«لأنـك تشبـهـه.»✔

«الحلقـة الثالثـة عشـر..»

حاسة الصورة دي لايقة عالقصة بغباء..😍👆

نبدأ بسم الله..♥🌸

_________________

~The Writer Pov~

في طريق الرجوع مع أيمن..غُـفران كل همها رد فعل أخوها..

باباها ومامتها موافقين وعارفين إنها كان نفسها في الأحسن من كده..بس دي إرادة ربنا قبل كل شيء..

لكن يا ترى رد فعل أخوها هايبقى كده..؟

ماتستغربوش إنها مكبرة الموضوع كده..لأنها لو مافكرتش فيه دلوقتي..هيثم هايجبرها بتفكيره العقيم تفكر فيه..غصب عنها..

أيمن مسك إيدها:
_غُـفران..مالك في إيه؟..سرحانة في إيه..؟

بلعت ريقها وفاقت من شرودها وقالت:
_بأفكر في هيثم ورد فعله..

وشدت إيدها بالراحة منه وكملت بـحُب:
_ومسك الإيد ده حرام لأنك مش حلالي..جايز الأول كنت ابن عمي وأكتر من أخويا بس دلوقتي الوضع اختلف..

واتنهدت بحـرارة:
_أو لسه هايختلف..

هو رجع إيده على عجلة القيادة(الدركسيون أو التارة)وكمل بابتسامة:
_كنت مستني رد الفعل ده أصلاً..😊♥

ربع ساعة ووصلوا..هو حاول يهدي أعصابها وأول لما دخلوا لقيت أخوها في وشها..زي ما يكون بيجهز إنه ياخد منها اعتراف..

دخلت بهدوء..باست رأس مامتها وإيدها وكذلك باباها..وعملت كده مع عمها ومامة أمينة ومامة أشرقت..

ورايحة تقعد أخوها مسك إيدها وقال:
_كنتِ فين لحد الساعة ١٠بالليل..؟

أيمن:
_كانت معايا..

هيثم بحدة:
_ماتتدخلش لو سمحت..عشان دلعك فيها ده هو اللي بوظها..وخلّاها إنسانة غير قادرة على تحمل المسئولية..😠

غُـفران سحبت إيدها من إيده بهدوء ورفعت رأسها له وقالت:
_هـا..تحب تبدأ التحقيق بإيه؟

هيثم بصلها بغضب وقال:
_راضية عن المجموع اللي جيبتيه ده؟..والكلية اللي وصلتي لها..؟ياترى طموحك هايتحقق من وراها..؟

هي بصت له شوية كده..وبعدين قالت بصوت حاولت  تداري فيه نبرة البكاء اللي بتسيطر عليها:

_تعرف إيه أنت عن طموحي وعن أحلامي..؟..تعرف إيه هي مادتي المُـفضلة حتى؟تعرف إيه هي هوايتي..؟تعرف إيه أكتر حاجة بأحبها ونفسي أعملها..؟تعرف إيه أكتر مكان بأحلم أروحه..؟

اتنهدت بحُـرقة وماقدرتش تمسك دموعها وكملت:
_أنت ماكنتش كده..!!من يوم حادثة قتل شريف وأنت متغير ٣٦٠ درجة..!!بذمتك لسه بتبوس إيد ورأس أمك وأبوك..؟لسه بتآخد بركتهم قبل ما تنزل شغلك..؟لسه أخويا ونصي التاني اللي كان بيقراني من غير ما أتكلم..؟لسه أخويا اللي كان بيذاكر لي..؟لسه أخويا اللي من كتر مشينا مع بعض وماكنتش بأروح في حتة من غيرك كل الناس كانت بتقول علينا توأم..؟مع إن فرق السن بينّا ٨سنين بحالهم..!!لسه هيثم اللي كان بيموت في الضحك والهزار وماكانش بيشيل هم حاجة؟..لسه هيثم اللي بييجي يصحينا كلنا لصلاة الفجر..؟مع إنه دلوقتي بقى بييجي وش الصبح..؟