«لأنـك تشبـهـه.»✔

«الحلقـة الرابعـة عشـر..»

نبدأ بسم الله..♥🌸

______________

~The Writer Pov~

دخلت غُـفران بهدوء ووطت عالأرض مسكت الصور وبدأت تشوفها..

صورها مع إسلام في الكلية مع اختلاف بسيط..

مثلاً الخلفية متغيرة..الكتب متشالة وباين إنها ماسكة إيده هو...

وهو بيسألها عالسكشن بيبان إنه بيحضنها وبيضحكوا..

يعني اللي عامل الصور محترف فوتوشوب لدرجة إنها لولا إن ده حصل معاها كانت صدقته..

الصورة الأخيرة اللي صدمتها..تبان فيها وهي داخلة معاه بوابة عمارة..

واللي بعدها وهم على باب الشقة دي وخلاص..

وخلصت الصور..واتحطت هي في موقف لا تُحسد عليه..

لسه بترفع الصور..لقيت طرحتها بتتشد بكل عنف لدرجة إنها حست إن خصلات شعرها هاتخرج من رأسها..

هيثم بغضب:
_ليـــــه..؟؟ليـــــــه..؟ليــه تعملي فيا كده..؟يا ترى تسيبي ليكِ وبُـعدي عنك خلَّاك تعملي إيه غير اللي حاصل ده؟

ضربها بالقلم كذا مرة لحد ما أنفها وشفتها جابوا دم..شدها من شعرها وحجابها اتخلع..

كل ده ومحدش قادر يتدخل..أيمن ووليد مش موجودين وأدهم مش موجود هو كمان..

عيطت دموع من دم وهي بتصرخ فيه:
_أقسم بالله كدب..والله كدب اللي في الصور ده محصلش..أنا ماروحتش مكان غير الجامعة والله..والله كدب..صدقني يا هيثم كدب..

دموعها مآثرتش فيه بمقدار ذرة..كمل وهو بيشدها من شعرها بقسوة:

_عملت لك إيه عشان تحطي رأسي في الأرض وتوسخي شرفي كده؟..الصور دي لو حد من زمايلي شافها هاتبقى فضيحة..ياترى ممكن يكون اللي بعتها نشرها ولا لسه..؟بتعملي فيا كده ليه..؟ليـــــه..؟جيبتي لي العار..جيبتي لي العار..

فضل يضربها..لحد ما شدها من شعرها ونزلها عالسلالم بوحشية وهو بيقول:

_روحي للو** اللي مشيتي معاه..خليه يستر عليكِ..من الليلة دي ماليش أخت ولا تقربي لي ولا أعرفك..وسختيني وجيبتي لي العار..

مسكت شعرها بوجع وقالت بدموع غرقت وشها:

_استنى بس اسمعني..والله العظيم ما حصل حاجة..وربنا وشرفي ما حصل حاجة..

لطشها بالقلم رقبتها لفت وقال لها بغضب وقسوة:

_مالكيش شرف يا وسـ** عشان تحلفي بيه..أنتِ مش من لحمي ودمي ولا أعرفك..عاوز أعرف بس عملـ...

_هااااايثاااااااااااااااااااام..

صوت أيمن الغضبان جه من على بوابة الفيلا بعد ما هيثم مرمطها عالسلالم وبقت بتنزف من كل حتة..