليها وشالوها للبيت وضلت تحجي شامي عامي وتصيح بيداء بيدااااااء ليش هيج سويتي بروحج...