لما تحس انك محتاج تنهى علاقتك بحد، متاخٌدهاش خبط لزق.
استنى جنبه و سيبه يساعدك، علشان طالما وصلت لمرحلة انك قررت تبعد أو اقتنعت أن البعد واجب .......
كل حاجه و اى حاجه منه هتبقى بتساعدك.
سيبه يخيب ظنك و يخذلك واحدة واحدة......
يقل من نظرك واحدة واحدة.... يوجعك واحدة واحدة......يبعدك عنه واحدة واحدة.
ساعتها بس هتحس انك استنفذت كل طاقتك معاه و البعد مش هيبقى قرار بيوجع .......البعد هيبقى مشيئة مريحه......
سيبه يدمر كل فرصه له بالبطئ و هتلاقي وجوده و غلاوته بتتلاشى من كيانك واحدة واحدة بدون وجع أو تأنيب ضمير أو حكم للعشرة.
هتمشى و انت مش ندمان و لا هتبص وراك لأنه ببساطة هو اللى عمل كده و ساعدك تخرجه من حياتك. ......
الناس هى اللى بتحط نفسها فى الاماكن فى قلوبنا و حياتنا بتصرفاتها مش بكلامها أو باختيارنا.......
أنت تقرأ
خواطر .. منسية
Romanceمجموعة من الخواطر التي تملؤني .. مختلفة متناقضة تحوي كم من المشاعر المتناقضة .. البسيطة ،، والمعقدة .. تموج بطوفان هائل من داخلي ولكن ظاهري دائما هاديء
