عدوتي صحفية

الحلقه الخامسه

الحلقه الخامسه 💓

في ڤيله كريم

وصل كريم وهو في أشد حالات غضبه

الحارس :اهلا يا باشا اتفضل اتفضل

كريم بغضب:افتح الباب انت لسه هتتكلم معايا

الحارس :ح حاضر يا بيه انا اسف اتفضل

دخل كريم الڤيله كانت ناريمان هي ومحمود جالسين علي السفره بيتعشوا

ناريمان :ازيك يا كريم يا حبيبي يلا تعالي بسرعه عشان تتعشي معانا

محمود :ازيك يا كيمو

لم يرد عليهم كريم وطلع لحجرته بسرعه

ناريمان :ماله ابنك في ايه

محمود:معرفش انا كمان ماله

في غرفه كريم كان كريم يفكر كيف استطاعت فتاه مثلها أن تضربه فالجميع يخشاه ويتحاشاه فهو بهيأته القويه والقاسيه يجبر الجميع علي الخوف منه ولم يجرؤ أحد من قبل علي ضربه وأقسم أنه سينتقم منها حتي ولو لم يراها قريبا

كريم لنفسه :ماشي بقا انا كريم المهدي حته بت زي ديه تمد ايديها عليا ولو وقعتي تحت ايدي تاني والله ما هرحمك

دخلت عليه ناريمان

ناريمان بهدوء :مالك يا حبيبي ايه معصبك بس كده ومخليك مش عايز تكلم حد

كريم وهو يخفي غضبه :مافيش يا ماما كنت بس تعبان ومصدع

ناريمان :الف سلامه عليك يا حبيبي اتعشي بس وخد شاور وهتبقي احسن

كريم :ماشي يا ماما بس سيبوني شويه هريح شويه

ناريمان : اوكيه يا حبيبي وخرجت ناريمان وتركته وعاد يفكر كيف سينتقم من هذه البنت

*************************************

في صباح يوم اخر وهو يوم الجمعه

ياسمين ومامتها كانو صاحيين من بدري علشان يحضرو كل حاجه علشان اخوها جاي من السفر

ياسمين وهي ترتمي علي الكنبه :اه الحمدلله خلصنا كل حاجه والأكل كمان جاهز فاضل بس هما ييجو ويجننوني بعيالهم

فاطمه : هههههه ايوه صح انتي يعيني الي بتتعبي من العيال بيجننوكي

ياسمين :اه والله بس وحشوني جدا

قاطعهم صوت طرقات علي الباب

فاطمه :دول اكيد هم

وذهبت مسرعه وفتحت لهم الباب دخل الصغار وهم فرحين واحتضنوا جدتهم

محمد ويمني :تيته تيته وحشتيني اوي

فاطمه وهي تحتضنهم وتقبلهم :حبايب تيته حمد الله على السلامه