البارت 14
...نانو الشمري
(مها)
هو كال راح اروح كلبي انشلع من مكانه بس اني مااريد يعرف اني احبه وظلينا على هذا الحال فترة وعبر تقريبا اربع اشهر وتعلقت بيه بالزايد وتعلق بيه بعد اكثر ..فد يوم كاعدين وجان عمي يكول شو اليوم المحل مال حسين فارغ ؟؟!! الظاهر شايل..( حسين) ابومحل مال تصليح تلفزيونات بصفنا حايط على حايط صارلة تقريبا عشر سنين بالمحل هو رجال فقير كلش وحالته المادية تعبانة استغربنا لان عيشته على المحل المهم.....اجى الليل جان يجي محمد ودنسولف جان يكول بعد من تحتاجون لحم لاتروحون بعيد اني بصفكم صرت حايط على حايط كتله شنو؟؟!!! يااا اخذت محل حسين؟؟ جان يكول اي جان يندار عليه وكال وانتي وين تعرفين حسين وعلى يااساس تكولين اسمه؟؟ كتله وانت شبيك معصب؟ كال اي لعد على شنو تذكرين اسم رجال غيري..؟ شفته صار وجهه احمر وعيونه تجدح كتله شبيك هو حسين.. جان يتخبل كال شلون راح اسوي ثبيرة بهذا الليل اني, خفت لايصيح هذا خبل جان اضحك واباوع علية
(محمد)
من شفتها ضحكت نسيت الدنيا كلها كلت الها فدوة لهاي الضحكة جان تكول بصوت ناصي كلش هو حسين جان اشيل ايدي دضربها بس كلبي منع ايدي جان تحط ايدها عل راسها خافت,, انقهرت عليها رغم ماهي فطيرة واخذتها بلعب بس حجيت باذنها كلتلها حبيبتي لاتذكرين اسم غير اسمي كالتلي هو ح....كلتلها اذا تكملين الاسم هسة اكوم اقتل جدج.. جان تضحك... هي عرفت تستفزني
(مها)
استفزيته واني اموت بالعناد صار هو جيرانه حايط على حايط.. احنا جانت حالتنا المادية مو هلكد وفوكاها بيت جدي عمرهم ماحسبولنا حساب وانطونا مصرف بيدنا طول عمرنا محتاجين اني واختي بس نكول الحمد لله وهو جان كلما يجي يجيبلي نساتل وحلويات
أنت تقرأ
عشق الشقاوة
Romanceهذه القصة لبنية حبها واحد الدنيا كلها متريده وخاصة اهلها وهو هم مستحيل يحب بس هي كدرت تاخذ كلبه وعقله.وذل روحه لخاطرها وهي ظلت حايرة بين ظلم الاهل وبين حبه.
