حكم العادات

البارت 19/20

#حكم العادات
البارت التاسع عشر
ل وردالعامري

رحت للبيت تلكتني امي تحضن بيه وتبجي الله ياريحه بيتنه ونضافه جنت اتعارك ويه امي لان يحطوني ديتول من يمسحون اتعارك شنو بيت مستشفى عله هل 9ايام لشفتهه حته الديتول حببته تصورو 3ولد واني الرابع بغرفه وكل اسبوع كل جمعه تتنضف وكلنه نشرد جكاير توقعو ريحه لغرفه شنو
طبيت للاستقبال ابويه كاعد والولد سلمت عليهم وسلام بثكل سلمت ع ابويه عود زعلان هوه هم محاجاني
ام سلوان :فوت ماما اسبح حبيبي اصاير بيك
-ضحكت بوجهه بكلبي كتلها مشعوله صفحه لجابوني اصاير بيه
فتت للحمام والله حته انت اشتاقيتلك سبحت اندكت الباب امي جايبه هدومي معطره ونضيفه وين جنت هنه 3سيتات ماخذ ويايه الي يتوصخ ماعرف اغسله اطببه بالمي واطلعه وتضرب بي لشمس يومين انساه بالبلكون اطببه ريحه الشمس بي معتقه طلعت لكيت الغده محطوط تمن وعليه لحم ودجاجه مشويه الي لان مأكل تمن عود ميدرون حصو هسه اكل ميت جوع كعدت وسوك سلوان انعل ابو الفلافل لاابولحب يابه صدك واحد راحته ابيته وبنص اهله
كملنه غده وصاحني ابويه نفشت ريشي برزت عضلاتي عود حيصالحني
نعم
'طب ابني وسد لباب وراك
-اكعد سلوان ابني كلنه راهقنه وتصورنه روحنه عشاك وعشنه وشفنه بس بوقت لختيار اختارينه صح اني لوحيد بعمامك غريبه جدك جان قاسي بس من نغلط نشوف قسوته وعنده قانون غير بنت العم متفوت لبيت بيوم اجه ابوها الله يرحمه راد شقه بعماره قريبه علينه ايريدها عياده وجان دكتور اطفال ماكو قريب بالمنطقه ابويه كلفني بيها اني بعمرك 18/19سنه بس شنو اقيس لناس بالمسطره والقلم اطب بنص لبحر واطلع نقطه مي ماكو ع هدومي محد يكدر يغلبني دلاني بيته ورحت شفتله الشقه واطيته خبر بااجرها وافق كتبت لعقد بس كال اني ماكدر اجيك عده شغل كتله اجيك للبيت وقع رحتله دكيت لباب طلعتلي امك حلوه بيضه حمره وتحجي بالقطاره وصوت ناصي دخلتني للاستقبال وطلع ابوها وقعلي ورحت بس هيه ارسمت بدماغي راقبتها كم يوم تطلع لمدرسه متوسطه ابوهم ايوصلهم وهوه ايرجعهن 3بنات هنه سئلت كلها تصيح ذهب بنات دكتور ثائر رحت لجدك كال انسه غير بت عمك مطب بيتي مسويت مثلك ووكفت بوجهه ولاكتله طز حاجيته بكل هدوء كتله يابه شتفصل البس بس لبنيه انعجنت بكلبي اسئل وشوف بلكن تناسبك وبالحالتين كلمتك سيف ع ركبتي وتتنفذ ولاعاش الي يخالفك رضيته وحسسته اني احبه بس حبي لاابويه وبنفس لوقت اعرف ابويه حيسئل ومتأكد سيرتهم تعجب الباشا نفسه
والله وره فتره كال حدز امك وخواتك يشوفن لبنيه واخذتها وهيه لغريبه لوحيده بنسوان عمامك ثنين وثنينهن بنات عمي بس ابويه من رضه بت دكتور والعالم كلها تتمنه تناسبه رجال معتدل وجان مزوج خالتي الجبيره وبعدها امك ويزوجهن وهنه زغار حته تفتح عينها ابيت رجلها اخذت امك عمرها16سنه واني بكدك بس داير مكتب ابويه دير موانت يوم جايبلي بت ليل تريد تلبسك العمه ويوم جايبلي وحده تشتغل بنادي ابوها اخوها ميخافون هذا نادي وبي عمال وبي ناس وبي طراكيع انت ولد واني خايف عليك ولوما خالك مااخليك كيفما بنيه هيه ابني اني مااعارض اختيارك وحته من طردتك طردتك حته تعرف ناس اتجرب العالم تره اكو ايمثلك الحب بس يحب جيبك ميحبك الف صديق موجود بس الي يحبك لذاتك مينعدون ع اصبع ابني الدنيه يرادلها واحد ايصرف البشر صرافه مو ضحك بوجهك هذا هوه
ورغم طلعت من هل باب بس كلها عيون وراك ماهديتك كيفما هيه نصاص الليالي تطلع من نادي صح امان وناس تخاف الله بس بنيه هاي اذا عثرت اتنيشت موتطلع واطب بطولها