عند سهام :
بقيت فبلاصتي وحد لمدى طويلة شيء لي خلاني نتكوانسى و تشدني لكخيزم لي متعوضى تحكمني كيف ما نتحركش و ما يدورش دم فجسمي .
و حتى من دوى لي مولف يساعدني ما شربتوش من لبارح
بقيت مودا طويلا كنقاومها و نحاول نتحرك مي والو بدون شعور نزلو دموعي
انا : اه يا ربي علاش وقعلي كاع هادشي خلاقيت معاقا ءي لي خلا بابا يسمح فماما و تحرمت اني لعب بحال كاع لولاد صغار و نفرح و نقز و قلت هانيا حتى نهار كنت كنشوف اني غنعيش حياتي بلا ما لقا لي يبغيني و يتزوجني و يكونو عندي وليدات كنت كتحمدك و نشكرك مي علاش مصر انك تعدبني هئ هئ.
انا مازالا كنديو نجيب فلهضر مع راسي حتى كنسمع لباب دار تحل و صوت رجال كيضحكو و يهضر من صوتهوم باينين سكرانين .
انا زت فوتر البكاء: ربي هادا باش غاتجازيني هئ هئ انا باغاك تفكني و انت باغي تغرقني
بقيت قاطعا لحس باش ما يسمعني حتى شي واحد لاكن هيهات ما هيا الى دقائق و كشفو اني فلغرف .
1: وااع راه هنا فين كرتاح
2: بلاصتك غير فخربا
3 : نههههه نجيب ليكوم ويسكي ونجي نكملوصهرا على ما يلحقو لباقي
1: اكي
مشاو كلسو و هو ما كيدخل غير لبيت لي فيه انا
3 : وااع حماماة
صحابو من برى : تلقاها جات تبات عندنا
2 : اش بان ليكوم ندبحوها و نشويوها
1: راه ما تكفيش
3 : راه تكفي ويشيط لخير اجي توفو
دخلو صحابو لخرين غير شافوني و بداو يضورو فعينيهوم
