البارت الرابع...
(مها)..
واني نايمة وجان احس واحد ديكعدني يدغني بجتفي اكعدي بس بصوت ناصي عبالي حلم, اختي نايمة بصفي وبصفها بنت عمتي احنا ننام بغرفة والغرفة الي بصفنا مال ابوية ومرتة والصالة او اللي نسمية الهول نايمين بيها جدي وبيبتي وعمتي والغرفة الي يم الباب الي هي اول وحدة غرفة عمي ومرتة يعني هو عبر كل هذا وفات علينا للغرفة يعني مر من يم الغرف وفات من يم راس جدي وبيبتي واجى علينا لان احنا اخر غرفة وبابنا مفتوحة على النص المهم جان يكعدني اكعدي اكعدي مو ميعرف اسمي جان افز باوعت لني هو ... شنو حلم!! انداريت على اختي نهى كاعدة وفاتحة عيونها وبس دايرة راسها علية وما رافعة راسها من المخدة من الصدمة حتى ماكعدتني بس صافنة كلتله انت منو؟؟ دعيط اتذكرت ابوية شهددنا وابوية اعرفة شنو مراح يكول هذا هو اجى , راح يكول احنا كلنا اله تعال.. هو كال اذا تصيحين اني ميهمني لان اني مااخاف , المهم ماادري شلون تمالكت نفسي كتله انت منو بس بصوت ناصي وشتريد كتله شوف ترى اهلي مينحملون انت حرامي تريد تبوك؟؟ جان يكول شنو؟! تخسين يولي اني (محمد) مو حرامي , كتله لعد شتريد ؟؟! كال لا تطوليها ولاتعرضيها ماكدرت انام , كلت ماانام الا.....جان بندار على اختي كال هاي تظل فاتحة عيونها علية وصافنة خاف ماتت هاي جان يكول المهم كلت ماانام الا اعرف اسمج....كتله شنو انت مخبل عاقل وشلون فتت!! كال شسمج فضيني كتله كوم اطلع الله يخليك ترى اهلي انت متعرفهم كال والله مااطلع الا اعرف اسمج... لعد خلي اكعد ادخن احسن كتله شنو قابل بيت ابوك كال لاتطولين لسانج لج جان يطلع جكارة يريد يدخن جان يكول نسيت اجيب جداحة ...هذا الحجي جدي وبيبتي كبالنا بالهول نايمين جان يمد راسة شاف جدي حاط جداحة يم راسة جان يكوم على طارف اصابعة جاب الجداحة واجى هنا ردت اموت ...كال ها احجي يلا.. جان غصبن علية لان هذا شفته خبل بس اريده يطلع كتله اسمي( مها) كال اكيد كتله اي والله جان يكول اودعناكم الى لقاء قريب وجان يطلع
أنت تقرأ
عشق الشقاوة
Romanceهذه القصة لبنية حبها واحد الدنيا كلها متريده وخاصة اهلها وهو هم مستحيل يحب بس هي كدرت تاخذ كلبه وعقله.وذل روحه لخاطرها وهي ظلت حايرة بين ظلم الاهل وبين حبه.
