حكم العادات

البارت 3/4

#حكم العادات
البارت الثالث
ل وردالعامري
بحكم العادات الي تربينه عليها الولد مفضل بكل شي عله لبنيه رغم ان كريم فاشل بدراسه لاكن ابويه يشوف كرم وميشوفني اني اصغر من كريم ووصلت للسادس وهوه بعده بدوام لمسائي3سنين وقبلها 3سنين بصباحي  هوه بثالث متوسط وبالكوه نجح وهسه خامس صارله 3سنين بي
لكن يبقى امير وبس حته من انجح مااسمع مبروك من ابويه لوعفيه عليج

الجمعه جتي ام حمزه وجنت طايره من الفرح واتمنه انه يرضه امي كالتلها اسئل ابوها
-خيتي دكومي سئليه شوهياته بصفج هوه
ابويه جان مطلع محل صغير من البيت مسويه لتمريض وحاط بيه ادويه طلعت امي تسئله واني قدمت مي وعصير وحاجتني بااسلوب كلش حلو سمعت ابويه يصيح يالله يالله يعني يريد يدخل دخل وسلم عله ام حمزه

حمزه اشرتلي امي فوتي جوه رحت للمطبخ حته اسمع الهول مالتنه جان قريب ع مطبخ وبعده غرفه امي وابويه وبصفهه غرفه كريم واني اخذت لمخزن فرغته وسويته غرفه الي حطيت بيه دوشك ومخاديد وعندي بوفيه جنه انسفط بيهه لهدوم ولكتب اني واختي من تزوجت صارت الي بدو يحجون
ابو حنين: خيتي ام حمزه انتو جيتو قبل فتره وسمعتو ردنه وكلتو مانكدر
ام حمزه: خويه انت طالب 3ملايين زين هوه وراه جهاز وزواج وغرفه خليهن حبر ع ورق لو 100مليون هم ميخالف
ابوحنين: خيتي هذا حبر ع ورق يكتبه ميكتبه بكيفه اني ربيت وكبرت من حقي اخذ ولوشي بسيط وهاي عاداتنه
ام حمزه: خويه كلنه ازوجنه نعرف حاضر وغايب اول مره نسمع لازم نطي نقد لاابو لبنيه
ابوحنين: والله هذا لموجود
ام حمزه:  خويه ليش هل عصبيه احنه ده نتفاهم زين خلي بس يحجزها هوه يشتغل تدري بي صباغ يشتغل وعله باب الله بلكن الله يرزقه وينفذ
ابوحنين: واني اضل حاجز لبنيه والله محجوزه لحمزه
ام حمزه :خويه انت مده تسهلهه هوه ع كد حاله ومشتريكم ومشتري لبنيه
ابوحنين: والله الي ماعده ممجبور يزوج
ام حمزه: هوه عنده الي يكدر يعيشه ويزوجه بس ماعنده مبلغ النقد
ابوحنين: خلص واني ممجبور ازوجه بنتي ولااحجزها شوكت متجي قسمتهه الي ينفذ الي اريده امشيها
ام حمزه: بس هيج حتضلمها الاهل ميردون غير سعادته بنتهم انت مدور سعادتها ادور فلوس
ابوحنين: احترمي نفسج مااسمحلج هذي عاداتنه وتقاليدنه بس مع الاسف انتي مره لو رجال جان عرفت اتصرف وياه
ام. حمزه: لاخويه لامره ولارجال هل زيجه بله منها بتكم عدكم وابنه عدنه مسلم عليكم
حنين: طلعت ام حمزه حسيت بالفعل اني ارخص شي بهل دنيه ابويه كاانما ده ايبيعني بيع

ليش هيج ايسوي يعني اني بنته لو لاكيني بشارع ويريد ثمن
اوووووف ياحمزه هسه اكيد امك بعد متريدني حقهه والله اذا ابويه يتهجم تهجم عل عالم ياربي انت الوحيد القادر تجمعني بحمزه

#حكم العادات
البارت الرابع
ل وردالعامري
عده شهر وطلعت النتائج الحمدلله ناجحه ومعدلي82:6
فرحانه وامي فرحانه وتهلهل
طب كريم شكو صوتكم لشارع
الام: يمه خيتك نجحت
كريم: وشنو يعني جابت الطلي من ذيله نجحت
الام :ياااا يمه غير فرحانين شبلاك
كريم: اي اريد افهم فرحانين ليش واذا نجحت اسوت معجزه يعني
الاب: شبيكم مايوم فتت اذا موصوتكم لسابع جار
حنين: بابا نجحت معدلي82
الاب: اي يله كافي بله لغوه روح بويه كريم ارتاح شبيج ثوله انتي متشوفين اخوج مقهور لو تسوين بالعناد،وياه
الام: لاعيني ياعناد بس فرحانه بنجاحها
الاب: لو تحب اخوها جان تفرح ع فرحه وتحزن ع حزنه مواخوها راسب وهيه تقاهره والله ان سمعت هل سيره اله اكسر ضهرج

حنين: كل سنه يكون عندي امل اسمع كلمه مديح من ابويه وانسه ابويه ميشوف بعينه غير كريم وبس
الدنيه جانت شته نهايه ال2001جنه شهر ال12 بعد كم يوم لراس السنه ندخل ب2002
كاعدين اني وامي جانت ساعه 10بليل بارده ابويه نايم واني وامي كاعدين وحاطين لصوبه وحاطين عليها قوري الجاي وطاوه بيهه حب حار نكرز ونتفرج فلم جان يوم خميس وكل خميس قناه الشباب اطلع فلم عربي سهره طب كريم يركض 🏃 ويصيح وين ابويه وين ابويه
الام :شكو ولك شبيك
كريم: يابه يابه
الاب: خير منو مات شكو
كريم :يابه لحكلي ختلني ضمني بمكان
الاب: لك شكوو
كريم :يابه دعمت مره وطفل
الام :صخام لصخمك ياكريم
الاب: ولك وين وشلون
كريم :يابه لمغرب
الاب :وديتهم للمستشفى
كريم :لالا يابه انهزمت
الاب: وين جنت لهل وقت
كريم: ختلت يابه ابيت صديقي ومن ضلمت اجيت
الاب: خوما احد شافك
كريم: مادري يابه بس جان الشارع هوسه وبي ناس هواي هيه عبرت من كدامي والله يابه
حنين: طب ابويه يلبس وماعرف وين ايريد ياخذ كريم بعدهم بالباب وطبت النجده علينه شالو كريم من ياخه قميصه وابويه يتوسل بيهم اخذوه وابويه لحكهم وضلينه اني وامي اندك ونلطم للساعه 2بليل اجه ابويه بس عبالك مهدود حيله
الام: هااااا بشر
الاب :شبشر المره والطفل ميتين

الام: صخام ولطام عزه بعينج يابدريه كتلك ابنك. مومال سياره لاتشتريله
الاب: هوه محد فكر لولد غيرج وغير بناتج الله ياخذجن ويخلصني.
حنين: قبل فتره اشتره ابويه سياره لكريم جانت كرونه وسجلها بااسم كريم. فمن خلال رقم لسياره الي ماخذه واحد ومبلغ بيه جوي ه بيت واخذو كريم انوب ابويه حط امي وكتلها ع انتي نكيتي ع ولد ضلينه لصبح كاعدين لان ابويه يريد يروح لعمامه ساعه 5الفجر صار رمي ع بيت مالنه امي كالت اندك ع نجده كلهه ولج سكتي يانجده كاتلين منهم احنه عشيره هذي اطيني وصله بيضه
الام :ماعندي بيضه
الاب :يامسودنه اطيني فانيلتي ركضي
-احنه كلنه كعدنه جوه درج لان لبيت كله شبابيك ولرمي مراشك اخذ ابوي فانيلته ولماسحه وصعد ع درج اكو شباك مال بيتونه ختل بسد الحايط وطلع لوصله من الشباك شوي شوي هده الرمي صاح واحد اطلع الك الامان
نزل ابويه بسرعه وطلع نسمع مصايح بره بس افتهمت من الحجي ابويه راد اسبوع وهمه اطوه 3ايام بس ع شنو مفهمت
راحو وابويه طب بسرعه اخذ محفضته وطلع راح لعمامه بيومها ساعه8الصبح جتي اختي ورجلها ابن عمي اضرب من ابويه وكريم لاعب بيهه لعب وهيه فقيره كلش جنها امي ضلو يمنه لان ابوي راح ايدور ع شيخ العشيره لان هوه مجان ملتزم ولايدفع ولايشارك بشي اجه ثاني يوم بليل كال لكيته ووكعت دخيل عليه وباجر يجون عمامي كلها اجتمعت عدنه بالبيت همه 3عمام وابويه لرابع بس كطع بينهم بس بالمصايب والافراح يلمون ماكو روحه وزيارات

وحته بلمتهم وجوه لمتوالفه وكلوب لمتخالفه ناس اجر طول وناس عرض وكلشي ممفتهمين بس صياحهم وعياطهم ثاني يوم راحو متفقين ويه شيخهم يجي لديوان مال العشيره الي دعم بتهم  وهمه راحو لشيخهم ومناك يروحون للعالم