حكم العادات

البارت 30

#حكم العادات
البارت الثلاثون
ل وردالعامري

راحو جانت ساعه 7لغروب طلع هوه واني انهاريت كمت اصيح بالبيت بعلو حسي صعدت للغرفه لفراش مخربط عفتها نزلت بسرعه احس كاعده افتر بمكاني ادور حول نفسي من دوخه نمت او بمعنى اخر اني اصنع لنوم لحد ماانام حته انهزم من واقع الي ده اعيشه حسيت صوت طكطكه رفعت راسي هوه ديصعد بس ممتوازن جكاره بحلكه ويترنح باوعت ع ساعه وحده اله ربع رجعت نمت اغمض عيني كل قوتي حته انام كعدت ساعه 7الصبح اريد لوقت يمشي 🚶 وتجي ابتسام نضفت والف شغله طلعت نزل هوه ساعه 9 فات من يمي وطلع شغل سيارته وراح حته اضافير مبقن كثر مكرطت بيهن صارت ب10:30جتي ام سلوان
ام سلوان: هاولج شصار
-مصارشي
-يعني مكلبتي لبيت ع راسه ولاسويتي شي
-لا
-وجعا كومي شوفي شتردين مسواك
-ماريد شي بعده لمسواك محد ده ياكل
-وليش محد هوه يأكل بره انتي بدل ممصوفره اكلي شعلم وشعلم ناقصني اني
-خاله اريد ابتسام
-ابتسام طالعه روحها منج تكول اذا لزمتهه انتفها لان ميفيد وياج شي خلص شلعي شوكج بسنونج
-خاله فدوه عفيه خل تجين عفيه
-ديله راح امر اكولها قبل ماروح لسوك
-راحت ام سلوان وفاتت تقريبا نص ساعه اندكت لباب فتحتها ابتسام شمرت روحي بحضنها وابجي ماعرف ليش حسيته لوحيده الي ممكن تساعدني
-اي اي ابجي لالا لطمي هيج خرمشي خدودج ودكي لان يفيد ولج لو فاد لبجي جان رجع لماتو
-ابتسام حبابه ماعندي غييرج

-وشتردين حنين ميفيد بيج الحجي اسبوعين اعلم بيج ومفاد وجيت كتلج لحكي ع رجلج لج سمعت سديف يسولف لعصام وحده عراقيه بلبنان لازكتله لزكه وهوه منطلق وياها ومن راجعين مخابرته هيه راجعه وراهم وكل يوم بمكان هوه وياها وجيتج كتلج رجال اذا شاف دبك مثل النمل يلزك عليها شسويتي بله فبعد شبيدي عليج
-والله اسفه والله ابتسام نار مشتعله بكلبي والله
-تحبيه مو
-مادري
-اهج ولج تحبيه تكوليلي مادري موتكولين نار بكلبي
-اي من شفته تتقربله حسيت نار اشتعلت بكل جسمي
-اممممم وكعتي يحلوه والله هوه حلو ينحب كلها راكضه وراه شبي طول وعرض وشخصيه وكمال اجسام ضلي مصوفره وكاعده انتي

مثل الي طالع من كبره بكفاله
-ابتسام والله اسوي بعد حبابه فدوه
-يعني شكول يتنفذ
-اي اي والله
-وبس متنفذين معليه لوتتعلكين معليه
-اي والله اي
-اي عيني كايليها اضرب لمره بالمره عشتو
سمعي حنين الله يشهد مكسور خاطري عليج بعدج جنج عصفور مهلس مومال كيد واحنه نسوان اذا كدنه محد يلكح كيدنه ورجلج عليه العين شوفي تره سلوان مثل اخويه ربيت وياهم اني لج والله شكد شايفته منفوخ بس ع فاشوش افطر من كلوبهم ماكو وكتلج لسانج وبعدج صغيره وحلوه ادلع عليه يحضي ولج لرجال مثل الطفل قشمريه بالمسايس ميفيدج الدك واللطم ولالمشاكل تفيد تعاليليه بالحيله لو ردتي عينه يقلعها ويطيجياها

واني والله وداعت جهالي مقهوره عليج ليش ضلين مكفخه جوه ايدي هيفاءوترى هيفاءوهدى وعماته كلهن موسهلات ولج يدوسنج والله فيايصير براسج خير ياتحملي الي يجيج