حكم العادات

البارت 15/16

#حكم العادات
البارت الخامس عشر
ل وردالعامري

وره 10دقايق طلعنه اني وحسن بس اني مسطور راسي يوجعني وهاي لشغله دوختني اكثر عبرت من لسطح ونزلت طلعت بوجهي للبيت طبيت تلكوني حمدلله ع سلامه وماعرف شنو
ام سلوان: وين علاكتك مواخذت هدوم كلت هناك ابدل شو نفسهن لرايح بيهن جيت بيهن
سلوان: هااا لا مو سبحت بالشورت وبس شباب ضليت بلفانيله ولصبح لبست طبيت بسرعه تلكاني اخويه صدك نسيت اعرفكم ع عائلتي
ابويه عبدالله كتلكم مقاول
امي ربه بيت وحنينه الى ابعد حد بس عماتي ميحبنها لان غريبه عادت اهل ابويه ياخذون لكرايب بس ابويه حابهه وماخذها شايفهه من رايح لاابوها يسجل عقد لان شغلت لعقارات ابن عن جد يعني ابويه تعلمها من جدي
اخوتي اربعه انور لجبير وراه عصام وبعده يوسف واني وبعدي سديف واخرنه غسق دلوعه البيت كله بيتنه جبير لحمدلله جان انور مزوج هيفاءبنت عمي وعصام مزوج بنت خالتي واني ويوسف عزابيه بعدنه سديف بعده 14سنه اني ويوسف انام بغرفه وحده اول مطبيت تلكاني ليوم ممداوم هوه معهد تقني
يوسف: لك وين جنت
سلوان: بالحبانيه ليش
يوسف :هااا وشلونها لسفره
سلوان: تخبل مكانك خالي
يوسف: لك كذاب سختجي بهاءابن عمتك شايفك طاب يم حسن
سلوان: اي رحت اخذته وطلعت ويه لولد
يوسف: هااا يله براحتك
سلوان: عافني وطلع اني روحي طالعه طبيت سبحت ع اساس اروح للمكتب احس روحي تعبان نمت حسيت لعصر امي تكعدني خالي مخابر وكالب لدنيه يريدني بعد اسبوع عله لمسابقه بدلت ورحت كام يحجي انت هامل تماريتك وهامل لقاعه يسئلون عليك اطاني تمارين كل مره بيه حيل واكدر اليوم جسمي مهدود تعبان
-لك سلوان ده تشرب جكاير
-لاخالو
-شو تنهت لعد،شبيك

-ها يمكن فلاونزه خالو
-دروح روح هسه اخابر امك تطيك دوه يمعود لاتتمرض ع مسابقه
-لالاخالو هسه ارتاح بس ادفي روحي وانام
جنت بالفعل احس روحي تعبان دايخ ومسطور بموضوع ضحى لازم اخطبها رجعت للبيت تعبان اريد انتضر ابويه ماكدر نمت واني بصاله كاعد كوموني كوه كمت معدتي مئذيتني كمت نمت بغرفتي حاجاني يوسف مابيه حيل ارد نمت كعدت لصبح ابويه فوك راسي كمزت
-اسم الله يابه شبيك جفلت ضل بالي امك كالت مريض
-لايابه شويه برد
-هاا لاسلامتك كوم بابا كوم عندي شغل ليوم انت تبقه بالمكتب
-هااا اي عادي بس عندي شغله اخلصها وارجع
-لالالا اني مااتأخر كوم يله
-هسه شجلبت هسه حسن يطلع منين افوت اهوو ابويه لزك
طلعت وياه حاولت اتملص ماكو عافني وطلع من تلفون لمكتب خابرت طلبتها اطونياها
-حبيبتي شلونج ليوم
-موزينه سلوان اعرف راح تعوفني
-لج لتبجين انتي روحي اكو واحد يعوف روحه بس صبريلي حبي
طب انور اخويه بسرعه سديته
انور: ويامن تحجي
-ولد صاحبي
-ها ليش سديته لعد
-خلصت لمكالمه شلون اغصبه يبقه
-هاا لا صح ابويه وين
-طالع
-زين يله اني حروح لزيونه ع الكاع لدزني عليها عود كوله
-ماشي ماشي
ضلو ناس طابه طالعه الي اجار والي تعمير والي بيع محسيت بالوقت طب ابويه كمزت عود اروح باوعت لساعه 1:30هسه اهل حسن رجعو بعد ماكدر رجعت للبيت احوص اريد اخابرها بس جان تلفون ارضي ويحطوه بنص الصاله يعمي مكالمتك بث مباشر ولثاني بالمطبخ يم امي وهيفاءوابتسام يعني بث ع قناه لجمهوريه حاولت ردت ماكو فايده رحت لخالي اتمرنت شويه بس بالي بغير مكان شلون حفاتح ابويه هسه يكولي اله يزوج يوسف وانت ممكون نفسك لا فوكاها غريبه هسه يطلع الف حجه لاواذا غريبه هوه مو ازوج غريبه هسه يكولي اني اختلف واختاريت حسب ونسب وبيت العطار ولكاضميه الهم اهووو شيخلصها لا اكوله غلطت وياها غصبا ماعليه يقبل
-سلوووان يمعود
-ها ها خالو
-لك شبيك ده ادك فارغ ماكو ثكل انتبه
-هاا اي خالو جنت احمي
هز بيده وراح يابه دروح الي حيلك بالكوه كملت ورجعت تعشيت ونمت بس حاير شلون افاتح ابويه من الصبح قبل ابويه طلعت لبيت حسن كال فوت ماكو احد عبرت عليهم دكيت باب لسطح فتحتها امهه
-فوت فوت ليشوفك ابوها يمعود
فتت لغرفتها نايمه كعدتها حضنتني وتبجي لج كافي والله احلها
-حبيبي والله بابا وماما يذبحوني
-لج مخبله واني وين رحت صدك وين ابوج
-طالع للشغل غير
-خوش يعني ناخذ راحتنه
-لالاسلوان عفيه وخر متلمسني اذا متعقد عليه
'شنو هاي ليش اول مره شبيج
-لامو اول مره بس تختلف بعد لسويته
-حاولت مقبلت يله براحتج اكول صدك اول بارحه منو ذوله الجوي
-ذوله خوالي وولد خالتي
-وعادي هيج لشرب وابوج
-اي عادي اتكيت هذا بس بالحفلات
-هاااا لعد ابوج شو محجه من شافني
-مواني كتله صديقي بابا سبور عادي يسمحلنه بصداقات بس ممنوع يصير غلط لويدري يذبحني انت فتت وشفت بيوم دخلت لكيت لحد بس انت لان عود واثق من اخلاقك قبل اعزمك لان اني كتله حعزمه وحته ميردي بيك بايت هنا
'-ماشي حبي حروح اني واجيج باجر احاول افتح لموضوع ويه ابويه