ضليت نهار كولو وانا فوق ديك لكرسي و عندي ولاو بصيص امل انو شي حد غيجي يفكني لكن لا حيات لمن تنادي .
طاح ليل وضلام غطى ارجاء لغرفة و اصوات الكلاب تتصاعد و خوفي كيتزاد .
واخا ما عارفاش مناش بدبط وش خايفا يقتلني فؤاد؟ او خايفا ياكلوني دياب ؟او نموت هنا بوحدي ؟ ههه فينالمون غيكون مصيري واحد و هو الموت عشت فلعداب و غنموت معدبة .
عند ماما :
فقت صباح كيف لعادة لبسة

قديت شعري و درت مكياجي و هبطت نفطر تسنيت و مشيت لخدما نسني على شي وراق كانو باقيين ليا وصلات وقيت غدا و و انا نجمع حوايجي و خرجت
تاجهت لمنزل حيت حارلي لعجب من سيهام ما تاصلاتش بيا تحزرني كيف لعادتها .
واخا انا ما غلطت فوالو هيا لي بغاتني نتزوج و نجيب راجل يكون فجنبي و نعيش حياتي و نفرح شويا
لاكن سرعانما ما تقلبات عليا من نهار تزوجت ولات تخلق لمشاكل من والو، و حتى كتكره فؤاد لدرجا كبيرا.
وحتى نهار قرر فؤاد اني نحبس لخدما بحكم انو كرامتو ما سمحتش ليه انوهو يشوف مرتو متخدم قلبات دنيا و عايرات حتا ما قدها .
مي كيف عاتها عتادرات و حزراتني مي دابا ما عيطات ما سولات ماشي من عوايدها زعما تكون تقلقات دبصاح حيت درت لفؤد لوكالا .
مي انا بغيتو يكون فبلاصت بالاها هو اصلان كيتهلا فيها و لاكن هيا لي ما كتحملوش
نمشي نشوف مالها لتكون وقعات ليها شي حاجا الله يحفض.
ركبت فسيارتي و تاجهت نحو لبيت ديالي مسافت طريق و كنت فدار.
انا : ماليكا
هيا : نعام الالة
انا : جا فؤاد
هيا : لا الالة ملي خرج فصباح
انا : و سيهام فينها
هيا : يمكن الالة راها باقا ناعسا فصبح طلعت ليها لفطور و ما بغاتش تجاوب و حتا امال عيات تعيط ليها ما جاوباتهاش و قلنا نخليوها مرتاحة
انا: ويلي و يلا كانت واقعا ليها شي حاجا
طلعت كنجري ندق فلباب ونعيط والو ما كتجاوبش
انا : سيري جيبي ضوبل ديال سوارت و انت باركا تفرجي فيا.
هيا : واخا الالة
مشات جابت سوارت و حلات لباب ملي كندخلو كنلقاو لغرفا مرونا و لبلاكار محلول و خاوي و هيا ما كايناش
انا : سيهام سيهاااام هئ هئ فينك ما تلعبيش معايا هاكدا فين.. درت لعند لخدانات.. قلبو دار كاملا نورا تاصلي بفؤاد يجي
بقيت نبكي و ندب قوجهي حتا دخل عليا فؤاد
هو : حبيبا ياك لاباس
انا :هئ هئ سيهام غابر ليها لتار
هو : ولخدامات ما شافوهاش
انا : لا راه قلبو دار كولها والو و حتى حوايجها والو هئ هئ
لخدامة : لالة نشوفو لكاميرات لا يكون خطفها شي واحد
فؤد : اه لا شكون غيخطفها
انا : لا نقلبوهوم سيري جيبي تسجيلات
لخدامة : اكي
بنات ارائكم
