هاي أكو أم دار بيها الوكت فكعدت عند أبنها ورة شهرين أبنها حجة وياها ( بطريقة الدارمي )
الأبن :-
أرد أحجي يمه وياج بس لا تزعلين
من باجر أنوديج دار المسنين
ألام:-
ياوليدي شسويت شبدر مني كول
بيت أبني رحمه جبير ميلمني معقول
الأبن:-
اي يمه مرتي ادكول تعبتني أمك
صارلها بلشهرين موجودة يمك
الأم:-
مرتك ييمه ادكول شعتب عليها
اعتب عليك اشلون ترضة بحجيها
الأبن:-
لا يمه مرتي اهواي تعبت خطية
وسالفتج شما شوف كلش بطيه
الأم:-
ياوليدي من شهرين تشكي وتعاني
وابطني تسع شهور شايلتك أني
الأبن:-
ما أكطع أنه وياج هم راح أمر بيج
صدكيني يمه أهواي أريح ألج هيج
الأم:-
باجر بعيد اهواي وديني هسه
وبالك تمرني بيوم وديني وأنسه
وختمت الحديث ب..
أمشينه بس يفلان خليني أوصيك
البيه مر اليوم باجر يمر بيك
