التفاح المر
علي البدر
البارت الاول.
....
....
....
في كل مجتمع وفي كل امة حينما تحبس الحرية يكون الثمن ثورة وانفجار هائلين . . .ونحن في مجتمعاتنا حينما نحبس حرية المرأءه ونقيدها ونسيرها لمصيرها دون احترام رغبتها واخذ رأيها يكون ثمن ذلك انفجارها وعنادها الذي لن يقف امامه تقاليد العشيرة ولا حتى اعراف القبيلة...
سارة التي تعيش وسط زحام التقاليد والاعراف كانت ضحية لتلك الممارسات التي تتبع في اعراف العشيرة كالفصلية والنهوة وغيرها...اختارت دروبا غير التي تربت عليها وغير تلك التي تعلمتها.......
....
....
حسن انت تعرف لقاءي بيك صعب وحته هذا الوضع ماقابلته ...
سارة ياعيوني كل ما اريد اخطبج تكولين انتظر شوية وماعرف ليش تجرجرين بالموضوع..
ردت عليه سارة...
حسن مو اجرجر بس خايفة اخسرك اي واحد يرفض من اهلي او اخواني يعني خسرتك
مدري شكولج والله بس ياسارة انه ماراح اعوفج ابدا ومستحيل افكر بهالشي....
سارة وحسن من قرية واحده تربوا وعاشو سوية وحبهم يكبر وياهم من الصغر وعايشين بفطرتهم وعلى حب الله واي غش بحبهم ماكو.....
ريسان هو اخو سارة الجبير وهو كابوس لسارة لان يتابع تحركاتها ويمنع استخداماتها للتلفون هواي وهو المسيطر الاساسي عالعايلة وكلمته مسموعه وشغله هوه سمكري وحداد مال سيارات.....وحسن يعرف ريسان ويعرف شنو شخصيته وكلما جانت سارة تذكر اسم ريسان يشوف بعينها الخوف ..
...
...
يمه ..يمه
ها يمه ريسان..كول يبعد عيني
اكلج يمه سارة وين...
يم صاحبتها تريد تعرس وراحت الها وكالتلي كلي لبوي وريسان ...وانه وديتها والعصر اجيبها
ها خوش من تجي خل تغسل ملابسي مال الشغل لان باجر اريد اطلع من وكت ....
من عيني يمه ...
....
....
احبها ياهاشم اموت عليها وماكدر بدونها...انت تعرف شكد صارلي وياها يعني مستحيل اكدر انساها او اتركها...
رد عليه هاشم...
حسن انت جاي تتواصل وياها وتشوفها وتحاجيها عالتلفون بعد شنو شتريد ليش تعذب روحك علمودها اني لو منك اتركها....
رد عليه حسن وهو معصب..
شنو تحجي انت ياهاشم ...
يمعود شنو هالاراء اذا تكدر تسكت ...شنو اعوفها انت هاي هيج تكول جا غيرك شيحجي مدري ..
ضحك عليه هاشم وكاله والله بطران انت ياحسن ياحب يازلك ....اخذ منها التريده وريح وارتاح...
عصب عليه حسن وكاله انت شجاي تخربط ....انت حجيك دوم مخربط وماتصلح صديق وبنات العالم عدكم لعبة ...لو تحبون بشرف لو لا تحبون ابدا....
ضحك هاشم باستهزاء وراح عن حسن ....وظل حسن يفرك بديه ومحترك دمه.....
...
...
بالحي الصناعي مال تصليح السيارات هناك يشتغل ريسان وجان مؤذي جدا ودائما يسبب مشاكل ويه اصحاب السيارات وحته وي جماعته اهل المحلات وجان ريسان مرات الظهر مايرجع للبيت وانما يبقى بالمحل ويشرب عرك ويسكر وعنده صديقته يجيبه وياه للمحل الظهر ومن يخلص يرجعها .....بسيارته...
...
...
اكلك ابو حيدر احنه لشوكت نظل صابرين عله استهنار ريسان شنو هوه باب رزق لو كاولية ..
رد عليه ابو حيدر...
عيني جاسم احنه ياهو مالتنه هو انسان فاسق ومنحل وكل شغله مو زينه بيه وهالتشوف الكل يخاف منه وانته جاسم مكينة ومعروف بشرانيتك وهم تتجنبه....
رد جاسم عليه ....
يابو حيدر صح اني شراني جنت وشراب بس مايوم خليت شخص يحس بيه شنو كلساع وحده طالعه وطابه اني راح احجي وياه وافهمه...
كاله ابو حيدر...
عيني مكينة عوفه والله ميفيد الحجي وياه ....
....
...
راح جاسم مكينة يحجي وي ريسان ووره شوية رجع ضايج ويكفر ....
كاله ابو حيدر يابه لا تكفر واحجيلي شبيك...
رد مكينه..
هذا سافل وساقط ومنحط شوف شنو شمر بوجهي ...
ضحك ابو حيدر وره ماشاف اتك وملابس داخليه...
كاله رحتله وكتله وحجيت وياه حبيت انصحه جان سكران مادري شبيه ضحك عليه وشمر ملابس داخليه واتك مال صاحبته وكال اخذ ذني ذكرى منها...
بس بسيطه ياريسان الا اندمك وما اطلع انه جاسم مكينه...
كاله ابو حيدر ياجاسم سمي بالرحمن وعيونك كل هذا اللي يسةيه بالناس وباعراض العالم يجي يوم ويشوفه بيه وربك يمهل ولا يهمل تره....
...
....
....
حبي اني مشتاقلج ياسارة اتمنه تفهميني تفهمين حبي الج ياروحي...صوتج عالتلفون حلو عالطبيعه حلو شسوي يربي راح انجن....
سلامتك ياروحي من الجنون احبك واموت عليك ياحسونتي ....
وج علي صوتج سوسو ليش تحجين عله كيف....
ردت عليه...
حسونتي الساعه بالوحده وكلها نايمه ماريد واحد يسمعني وماريد غير صوتك يابعد صوتي....
اتمنه روحي طير وتجي يمج يعمري وانام بحضنج واحس بحنانج .....
....
....
اشتاقيتلج واشتاقيت اشوفج ...اريدج ملكي اليوم وباجر وبعد شهر وسنة والعمر كله...
فدوة العمر الك يابعد عمري ياحسن
اااخ ياحسن حلم ننجمع ونصير واحد للثاني .....
لا تكولين حلم تره ضوجتيني والله ...
لاتزعلي يابعد رويحتي هاك بوسة عله شفتك يابعد حيلي....
حسوني حبيبي راح اسده ووره شوية اتصل عليك فيديو ولابستلك البدلة الشفافه الحمرة اللي تحبها....
اويلي راح انتظرج ماراح انام.....
....
....
الحياة حينما تستدير لن نستطيع ان نجاريها حينئذ سنكون طعما سهلا لها وتبتلعنا ونذهب بدهاليزها ...هكذا هي دروب الحياة مرة وحلوة لكن حلاوتها لن تدوم كثيرااا ..
...
...
كان يوما لاينسى بالنسبة لعائلة الدكتور منذر الشماع الذي نال جائزة افظل اخصائي بالامراض النفسية وكانت خطوة مهمه في حياته....
في عيادته كان يرى مئات الحالات من الذين يعانون مشاكل نفسية وكان بارعا في العلاج.....
هاي الحلوة شبيها... يقصد وحده من المريضات جابها ابوها للعيادة...
دكتور هاي قصتها قصة ووضعها من يوم فقدت زوجها ماتحسنت لان بيوم زواجهم فقدته ...
خل تحجينه الحلوة نريد نسمع منها....
رفعت عيونها بعيونه وكالت ...
كتلوه ...كتلوه ...كتلوه....والله كتلوه....
دكتور منذر جان يشوف الحالة منهارة جدا وجان يتوقع تجاوب من المريضه ويخلصها من حالتها النفسية
له تابع لطفا....
