حكم العادات

البارت 1/2

#حكم لعادات
البارت الاول
ل وردالعامري
عادات… . . منو يحكم لمجتمع ممعقوله هوه حكمنه لازم اكو ناس هيه اسست لمفاهيم الراسخه بعقول البعض وخلتها تمشي علينه بمعتقدات وعادات بحجه ربونه هيج او اهلنه عاداتهم هيج مجتمعنه اذا طلب منه اختيار التضحيه بالمرأه ام بالرجل راح ايضحي بالمرأه دائما توضع عراقيل بوجهه المرأه ومن ضمنها كلمه فصليه اوقانون فصليه. قصتنه اليوم راح تتكلم عن بعض لمعتقدات العشائريه راح اترك قلم لاابطال القصه لنسافر معهم بين طيات حكاياتهم متابعه ممتعه
القصه حقيقيه وكل ماسوف يذكر هوه حقيقي 100%وبالتفاصيل

ورد العامري 😘

هلو وياكم حنين م 84 من عائله متكونه من اب يشتغل مضمد وامي ربه بيت
اختي حنان م80 مكمله دراسه حدها للثالث متوسط،واخذها ابن عمي
واخويه كريم م 82
واخرهم اني قصتي بدت بال2001
بعد ما كملت امتحانات الصف السادس الاعدادي للفرع العلمي
بعد ما سويت لمستحيل حته اكدر ادرس والدي حده ويانه لل3متوسط وبعدها يمنع الخروج من البيت اصلا احنه من محافضه لسماوه
والدي،قاسي جدا وامي حنونه لاابعد حد بس مابيدها شي اخويه كريم نسخه ابويه بالقسوه بس بطيش ابويه متسلط علينه لكن طبيعي ويه الناس اما ويانه فسلطتنه علينه وبس كريم ايريد يصير ع الكل حته العالم الي بشارع تشكي منه
اليوم اخر يوم بمتحاناتي اتمددت واحلم بالنتيجه الي اتمنه بيها لنجاح هواي تعبت ودرست
يارب انجح وادخل لكليه

اي هسه. ابويه يدخلني كليه والله ياالله هههه اضحك ع روحي اني اكوم احضر لعشه ويه امي احسلي
هاي لعطله مضره الي مونفع بعد ما اشوف حمزه
حمزه ولد جيرانه مابينه شي غير لنضرات والابتسامه اجه خطبني بس ابويه رفض لان حالتهم موكلش زينه مع العلم اشوفهم احسن من عدنه هيه لشغله موشغله بيت ملك وفلوس
الضحكه والسالفه والموده بين سكان لبيت الواحد هيه الاهم اخت حمزه ويايه بالمدرسه صف خامس ادبي بحكم ان احنه جوارين ييتهم يبعد عن بيتنه 4بيوت تقريبا اروح سوه ونرجع سوه مم البدايه اني معجبه بحمزه حمزه اشكراني كلش حلو هوه يشتغل صباغ بيوت بس بحكم اني بنيه محجيت ولاحسست احد بيوم جتني سكينه اخته وفتحت ويايه لموضوع ان حمزه يريد يخطبني بينت الها لموافقه ودزو ناس وارفض
بعدها صارت بينه نضرات وبعطله الخامس دزلي رساله ورقه وضرف بيدسكينه جانت اول رساله منه يكابتبلي بيهه اعجابه وانه شاريني ويطلب مني اصبر لحد ميكون  روحه ويكدر مره ثانيه يجي يتقدم  صارت بينه رسائل كلمات تتسطر ع ورقه مابيهه اي خدش للحياء عباره عن سلام وبعض مشاعر الحب الي توصفهه بيت شعر اوقصيده او اغنيه ونضره من بعيد وابتسامه مكتومه كلي الي بينه هذا لكن مشاعر كانت تساوي الكثير
طلعت اساعد امي واني ببالي الف حلم حلم يتمنه دخول لكليه وحلم ثاني ينتضر الاسبوع يخلص وتجي لجمعه حته تجي ام حمزه تخطبني مره ثانيه وحلم بنجاح وكلمه مبروك تطلع من ابويه وحلم ثاني يريد التخلص من كريم الي مسوي رجولته براسي وكأن الرجوله بضربه لااخته والاستهزاء بيهه لكن هباءمنثور

#حكم العادات
البارت الثاني
ل وردالعامري
دخل كريم الي ميعرف حته السلام ايسلم ويتعامل وكاني حيوان كدامه حته اسمي ميصيحلي بي اسمي يا هيي يالج ياثوله وكالعاده صاح لج ثوله تعالي مسحي حذائي
-وتالي ويه ابنج
-يمه عوفيه مخبل روحي يمه شوفيه مالنه حيله وحيل ابوج
رحت مسحت حذائه وحضرت هدومه
-لبسيني لجواريب
كبر عورتيني غبيه انتي
-كريم موخدم عدنك تره
-شكلتي لج هاي بوجه منو عطتي
-معطت بس ده اكولك عيب تره اني اختك

-وشنو يعني قندرتيش يعني
-شعري كريم
-اطيح حضج اليوم لج اترادديني الي
-شكو شكو يمه
-هاي بنتج الادبسز تعيط بوجهي هاي تربيتج
-لاتحجي ويه امك هيج يل متستحي
-لج بابا انتي جسمج حاكج
-محترم حته امي ضربني وامي تفك بشعري من ايده ع صوتنه طب ابويه

-شكو شبيها هاي
كريم: يابه صخرتها تكولي اشتغل خدامه ابيت ابوك
حنين: والله مكلت هيج
الاب: لج حقيره غصبا عنج تخدمين اخوج قندرته ع راسج طايحه الحظ تربيه امج
-انوب ابويه ضربني وضل يغلط ع امي ياربي خلصني اوووف ياحمزه كون الله يرزقك
طبعا ابويه من عاداته انه ياخد نقد لبنيه يعني حاضرها ياخذه فلوس نقد مو عله لورق لهل سبب مكدر حمزه وابويه رفضه لانه هوه لمعين لااهله اكبر واحد بيهم وعنده اخ بعده بالابتدائيه وبنات3خواته
طبت امي تواسيني وكالعاده تكولي كله من وراج ليش اجاوبيه اتصخري وانتي ساكته ليش هيج حيوانه اني حته لحيوان يحقله يعترض بس اني لا
نامو يله طلعت تعشيت ونضفت لمطبخ جان عدنه تلفون ارضي شفت لواير ممدود تبعته شفته بغرفه كريم حطيت اذني ع باب سمعته يكول انتي حبيبتي وحياتي اتمنه يجي ليوم لتكونين بيه زوجتي صدكيني ادللج واحطج بعيوني
سكت ماعرف شكلتله بس يجاوب
يكولها لالا صدكي موكل الزلم بس حجي هاي خواتي اني مدللهن واخاف عليهن من الهوه ذيج لزوجت كل اسبوع تجي افرغلها لغرفه لنام بيها حته ترتاح واختي الي بالبيت صديقتي تجي تحجيلي اسرارها لازم اكون صديق الها زمنه يخوف واني مصادقهن حته يحجلي وميحسن بالخوف واني اساعدهن الضرب موحل اخوج غلطان
-والله بعد شويه واصدك لوما سمعته وره مكله تصبحين ع خير سده يكول كبر طاح حضج لواختي اله اشنقج
ركضت للغرفه بسرعه شنو هذا ممثل ماكو هيج شي خطيه ياكل بعقلها حلاوه بس لامصدكته الغبيه. هي يالله صديق خواته تمددت ع دوشكي واضحك ع حجيه يمكن مصدك روحه هذا

يله تفاعلوو حته نكمل