البارت السادس.....
(مها)
بس حطينا راسنا على المخدة جان نسمع الباب اندكت علينا على كيف , شصار بينا بقينا مترددين نفتح لو لا؟ جان تكوم بنت عمتي تفتح الباب جان يطلع هو.. فات كال بعد اذا انسدت الباب اسوي ثبيرة مالها اول ولا تالي, كتله هذا هو,, كلت خلي اتفاهم وياه كتله اكلك انت شتريد من عدنا ترى مترهم والله هيج شجابك علينا عرفت حظنا واجيت ترى احنا منفيدك وهاي فوتك ترى جبيرة وماترهم وظليت احجي وهو ساكت كتله شو ساكت كال اي دسمعج كملي بس قبل لاتكملين اندار على اختي كلها الحمد لله على سلامتج من الشلل جان يندار علية وكال يلة كملي كتلة شنو انت تضحك بعقلي كال كملتي؟؟ اسمعي مها انتي صرتي شي يخصني ولو مو تحجين اني الي اقرر شوكت ابتعد,, بهذا الحجي سمعنا باب غرفة انفتحت كتلة كوم سريع اختل جان يكول شنو اختل اني مو عار حتى اختل كتلة فدوة اروحلك الله يخليك بس اختل هسة..
(محمد) من شفت مها هيجي حجت وياية وكالت الله يخليك ماادري شصار بية وهاي اول مرة اسمع كلام,, من باوعت عليها حسيتها صدك شي عايد الي وشفتها عبالك انولت الي كلبي ماتحمل كلتلها وين اختل؟ كالت بصف الكنتور بس ختلت جان تفوت مرت ابوها جان تكول بنات اريد غطا لاخوجن والفراش فوك الكنتور من الجهة الي اني خاتل بيها
أنت تقرأ
عشق الشقاوة
Romanceهذه القصة لبنية حبها واحد الدنيا كلها متريده وخاصة اهلها وهو هم مستحيل يحب بس هي كدرت تاخذ كلبه وعقله.وذل روحه لخاطرها وهي ظلت حايرة بين ظلم الاهل وبين حبه.
