كلنا فينا نسبة من العيوب... كلنا فينا نسبة من الانانية... كلنا بنبقي صعبين اوقات... مملين اوقات... متعبين اوقات...
كلنا بيبقي عندنا فترات بتكون نظراتنا تايهة وارواحنا هربانة مننا وقلوبنا متقيدة ومش قادرة تقدم ولا تهتم ولا حتي تنتفس
بس في قلوب حوالينا بتقدر تحتوي
النسبة دي من العيوب
والملل والتعب بمنتهي الحب.
.
في قلوب حوالينا بتوهب الامان في وقت الوجع...
بتوهب السند في وقت الخوف...
بتوهب الاهتمام في وقت الاحتياج...
بتوهب النور في وقت التوهة... من غير ابهار في الوسيلة لكن لانها بتوهب الحب بمنتهي الصدق فبيوصل وبتريح وبتقوي ...
القلوب دي زي اللون الابيض وسط سواد الايام ..
القلوب دي
... القلوب دي بنصالح بيها نفسنا علي روحنا في الدنيا
رصيد حبها هو الصدق اللي بتقدر يشحن قلوبنا بالحياة❤💙
أنت تقرأ
خواطر .. منسية
Romanceمجموعة من الخواطر التي تملؤني .. مختلفة متناقضة تحوي كم من المشاعر المتناقضة .. البسيطة ،، والمعقدة .. تموج بطوفان هائل من داخلي ولكن ظاهري دائما هاديء
