بقينا غاديين مسافة طويلا و انا نشوف لبحر ما تصوروش خوفي قداش كان و قلبي تقبط حيت من صغري و انا كنخاف منو بسباب وحد نهار غرابيت فيه .
زدنا شويا و هو كيبان لينا وحد ليخت كبير دخلنا فيه بلوطو ديريكت لاكاف .
دطالا لوطو و خرج منها وشاف فيا : غتباتي هنا
انا : لا رد غير كنشوف
هو : تفو على بشار حتى لمشي ما قادراش تمشاي باركا تفشي عليا حرز عليك و جبتك نتمتع بيك اما والله لهنا لا تبعتيني
انا مازالا على نفس لوضع هو قرب هزني و دخلني
لخدام : سيدي لجناح ديالك واجد
هو حرك يديه بمعنا : فهمت غير غبر
مشينا لوحد جيها فطابق لعلوي و حطني و على وحد لكرسي و دخل جاب قرعا ديال شراب شويا و حنا نسمعو صوت بنات ولاد كيضحكو .
وقف طلل عليهوم و برك يدوي معاهوم من صوت عرفت ايمان و خاديجا ولكلب ديال فوؤاد .
بقينا غاديين وحد لمودا و هو يحبس ليخت انا تخلعت و شديت فيه كنرجف
انا : جاد واش خسر واش غنموتو هنا اه غيصواب ياك
هو: هههههههه راه وقف حيت غندوزو نهار هنا
انا : اكي
هو : نوضي تعومي
انا : لا ما كنعرفش
هو : ههه انت تعرفي جنون وين يسكنو قلك ما تعرفش
انا : لا والله ما كنعرف
دور وجهو لجيت لبحر و كمل كاسو و قف و هزني
انا : فين غادي بيا
هو : انا قلت غتعومي هيا غتعومي
انا كندرب فيه ونسرخ : لا عافاك والله ما كنعرف ها لعار لا هئ هئ لااااااااااااااا
هادي اخر كلما قلتها و لقيت راسي وسط لما عييت نضرب بيدي باش يشوفني شي واحد لاكن لا حياة لمن تنادي .
شويا و فقدت سيطارى على راسي و بديت كنشرب لما حيت كملي لوكسيجين زعما حياتي عداب و موتي عداب
لبنات اسف على تأخير توقعاتكوم
يتبع
