باركين على العشا، و السقيل دير بينا حتا دوا
فؤاد: حنان سهام بغيت ندوي معاكم
حنان (حطات ايدها على ايدو): ياك لاباس
فؤاد: حنان انا مكنرضاش انني نشوفك كتخدمي و انا كين، اش غيقولو عليا الناس بلي مقادش على مراتي و بنتها
انا تقرصت من ديك بنتها، ياك كيعتابرني بحال بنتو شنو تبدل دابا... انا مقدرتش نكمل معاهم المناقشة و تحركت بالكرسي ديالي، و كنسمع فيه كيدوي مع ماما
فؤاد: راه قلت ليك مكتحملنيش
حنان(عيطات عليا): سهام وقفي
وقفت و جات قدامي و عرفتها مقلقة
حنان: علاش كديري هاكدا، نتي لي شجعتيني النهار اللول و دابا شنو وقع
انا: انا دابا مدرت والو
حنان: علاش مكتعامليش معاه مزيان، هوا كيعاملك بحال بنتو
انا (مبقيتش كنقيس اش كنقول بالعصاب): ولكن هوا مشي بابا، يخلي بيني و بينو شبر د التيساع
ماما: حتا فرحت و بغيتي تجي تحطميني
انا: الى كنتي غتحطمي على والو شغلك هاداك
عارفا راسي غالطا، ملي كنتعصب مكنقيسش اش كنقول... فالليل مشيت طلبت منها السماحة، و بزز مني طلبتها منو حتا هوا، و جا عنقني، و مع دلك مكنرتاحش ليه... من تما و انا رادا منو البال، كيجيني بحالا كيدير شي حركات مشي حتا لتما... كترو المشاكل بيناتنا انا و ماما بسبابو، اولا يمكن بسبابي لمهم اننا ولينا كل نهار مخاصمين...
