«لأنـك تشبـهـه.»✔

«الحلقـة الثامنـة عشـر..»

يا جمال الصورة..🙊♥

الحلقة دي عشان خاطر أمينة فيها كل الأسرار يابت من أول الدرج لحد كدبة موت أيمن بس ركزوا بس..😹👊

نبدأ بسم الله..♥🌸

_______________

~Haitham's Pov~

ضربت على نمرة أيمن لسه بيضرب أول جرس لقيته دخل من الباب اللي ورايا..

وقف ثواني كده وكل نظره على غُـفران.

غُـفران بصت لي بصدمة ورجعت عينها ليه تاني وكأنهم كانوا في غيبوبة وفاقوا..

الاتنين جريوا على حُضـن بعض وأيمن مسك رقبتها وهو بيدفنها جواه وهي مسكت في التيشرت بتاعه بقوتها كلها ومابيتكلموش..

نزلت عيني شوية..قولوا فضلوا حوالي عشر دقايق عالحال ده..

أيمن نطق بعد ما بعد وشها عنه شوية وهو بيبص في عينها بشوق الدنيا كله:

_وحشتيني..وحشتيني أوي..مش قادر أوصف لك مدى اشتياقي ليكِ دلوقتي..ومش هأقدر كل اللي عاوز أقولهولك إني أول مرة أعرف إني بأعشقك كده..الفترة دي كانت أصعب فترة مرت وهاتمر عليا في عُـمري كله..ماتبعديش عني تاني يا غُـفران..أنا ممكن أموت فيها..

حطت إيدها على شفايفه..وبتلف وشها للناحيتين بهيستريا وبتعيط:

_بالله عليكِ ما تجيبلي سيرة الموت تاني..جسمي بيرتعش وبأخاف..بأخاف تبعد عني تاني..وأبقى جسد من غير روح..أيمن..أنت الحب الوحيد في حياتي..وعشقي الأول والأخير..أنا عارفة أنت كنت عارف حالتي كانت عاملة إزاي من بعدك..أرجوك ماتبعدش عني تاني..ماتسبنيش تاني..وبلاش يبقى في بينا أسرار وحاجات أنت مخبيها عليا..ليه عملت فيا كده؟..ليه سيبتني كل الفترة دي من غيرك بأموت ١٠٠ مرة في اليوم بعيد عنك..؟فهمني عشان هاتجنن بجد..!!

شدها وقعدوا عالكنبة..حمحمت بمعنى أنا اللي هتكلم..

هي جات تقعد عادي..راح واخدها تحت كتفه وحط إيده على وسطها..وقال بعصبية:

_واحشاني..الله!!مش مراتي ولا إيه..؟!!!

وشها احمر وسكتت..

أنا:
_بصي يا غُـفران..أول حاجة لازم تعرفيها..

إن أيمن جوزك مش لاعب كورة قدم زي ما أنتِ فاهمة وماما وبابا وكله فاهم ولا باباه حتى يعرف..

بصت لي بصدمة ورجعت عينها له..راح منزل وشها لعندي بمعنى تكمل تسمعني من غير تعليقات..

كملت:
_أيمن بيشتغل في..

صرخت بصوت عالي..:
_استنى فين أمينة عشان تسمع..لازم تعرف..

أيمن بص لها بمعنى عاوز أقتلك وقال:
_أفهم بس..أمينة هي اللي مراتي ولا أنتِ..؟

هي مطت شفتها لقُـدام بطفولة وقالت:

_أيوه أنا مراتك..بس هي هاتقولي إيه اللي حصل وأنت جيت من الموت إزاي وكل ده يعني..وأنا لازم أقول لها..