التفاح المر
علي البدر
البارت الثامن...
...
...
هلو حسن شلونك...
هلو سوسو عاش من سمع صوتج ...هاي وين انتي....
اني بمكان امن لاتخاف عليه...
وج اخوج ريسان اجه وهددني ولعب لعب ...
اي حسوني اني اعرف ريسان مايتركني بحالي....
وج سوسو اليوم صارت مفاجأه....
شكو شنو صار حسوني....
زهير الراد يتزوجج لكوه مكتول ومكطع ومشمور بالزباله ولحد هسه ماعرفوا منو كتله....
صرخت سوسو من الغرح...
الله يبشرك حبيبي حسوني ياعمري انته احله خبر .....بس منو كتله هذا ...
وج لحد الان يحققون ....ماعارفين منو....
كالتله....
معقوله ريسان ذبحه ...بس مايسويها ريسان لان هذا الضلع مالته...
حبيبتي سوسو اتمنه نتخلص من اخوج....
حبيبي حسوني اعشقك يادنيتي ورويحتي انته والله ماصير لغيرك ويجي يوم ونتخلص من ريسان والله مستعده اتزوجك اول يوم فاتحة ريسان الله يخلصني منه ومن شره....
...
...
سيادة العقيد ...اكو محامية ريد تلتقي بيك...
خل تتفضل لغرفة التحقيق. .
بغرفة التحقيق بدت ريام تشرح القضية مال مقتل حاتم رزاق وقدمت الادلة للتحقيق...
اني متاكدة من براءة حميد رافع والتقيت بيه شخصيا بصفتي المحامية عن القضية واشوف انو هوه مظلوم وهو حجالي وشرحلي عن شحنات الحشيشة والمخدرات وان المسؤول عنها هوه ريسان صديق زهير...
رد عليها العقيد ...
لهذا السبب انقتل زهير اليوم واكيد انو ريسان يريد البضاعه اله وهو الوحيد اللي يربح منها....
وهم بنفس الوقت يقضي على السر اللي يعرفه زهير لذلك الان المتهم الاول بقتل زهير هو ريسان
طلب العقيد ريحان من الملازم علاء ان يجهز دورية ويتوجه للحي الصناعي ويتابع بنفسه مناك كل التحركات واي شي يصير لازم يداهم المحل...
....
...
ها بوية حيدر شنو سويت...
بوية كل الامور تمشي تمام والمحامي ريام لزمت خيوط القضية وصار الموضوع كله بادينه . ..
عفية وليدي واريد منك متحجي شي ابدا لان هذا ريسان لو عرف راح ياذيكم ....
زين ابو حيدر ...برايك منو قتل زهير....(ساله جاسم مكينة)
ولك مكينه القاتل هو ريسان لان ريسان طبعا انهى امر احمد فهاوة ورجع كتل زهير وبهاي الخطة السواها خلص وموت السر اللي ظل يهدده بيه زهير.....
دار جاسم عله حيدر وساله....
ريسان وين محد عرف عنه شي لزموه....
لا ريسان مراقب اكيد بس هو شيطان كصب وماينلزم بسهولة....
....
...
تفاجا ريسان بوجود الشرطه قريب من محله وعرف انو الامر نكشف ورجع للبيت بسرعه....
يمه يمه....
حضريلي جنطتي اجتني سفرة سريعه...
وين مسافر ريسان شكو شصاير ووكفت بوجهه....
من شدة حركته وتهوره ضرب امه راشدي وكالها وجه البومه شبيج عرضتي كدامي ....
لم غراضه وطلع يركض بسرعه .... وتوجه للمطار وحجز عله اول رحلة لاي بلد...
....
...
خاله ممكن طلب...
كولي سوسو
خاله اشتاقيت لحسن وماكدر بدونه والله احس نفسي ناقصني هواي اشياء بدونه ...
اشتاقيتي لحسن وامج ما اشتاقيتي الها...
خاله مو بيدي والله اعشكه اهواه هو النفس اللي يصعد وينزل ...
ضحكت خالتها ....زين يكدر يجي للكوت ....
اي اي خاله لو للشمس هم يلحكني مو بس للكوت وبسرعه طلعت تلفونها واتصلت بحسن....
وج مخبله عوفي الولد شبيج....
الو حسونتي عشقي حبيبي حياتي تعالي للكوت اريد اشوفك ميته عليك وعطشانه لشوفتك....
هههههه ضحكت خالتها وكالت الحب يذوب يسوسو....
وبالفعل وافق حسن وواعدها يجيها للكوت...
....
...
هلو دكتور شلونك شخبارك ابني
هلا استاذ فريد اني الحمد لله ...ريام شلونها...
والله بخير وجاي تتابع قضيتها وان شاء الله راح تكسبها....
عمي ابو ريام اني اجيتك للبيت وبدون موعد ويمكن تطفل مني...
رد عليه ابو ريام...
دكتور هذا بيتك وانت سبب برجوع لبسمه لهذا البيت وبفضل اسمك ووجودك ضلت ريام تكسب تطورات هواي...
بخجل وهو مدنك راسه كاله منذر عمي اني اريد اخطب بنتك ريام....
جان رد ابو ريام سهل وليس معقد وكانما يعرف انو الدكتور منذر جاي عله هالشي...
كاله اسمعني ابني....
كل عائلة تتشرف ان تناسب شخص مثل الدكتور منذر الشماع وهذا الشرف نتمنه ان يصيب عائلتنا بس الرأي لريام واني اتشرف بيك....
فرح الدكتور وعرف ان الموضوع تم لان هوه اساسا جان ماخذ الاوك من ريام....
وره ماطلع من بيت ابو ريام اتصل عليها....
الو ياست المحاميات....
اهلا ياسيد الدكاترة...
كالها انا سويتها وخطبتج من والدج واريدج وياي زوجه ومعينة الي بكل حياتي....
ردت عليه وكالت دكتور انا موافقه لان انت انسان طيب وخلوق.....
...
...
سيادة العقيد بالفعل لكينه شحنات الحشيش والمخدرات بمحل ريسان وحاليا هو متهم بالجرم المشهود ...ومن خلال التحقيقات والتحريات ثبت النه بالدليل القاطع ان ريسان هو القاتل للمجني عليه زهير رزاق حته يستولي على كل البضاعه ومن خلال مراجعتنه لكامرات المستشفي تبين النه انو ريسان تنكر بزي الاطباء حته يقتل احمد الملقب فهاوة...وطبعا ام احمد رفضت ان يتشرح ابنها او ينفتح تحقيق بموته ...
اذن حضرة الملازم علاء ....
يتبن النه من خلال التحقيقات ان حميد رافع بريء حسب كلام الدكتورة وان المتهم الحقيقي بموت حاتم رزاق هوه ريسان....
اي نعم سيادة العقيد واصدرت امر بالافراج عن جميع المعتقلين بما فيهم حميد رافع.....
....
...
خاله فدوة خابريلي امي...والله مشتاقتلها ...
ههههه امج اخابرها لو حسوني....
لا خاله امي حسوني باجر اشوفه...
اتصلت سارة بامها وظلت تبجي لان مشتاقتلها بس امها فاجأتها وكالت ...
راح يجيج حسن باجر للكوت وهوه خطبج مني ووافقت خلي خالتج توافق .وترحب بيه هو خابرني وكالي خالة انه رايح اشوف سارة .
يمه شنو خطبني وريسان شلون ...
مالج شغل بريسان بنتي...... اعتبري حياتج بدت وي حسن بدون وجود ريسان
لان . راح يصير ماضي
له تابع لطفا
