_ " مـرّ الشبيـه فـانتفـضَ القلـبُ ، ما بالُك إن مـررت أنت ؟ "
« المُراهقة الصغيرة (غُفران أبو المجد) تقع في عشق صديقها في المرحلة الثانوية الذي لا يعرفها حتى، وحين عودة ابن عمها اللاعب (أيمن أشرف) من سفره في الخارج، تلجأ له بعيدًا عن أخيها المُتعصب...
بالرغم إن الحلقة اللي فاتت شافها أكتر من ٥٠ شخص وماعدتش الـ٢٠ فوت بس أنا هأنزل عشان خاطر ناس معينة..ماتخلونيش أطلب منكوا عدد معين ومش هاتكملوه غير بعدها بشهر..خلينا حلوين كده..
كمان عشان أنا فرحانة بالـRankings اللي فوق ⬆🔐♥ مش مصدقة الرواية بقت رقم واحد في الـAsc فرحانة بيكوا جداً والله ويارب دايماً تعجبكوا..♥😘
سؤال قبل ما تنزلوا..
"لو أنا كتبت في رواية تانية بس مش عن اللاعيبة ولا بالمصري..هاتقروها..؟؟!!"
نبدأ بسم الله..
____________
~Walid's Pov~
حكيت لهيثـم كل حاجة حصلت في مكتب شهـاب..
كنت مُـنهك وتعبان جداً من امبارح وخصوصاً إني مانمتش كويس..(نفس شعوري دلوقتي هأموت وأنام..😪💔)
وطبعاً ولأن هيثـم بيه ظابط..مابينامش ومتعود ماسابليش فرصة أستريح..
هيثـم وهو بيقوم بعزم: _قوم يا وليد هانروح لشهـاب دلوقتي..
أنا بصدمة: _نعم يا أخويااا..نروح لمين؟!..هيثـم أنا أقسم بالله ميت من التعب وجعان نوم بشكل رهيب أنام شوية ونروح لشهـاب ماشي..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت له كانت غُـفران عملت لي قهوة عبيتها في كوباية ينفع آخدها معايا وخادتها ونزلت معاه..
هو رنّ على شهـاب وطلبه نقابله في كافيه برا المديرية..وهو جه بعدها بربع ساعة كده..
قلع نضارته وقعد: _السلام عليكم يا أهل السلام..خير يا هيثـم؟
هيثـم: _وعليكم السلام..أنا عاوز أفهم وليد إزاي تتلفق له التُـهم دي وهو..
شهـاب قاطعه وهو بيبتسم: _عارف إن ده سؤالك..يا هيثم دي مهمة سرية يعني لازم كل ده لأجل إنها تتم على أكمل وجه وآديك شُفت هو خرج تاني يوم وزمان حاتم بيشد في شعره دلوقتي..
