التفاح المر
علي البدر
البارت التاسع والاخير
.....
...
نزل ملازم علاء ووياه مفرزة شرطة وطوقوا بيت ريسان ....
دك الباب وطلعتله ام ريسان...
هلا حجيه ..عدنه مذكرة القاء قبض بحق المدعو ريسان....
بس يمه ريسان مو هنا ...
حجيه نكدر نفتش البيت...
اي يمه ادخلوا...
وبالفعل بدوا يفتشون بالبيت وماحصلوا شي عن ريسان...
سالهما الملازم علاء.....حجيه متعرفين وين راح....
يمه والله ماعرف بس اجه مستعجل ولم غراضه وكال انه مسافر....
اها شكرا حجية ونعتذر عن الازعاج...
وجه الملازم علاء جميع الدوريات بالتحرك للكراجات وللمطار قبل لايسافر ويطلع وصدر مذكرة توقيف بحقه وابلغ بيها كل سلطات الطيران .....
....
...
اجه الدكتور منذر الشماع والتقى بالمحامية ريام وكعدوا كعده رومنسية وهادئه بمطعم...
صدكيني ريام جاهدت في سبيل ان ارسم هاي الضحكة عله شفايفج...
منذر انت ارقى انسان صادفته بعد المرحوم زوجي واتمنه اكون وياك طول العمر ...
جانت نظرات الحب والرومنسية مرسومه على محياهم وعيونهم تحجي هواي كلام جانوا صامتين دقايق وكسر صمتهم ابو المطعم وكالهم هاي جريدة عدد اليوم اقروا بيها علما نجهز طلبكم....
....
...
طارت ريام من الفرح ولزمت ايد منذر وهاي اول مرة تلزم ايدي .....
كالتله شوف شكاتبين باول صفحه....
قراها دكتور منذر بصوت عالي.....
(ابتسام فريد .. المحامية التي كشفت ماعجز عنه ضباط التحقيق)
وبداو يقرون بالخبر وجانت التفاصيل كلها عن حادثة انقاذ حميد رافع البريء والذي كان متهما بقتل حاتم الصخل....
الف مبروك حبيبتي ريام انتي محامية فذة...
ردت بنضرة خجل ...
دكتور منذر كله بفضل جهودك ....
ارجوج ناديني منذر بلا رسميات.....
.....
....
ابو حيدر وجاسم مكينه قرروا يلتقون بالمحامية ويتشكرون منها لانها صاحبة فضل كبير وقرروا ان يكون تجمع من عائلاتهم وعائلة حميد رزاق ويتوجهون لبيتها وبالفعل نفذوا المقترح وتوجهوا لبيت ريام..
جانت ريام تحس بفرحه عارمة جدا وحست نفسها بطل قومي وجانت تشوفه الابتسامه بوجه منذر وكانت حابه ان تشكر منذر بطريقتها ...
كدام الكل وكدام التجمع كله اعلنت ريام انها انخطبت من الدكتور منذر الشماع وهو صاحب الفضل بكل النجاحات اللي تحققت وياها.
...
...
...
متتصورين شكد مشتاقلج سوسو...
حبيبي حسن لاتحجي كلمه خليني اباوع بعيونك وبس...
وج خبله معقولة تريدين اسكت وانه مشتاقلج...
اليوم صرتي خطيبتي وانتي مستحيل اعوفج للابد
...اني ماجايه افهم شي ريسان وين عن هالوضع...
سوسو ريسان متهم بقتل زهير وطلع تاجر مخدرات والامه كلها تدور عليه ومن يلزمونه اعدام....
حسن...اني اريدك كل شي بحياتي...
سوسو اني اخوج وابوج وحبيبج وكل شي انتي عشك الطفوله الربه وياي....
....
...
كانت قبلة اللقاء بينهما كصلاة العشق فلم تنتهي الا بدعوات البقاء للابد ...غرق العاشقان ببحر الحب وانتهى بهما اللقاء على فراش الزوجية الابدي....
...
...
استاذ ريسان انت ممنوع من السفر....
ليش ممنوع اني جواز سفري مامنتهي وماعندي اي جنحه او جريمه وعندي رحلة علاج سريعه ولازم اسافر...
انتظر نه بصالة الاستقبال من فضلك...
عرف ريسان ان الامر تطور ولازم يشرد وبالفعل شرد من المطار وتوجه للمحل ...
...
...
الملازم علاء يسال موضف استعلامات المطار...
ليش ماحاولتو تعتقلونه ...
العفو حضرة الضابط ماعدنه صلاحية باعتقال اي شخص ان لم يصدر امر بهذا الشي ....
...
...
احتار ريسان وين يروح وبسرعه دخل للمحل متنكر وحاول يتخفه قدر الامكان ...
جان جاسم مكينه وابو حيدر منتظرين جيته ...
...
...
سيدي الو سيدي
اهلا تفضل...
اني جاسم مكينة ريسان اجه للمحل...
....
...
من المطار استلم الملازم علاء المكالمه من جاسم مكينه وجان متفق وياهم يتصلون عليه باي وقت يشوفون بيه ريسان....
نص ساعه وقبل لايطلع ريسان شارد تم القبض عليه بالمحل وقبل لاتروح الدوريه اجاه جاسم مكينة شمر عليه الملابس الداخليه مال العاهرة وكاله ....
جنت اعرف تجي هاي اللحظه ياواطي....
وانتهت قصة التمرد التي صاغ فصولها شيطان على هيئة بشر لكنما ارادة الله حالت دون ان يكون للحق كلماته...
انتهت
