البارت الثالث... بقلم نانو
(محمد الشقاوة)...
لكيت دفتر تليفونات صغير مال عمتها وحاطه بالصفح مال الدفتر صور البنات هي الشفتها وعجبتني , واختها وبنت عمتهم والعيلة كلها كلهم صور صغار مال معاملات ابيض واسود الا الحب مالي صورة ملونة وجبيرة وطالعة بيها كمر... طبعا اكيد اخذت الدفتر كله ورجعت الجنطة وكلت بلكي هي الي تطلع لان اندقيت لحد هسة معرفت اسمها, طلع ابوها اني ماادري بيه ابوها كتله هاي مالتكم الجنطة بالباب لكيتها . هو انصدم لان اني جيت جبتها
(مها)....
تبسمرت بمكاني من الي دسمعه!!! محمد الشقاوة هو الي كومني!!!؟ الي دائما يسولفون بيه ابوية وجدي وعمي ويحجون عليه ويكولون مشراني ويحب المشاكل وواحد لزكة من يحط شي براسة يسويه.... هذا هو؟؟!!! المهم هنا بيبتي جاوبت جان تكله... اني كلبي وكف كلت راح تكول لابوية , شوية واخرب ... جان تكله بيبيتي غير هذا ابنك عدنان ووكاحته شوف النا جارة منه صاير مينحمل هاي عاند بعمته وذب جنطتها برة لان راد يطلع وماخلته .... هنا يلة جرينا نفسنا. جان يكول ابوية لعمتي اخذي جنطتج واندار على بيبيتي ديري بالج يوم هذا محمد يشوف وحدة من البنات... طارف ثوبهن مااريده يشوف , ديرن بالجن والله اقتلها الي يشوفها. ظلينا وحدة تباوع بوجة وحدة لعد لو يدري ابوية لزم ايدي وكومني!! المهم اني خفت بس فات الموضوع سلامات اول يوم عبر ماكو شي وجونا خطار بيت خالتي وتعشوا يمنا وراحوا وجانت الدنيا صيف واحنا بيتنا شبه مقفل من الحياطين داير ميدور وبيتنا كلش صغير يعني حتى كليدور ماكو يعني باب البيت نفوت بممر صغير وطرمة صغيرة وبنصها باب مال الصالة والدرج مال السطح بالطرمة والي يفوت لازم يفوت للصالة يلة يفوت للغرف والمطبخ كبل بيت مساحتها 100 متر , المهم لان الدنيا صيف نخلي باب الصالة مفتوح حتى هوا المبردة مينحبس وحاطين طابوكة بين الباب والحايط يعني شوية مفتوحة فبقينا نسولف اني ونهى وبنت عمتي الى ان نمنا .....
أنت تقرأ
عشق الشقاوة
عاطفيةهذه القصة لبنية حبها واحد الدنيا كلها متريده وخاصة اهلها وهو هم مستحيل يحب بس هي كدرت تاخذ كلبه وعقله.وذل روحه لخاطرها وهي ظلت حايرة بين ظلم الاهل وبين حبه.
