البارت 24
بقلم نانو الشمري
(مها)
محمد حط راسه على راسي وظل ساكت واني ساكتة بس حسيت بدموعه تنزل على وجهي شلت ايدي دشوفه يبجي مديت ايدي على عيونه جر ايدي وباسها كتله داتبجي؟؟!! سكتني , حتى البنات ميسمعن, بس البنات سمعن واثنينهن كامن يبجن علي وعليه لان يعرفن ابوية ظالم وعمي اكثر ظلم وماينطوني ...
كتله" حبيبي" وهاي اول مرة اكولها اله كتله حبيبي لاتبجي ترى لو انت لو القبر وغيرك ميصير الي لو انت لو الموت ...سد حلكي وكال لاتكولين موت يومي قبل يومج اني دشوفج هيج راح اموت وبعدين رجعي شوية كلتي حبيبي كتله اي محمد انت حبيبي ونور عيوني واحلى شي صار بدنيتي واني داابجي كتله بس اخاف من ابوية خاف مينطيني كال والله ابوكج وننهزم كتله لا محمد كلشي ولاهيج لاتتخيل فد يوم انهزم وياك اذا تاخذني لازم من باب بيتي ومن اهلي حالي حال اي وحدة شريفة انت المفروض متقبل.... علية جان يكول حبيبتي اني ما اريد يجبروني على شي واني محد يجبرني,, كتله اصبر اصير زينه وتعال اخطبني اقلها عندك حجة بان انت شفتني بيوم اللي ابوية ضربني حتى لحد يكول منين عرفتها... جان يكول صدك ؟؟؟؟؟ كتله اي بس اصير زينة.
فرح هواية حبيبي...ومن شفته ضحك احس كلشي نسيت حتى الوجع راح مني هو اندار على سعاد كلها مااعرف شلون اجازيج.. وسولفولي شسووا حتى يجي يشوفني ...جان يكول اكلتي مهاوي؟؟ كالت اله نهى.. بعدها بدون اكل من الصبح لحد هسة جان يتخبل كال ليش هيجي حبيبي شلون بدون اكل؟؟!! كتله على استناد اكلت انت؟ كال اي اكلت كتله باوع علية بداعت عيون مها اكلت؟؟ كال لا.. كتله لعد مااكل الا تاكل كال يلة طلع الاكل واكلنا اني وياه والبنات وهو يوكلني معلاك يكول اكلي تزل دم منج هواي ويندار صفح ويكول انكسرت ايده كتله شنو يكول لاماكو شي ...المهم....كتله يلة كوم روح خاف ابوية يكعد,, سعاد ضحكت جان تكول زين اذا كعد لباجر باليل هههه اكثر واحد شرب هو .....جان اكلها يولي خاف يصير بيه شي؟؟ سعاد كالت لاتخافين العار ميصير علية شي محمد كلها اي والله لا عاب حلكج.. كتلها انجبي لج لاتحجين على ابوية ومااقبل احد يحجي , عليه محمد اندار علية وجان يكلي والله اعشقج....المهم ...كام ديروح كلبه مينطيه يروح بس مجبور راح ورجع كال ديري بالج على روحج بعد روحي وكال للبنات ديرن بالجن عليها ....راح جان ارتاح لان شفته جان انام
(محمد)
طلعت حسيت ملكت الدنيا بيدي لان شفت دنياتي بس كلبي يوجعني لان هي داتتوجع .....رحت على امل تصير زينة واخطبها.
أنت تقرأ
عشق الشقاوة
Romanceهذه القصة لبنية حبها واحد الدنيا كلها متريده وخاصة اهلها وهو هم مستحيل يحب بس هي كدرت تاخذ كلبه وعقله.وذل روحه لخاطرها وهي ظلت حايرة بين ظلم الاهل وبين حبه.
