حكم العادات

البارت9/10

#حكم العادات
البارت التاسع
ل وردالعامري

بعدني مرافعه راسي صارن فوكاي ماعرف منين تجيني لضربه وغلط وعياط طبو ولد ايجرون بيهن بس لمره لجبيره متوليتني بالعصه وخرو لبنات بس يتهاددن علي اني تكومت بالكاع شفت سلوان طب عبالي حيبعدها عني طلع وعافني وانوب جنت بس لحجيه تكومن علي البنات يجروهن ويرجعن تالي طبو زلم ثنين كبار ع العياط صيحو وفوكونه ولمره لجبيره مجلبه بشعري تجليب
-هديها يامره وستهدي بالله
-جبتوها تاخذ مكان بنتي وبيتها والله لااموتها بيدي
-بويه مالها ذنب هديهه اكولج
-هاي تاليتهه ياابوسلوان ادافع ع كتالين بتي راحت العزيزه راحت يمه دفناها بتراب شكو عليكم زوجتو ابنكم منو مهتم بس والله ماخليه يتهنه
حنين :عرفت هاي امها ل هاجر الي دعمها كريم جرني رجال جر من ايدها حسيت شعري انشلع بيدها من كثر ماجرني كوه منها من خوفي ختلت وره ضهره ضلت تصيح عليه عرفت انه ابو سلوان
صاح ع مره جتي اخذتني وطلعتنس بره واكفه سياره سوبر صعدتني اني لحجاب انفتح ولعبايه مادري بيهه وين جتي بنيه تطلع بعمري اطتني حجابي وعباتي كالت لبسي لبستهن بسياره احس نار مشتعله بوجهي والم بيه موطبيعي المره الي صعدتني طبت وطلعت بيدها سراحيه مي كالت تعالي غسلي دارتلي مي احنه بطرمه مال البيت نزلت من لسياره دارتلي مي ذبيت ع وجهي لمي نزل احمر اديرلي مي ويصير دم ع حاله لبنيه جابت كطن وكالت رفعي راسج وصعدي حيطلع ابويه صعدت وصعدت هيه بصفي باوعت بالمرايه خشمي يجري دم وشفتي مشكوكه هدود مخرمشه تخرمش ايدي مخرمشه جسمي يوجعني رفعت راسي ليفوك وخشمي ينفض دم وحلكي
-شسمج انتي
-حنين
-هاج هذا ثلج حطيتلج بالوصله حطي ع خشمج
-اطتنياه وصعدت بصفي تباوع عليه بعدها طلعت لمره لصعدتني صعدت جان تكول شنو هاااااي يمه انسطرت
-تره ماكو هيج وحشيه اتكومن عليها
-سكتي غسق معليج لعد كاتلين بتهم شترديهم ايسون
-اي قابل هيه ياماما
-اني بنص وهنه بينهن وحده ويه الخ اخر شي طلع الرجال لجبير ووياه واحد ثاني بوسه اضاهر ابو لبنيه لان مبين مقهور ماعرف شحاجاه ابو سلوان وصعد بعده طلع ولد شاب كعد بصدر
-وين سلوان
-بسياره انور
-روح كله خل يجي هنا وانت بمكانه
-يابه هوه دزني كال مااصعد ويه ابويه روح انت
-هسه ده حرك ياابو انور اذا سلوان وله سديف شلفرق
-موابنج ذاك بله عقل مينعاف
-لا انور وياه دحرك ياعيني واكفين اباب بيت اخوك حرك
حنين: مشت لسياره كانها مؤشر للدنيه الي راح تمشي بيه بس من غير مستقر اذا كانت هذي بدايتها نهايتهه شنو ماعت لثلجايه بيدي خشمي كطع الدم بس،احس شفتي منفوخه واستحي ارفع راسي لان صايره بنص كل الي بسياره ساكتين هدوء موطبيعي بس عاصفه بداخلي احسها رياح قويه شلعت جذوري جسمي يروي حكايه من الالم وداخلي محطم مدمر ضلت تمشي بينه لسياره بدروب وشوارع لااول مره اشوفها كاانها توضح عنوان حياتي الجديده الي هم لاول مره حشوفها حدود لساعه واكثر تمشي بينه فكري بمكان مختلف يسئل شحيصير بعد وكفنه يم بيت وقبلنه سياره وكفت نزلت لمره والولد الشاب ودك هورن ابو سلوان شفت سلوان اجه
-وين رايح
-لبيتي
-طب ده نتفاهم
-بشنو موغصبتني ونفذت لهنا وكافي
حنين عافنه وراح ده انزل كلي ابقي بسياره غسق صيحي امج بسرعه
نزلت لبنيه واني ضليت بمكاني طلعت لمره وركبت ليكدام وطلع لرجال مشينه مسافه قصيره وكف يم باب بيت صغير مشتمل
-نزلي
'انفذ اوامر فقط
اكو واير بالباب سحبه انفتحت دخلنه كراج واكفه بي سياره برازيلي بيضه فتح باب خشب سيم وراها باب حديد بيها جام فتح ليده مالتها انفتحت دخلنه جان مطبخ هوسه يمشون وامشي وراهم الرجال كال للمره شوفي ابنج وين كعدي هنا انتي جان هول صغير وبي ديوان كعدت رجعت لمره كالتله يمكن ديسبح صوت مي بالحمام
عطشانه ريكي يابس وحته اخاف اكح مو انطق كامت لمره الي عرفت انها ام سلوان جابت سراحيه مي وكلاص اطت لرجال واطتني اخذت بسرعه لكلاص وشربتهه وبعدني عطشانه رجعت ترستلي لكلاص وهم شربته
ضحكت بوجهي وكعدت يمي كالت شكو هل رجيف راح ناكلج
-باب كدامي صايره طلع سلوان لاف ع خصره خاولي صدره عاري وخاولي ع راسه ينشف شعره ابوه كله احنه هنا يابه ركض ع درج الي هوه بنص لهول درج دائري حديد وره شويه نزل
-خير يابه هاي شكو جايبيها
-سلوان كلنه انها مالها ذنب واريد نوكف لدم
-واني وكغت لدم الي انت خايف عليه اما مالها ذنب هاي لا اعذرني بيهه
-لك ابنني هيه لدعمتهم شبيك
-اخوها ومااريد اشوفها طلعوها من كدامي لاارتكب جريمه والله
-لك انت مخبل وين اوديها هسه
-والله ماعرف موغصبتني انت حير تاخذها عندك تسويها قطع وتصدرها تغلفها هدايا معليه طلعوها من بيتي
الام: ابو انور عيني دخل ناخذها ليوم يمنه ومنا لباجر يصير خير
سلوان: ليش تخلوني اهج شنو باجر والله اذا طبت بيتي مره لخ اعلكلها مشنقه هنا
ابوسلوان: ونسوان ولدج شلون
ام سلوان: باجر يجن دمشي هسه
سلوان: شكلت اني والله اذبحها اذا شفتها طلعوها من بيتي
ام سلوان: اي اي فهمنه كومي انتي الخ ناقصني مصايب اني
حنين: شنو لشعور الي ممكن اوصفه احس حته دموعي مده تريحتي نار مشتعله وكأنو كل شوي ينضافلها بانزين حته تلهب اقوه واكثر وتحرك اقوه طلعت وراها صعدت بسياره وهيه ليكدام حسيت بوقتها اني لعبه بيها خيوط ايحركون بيها يمنه ويسره وتتراقص حسب حركات الخيط طلع لرجال
- انوب دوخ بسلوان
-اي ياعيني دخليها يمنه ليوم وباجر من يجن بنات اخوك نشوفلها حل هذا من يتعصب متدري بيه هسه هوه يهدءعوفه
حنين: رجعونه لنفس لبيت الي وكفو يمه اول مره نزلو طبو وطبيت وياهم
ابوسلوان: سديف نزل جنطتها بصندوك لسياره
غسق بابا تعالي اخذيها تره راسي حينفجر والي عده كلام سدوه هسه لان تعبان ومالي خلك احد
حنين: صعدتني لبنيه درج وطببتني  لغرفه بيهه سرير وكنتور بابين وكرسي كعدت ع كرسي
غسق: هاا مرادج سلوان
حنين: دنجت وبجيت شرد وشحجي وشكول احس لكلمات وكفن بزردومي ميقبلن يطلعن
غسق :امممم يله يتعود مثل متعود ع هاجر كومي ذبي عبايتج وغسلي هذا حمام
-اشرتلي ع حمام بالغرفه طبيت مغسله ومرايه كدامي فتحت حجابي احس حركه بركبتي من عركت احس نار اشتعلت

#حكم العادات
البارت العاشر
ل وردالعامري

نزعت ربطتي شفت ركبتي مخرمشه تخرمش مجرحه ضليت اباوع ع روحي بالمرايه خدي ازرك شفتي مورمه ليش شنو ذنبي اني ليش محكوم عله المره تدفع الثمن حته تحمي رجل ليش هل عادات اتخليني اني لضحيه بذنب موذنبي
جسمي كله مكسر اكو دوش بالحمام ذبيت هدومي ثوبي مسرود مشكوك ذبيته وطبيت جوه  لمي ضهري حركني ابجي جوه لمي احس هل مي ده ينزل سجاجين ع جسمي دكت باب لحمام
-اكولج شسمج انتي اييي يمعوده بيج شي
-لامابيه شكرا
فتحت لباب وطبت
-شبيج العندج عندي ليش تبجين هاي شنو ولج اووووووي جسمج شصاير هذا ضهرج وايدج ياعيني همزين مابيهه قفل لباب حته اشوفج ولج هاي شمسوين بيج اوي ماما
-لالاعفيه شبيج
-هاي شبيج هاج هذا خاولي لفي نفسج خل تشوفج هذا ضهرج مشكك من الضرب ماااااماااا
-شكو غسق تعبانه ماارتاح ليوم من وراكم
-ماما شوفي هاي شسمج يمعوده
'حنين
-حنين ضهرهه خطيه اثار لضرب
-شو دوخري هاي شنو ولج غسق عصاره مال جروح بصيدليه الحمام مال غرفتي ركضي
تعاي طلعي اوووي عيني انتن وكحات وفوكاها تكولون بنات بغداد وكحات لاعيني احنه فقيرات كذب مابينه خير نضرب لونتعارك لج شبيج اجرجرين ماشوف شي بس اريد افتح ضهرج ده اشوف احطلج لدهن ولج غسق وين صرتي
-هذا ماما
-يله تره حيحركج شويه بس بعدين ترتاحين
-اااااخ
غسق: فوكاها تكول اخ من عمت عينه لهل اخ
ام غسق :والله متلامين اوي عيني شهل عادات
غسق: ماما ماعدكم هيج عادات مو
ام غسق: لاعيني اميلنه البغدادين يموتون ع بنات 4بنات احنه ابويه الله يرحمه يموت علينه كافي لتبجين عفيه كلبي ميتحمل اني هذا اخوج اعمه والله ليش لكذب اني هم مطايقتج بس شسوي موذنبج وحته اذا ضربتج شحرجع حفيدي
حنين: ضهري اشتعل نار بالبدايه بس بعدين احسه احسن من جابت سيرت حفيدها بجت وغسق كامت تبجي وياها ياربي اني بمكان لكل بي كارهني واني مالي ذنب بشي ربي انت لوحيد القادر تخلصني وترحمني كابلتهن وابجي ماعرف عله حالي لو ع حالهم

ام غسق: الله لايطي دمر عائله وضيع اخته اوي وخري غسق كلبي انكرب
حنين: ام سلوان حلوه بيضه وصابغه شعرها  اشقر وكاصته قصير يعني مفتوح هيه جبيره يعني بس ممبين عليها لوما التجاعيد الي بيدها وحول عينها مييين عمرها لان صبغ شعر ومبينه مهتمه بنفسها دشداشه كصيره سوده وحجيهه هيه وبتها كله اوس وهاي شنو اكو اختلاف بكلمات بيني وبينهم طلعت وضلت غسق مسحت دموعها وجان تكولي امداج وامده اخوج زين اذا بس امدايه ميخالف شفايتلي بس. امدايه من غير ضرب وكفت بالغرفه متخوصره
-اكولج هذا لسرير ميكفي بس نفر واحد واني ماحب احد يلزك بيه وينام وماعرف انام بالكاع شلون
-اني انام بالكاع
-يعني عادي تنامين بالكاع
-اي عادي متعلمه
--اوي لاعيني اني ماكدر اخاف تجيني دود شي اووي خل اروح اجيبلج فراش من بره
-بس ساعه بيش هسه
-ساعه 4العصر حنام لان تعبانين كلنه
-عافتني وراحت اني كاعده كن السته وليهسه مشفت غير ضرب واهانه يمكن تاهت اثار ضربهم ويه اثار ضرب ابوي جابت دوشك ومخده ولحاف فرشتهن واول محطيت راسي صحت اه
غسق: شبيج
-مابيه
-ضهرج مو عيني من لضرب زين ما متي يمه اني اذا انضرب نص ضربج اموت اوووي شهل وحشيه
-اوووف حقج خيه مبينه رابيه بدلال بس الباقي ع الي ماربن غير بدك اني لبست دشداشه من دشاديشي شفتهه هيه طبت للحمام وطلعت لابسه دشداشه صلوخ جنهه اتك الوان هسه جانت  لابسه  اسود هيه
-اوي حتنامين بدشداشه
-اي
-عفيه شلون تعرفون اني تلف عليه ماعرف انام بيهه
-متعلمين صعدت ع جربايتها ونامت نمت اني ع صفحتي لان ماكدر انام ع ضهري ياربي وين اني وشحيصير وشحشوف ربي ارحمني وارحم قله حيلتي وضعفي