«لأنـك تشبـهـه.»✔

«الحلقة السادسة..»

التفاعل مزعلني ورغم كده الحلقة أهي ماتأخرتش عليكوا..💔🍃

ده حاتم..🔝⬆⬆

نبدأ بسم الله..

______________

~Walid's Pov~

هي المشرحة ناقصة قُـتلة..إيه اللي جابه بوز الإخص ده؟

سمعته بيرد على هيثم:
_يـاااه..سيادة الرائد بنفسه!!..والله ليكِ وحشة يا هيثم بيه..بس للأسف الشديد أنا مش جاي لحضرتك..أنا جاي لوليد بيه..ده لو مايمانعش..

أنا بصوت جهوري عالي:
_ماما...

ردت عليه والدة غُـفران:
_قلب أمك يابا..

_خُـدي ماما أمل(والدة أشرقت) والبنات واطلعي فوق..اتفضل يا حاتم..البيت بيتك..

ماما آخدت البنات وماما أمل وطلعوا فوق..

هيثم وأيمن دخلوا قعدوا معايا..وعمي شريف وعمي محمود فضلوا في الجنينة برا..

بعد ما قعدنا وأيمن دخل جاب له عصير من جوا..

أنا:
_الزيارة دي وراها إيه يابن الجوهري؟

حاتم ريح ضهره عالكنبة وولع السيجارة الفخمة بتاعته وقال:
_كل خير إن شاء الله كل خير..

هيثم بحدة:
_ما تنطق يا بيه..ولا هانشحت منك الكلام؟😠

حاتم:
_لاء ياباشا إحنا هنا مش في القسم..بلاش الأسلوب ده معايا عشان ردودي مش هاتعجبك..

أيمن بنفاذ صبر:
_إحنا ماعندناش عزيز يابن الجوهري لخص وقول جاي عايز إيه؟

حاتم وطى جسمه لقُـدام بحيث يبقى وشه في وشي وقال:
_بضاعتـي فين يا وليد؟

رديت ببرود:
_المناقصة كانت من نصيبي يا حاتم..يعني دي بضاعتي أنا..😌

حاتم بفحيح يشبه فحيح الأفاعي:
_مش البضاعة دي ياوليد..البضاعة اللي كانت جواها..وديتها فين؟

هنا هيثم هو اللي رد بكل فخر وثقة:
_لاء ياحبيبي..البضاعة دي تلزم الداخلية..طبعاً ماتغلاش علينا..ولا إيه قولك؟

حاتم وهو بيحاول يداري غضبه:
_طبعاً ياباشا..ده أنت لو عايز رقبتي خدها..بس وديتها فين برده مافهمتش؟

أيمن:
_لاء يابابا..رقبتك خليها لك..البضاعة متحرزة وفي الحفظ والصون..ولا تقلق..

حاتم وهو بيقوم:
_طب تمام..كنت بأطمن بس..وفي حاجة كمان..

وشاورلي بسبابته والوسطى بتاعته بمعنى قوم فقومت وقربت منه وهمس لي بتهديد:

_المرة دي سيبتها لك بمزاجي..المرة الجاية فيها رقاب..خلي بالك من الهانم الصغيرة يا وليد بيه..تشااو..👋

بصيت له بتحدي وقلت:
_نورت يا حاتم بيه..نورت..😎

وخرج ركب عربيته ومشي..