التفاح المر
علي البدر
البارت الثاني
....
...
اني اريد اساعدها....واتمنه تحجولي حالتها....
دكتور اني والدها وهاي الحاله اللي تمر بيها هي بسبب فقدانها لزوجها اللي انكتل بليلة زواجه... .
.....
...
اكيد حجي هذا الحادث صعب عليها بس منو كتله؟؟؟
...
بنتي جانت ماتريد ابن عمها وهو جان يهددنه اذا تزوجت وكال اذا تزوجت ارملها من اول ليله...
....
...
تفاجا الدكتور وكال عجيب ...واكيد بيوم زواجها كتل زوجها...
اي دكتور زوجها الله يرحمه محامي يشتغل وياها بالمحكمه وخوش انسان بس شنسوي هذا اللي صار المجرم انسجن وبنتي هاي حالتها وزوجها مات...
...
...
تاثر الدكتور لحالة ريام وكال لوالدها ان شاء الله نكدر نطلعها من هاي حالتها...شكد صارلها عله هاي الحاله...
رد عليه ابو ريام.....
صارلها تسع شهور افتريت بيها كل مكان وماصارتلها جارة وانه هاي بنتي عزيزة عندي وحته زواجها من زوجها اللي انقتل ماعارضت عليه لان هيه مثقفه وتعرف تتصرف وماردت ارميها بنيران ابن عمها المنحط ....
....
....
الدكتور...
ابو ريام نحتاج منك الهدوء وماتتعجل الامور لان الامراض النفسيه صعبه وتحتاج صبر....
...
...
ها سارة شلونج حبيبتي....
هله يبعد المامشن واللي مشن والردن .. هلا حسن ياروحي...
حبيبتي ضليت انتظر الليل عله حر من الجمر . .
لاني محروم من شوفتج وكلما اطلب نلتقي تخافين من ريسان....
ياحبيبي هاي اني كدامك صورة وصوت ونحجي بكل راحه وبدون خوف .....
ياروحي ياسارة غمضي عيونج وتصوري نفسج يم حبيبج وعشقج ....تصوريني بدون خوف من ريسان....
هههههه ضحكت سارة وكالت حته من اتزوجك وبليلة الدخلة هم اخاف من ريسان ....
كالها اووووف حبيبتي شيجيبها ليلة الدخلة ....اتمناها هالساعه...
ردت سارة ...نفس امنيتي ياروحي ...احبك ياحسن اعشقك....
كالتله سارة ...اشتريت ملابس داخليه وبدلة نوم تجنن وكلت ما البسهن الا لحسونتي اني ماعندي غيرك انتظرني دقايق واجي اسودنك....
...
...
مارثون الحياة مستمر والسباق في مضمارها لم ينتهي ...البسطاء يعيشون لاجل غير مسمى وينتظرون دورهم في تعذيب الحياة لهم لكي يموتوا وقلوبهم بيضاء ....
....
....
يمه وين سارة...
بغرفتها ليش...
يمه صديقي حاجاني عليها ويريد يخطبها ...
يمه ريسان ياهو صاحبك هذا....
كاللها ريسان ...صاحبي زهير ابن فالح ....
ردت امه بتعجب...
زهير ابن نوال العبده...هذا اليسمونه زهير ابو عرده...
اي هوه يمه زهير ابن نوال واعتقد مابيه اي عيب وخطبها مني لو شنو تريدين اكول لصاحبي اختي ماتريدك....
....
....
بعيادة الدكتور منذر الشماع كعدت ريام بجلستها الاوله ...
هلو ريام شلونج...
بقت ساكته ...
اني مو دكتور لاتعتبريني دكتور اني صديقج واخوج صيحيلي منذر وانتي راح تكونين اختي ونتساعد ونتخلص من حزنج ...
دكتور اني مابيه شي مو مريضه...
ومنو كالج مريضه ... الحلو مايتمرض...وانتي اختي الحلوة ...
بس مزعلتني انتي صار ماتاكلين ولاتشربين ....
...
...
وكالها احنه حته نصير اخوان لازم تسمعيني واسمعج...
شنو رايج ريام ننطيج هاي الابرة وتهدين وترتاحين وتنامين....
وافقت وضربها الدكتور وطلب من الممرضات ينومنها عالسدية وطلع يحجي وي ابوها....
...
...
عمي ابو ريام ...
كول دكتور...
هاي الحالة التمر بيها بنتك مو سهله ولا صعبه او مستحيلة اني انطيتها ابرة وراح تنام يومين ...
...دكتور تبقى هنا...
لا عمي نحول عالمستشفي بردهه خاصة...
بس دكتور ماتعرف شبيها...والله اخذت حيلي بحزنها...
عمي هاي ناتج الصدمه اللي مرت بيها راح تعيش فترة صعبة لو هيه مثلا متزوجه وشهر او شهرين او سنة فاقدة زوجها يكون اسهل من ليلة زواجهم ...
رد عليه ابوها ...
الله يلعن اللي كان السبب...كال ابو ريام وتحسر
....
....
حبيبي زهير اكدر اكلك مبروك ....من اليوم اصيحك ابو النسب ههههههه...
...زهير ابو عرده من اقذر ابناء المنطقه خلقا واخلاقا وهو صديق ريسان بالشغل وبالسكر...
ها ريسان وافقت...
افا عليك زهير شنو وافقت كول شوكت العرس..
...
...
ضحك زهير بضحكه بشعه وضروسه الصفر المامار عليهن المعجون طلعن من حلكه وكال اليوم كاس شرب بصحة ابو النسب....
...
...
الو حسن...
هلا حبيبتي...
ولك الحكني حسن اخوي ريسان راح يزوجني لصاحبه زهير ومن كالتلي امي ضليت ارجف وانته تدري ماكدر ارد واحجي وياه....
شنو شنو شنو شنووووو...
يازهير هذا بالله والله ماتتزوجين اي واحد واليمسج لو يمس شعره منج اكسر ايده....وخل يكون بعلم الجميع محد يتزوجج وياخذ عذريتج غيري وانه الي تصرف وياهم.....
.....
....
يمه ريسان اختك رافضة الزواج هسه ....
صاح ريسان قبل لا امه تكمل ....وشنو هيه حته ترفض وتقبل وصاح بصوت عليها...
سااااره سااااره ...
اجت وهي ترجف وشافت عيونه حمر وكالها ...
لازم عينج شايفه واحد غير زهير . والله يكون اخر يوم بحياتج اذا سمعتج تكولين شي غير الاريده ...واسبوعين ويصير العرس اوك....
....
....
ومن الخوف من ريسان الوحش كالتله صار خويه موافقه ...
صاح بوجهه لا عايزة تكوليلي ماموافقه حته اسوي راسج طشار هسه...
له تابع لطفا
