التفاح المر
علي البدر
البارت الرابع
...
...
بمرور الايام والوقت بدت ريام تفيق من صدمتها وتتحسن حالتها وكان الدكتور منذر الشماع متابع كل تصرفاتها وكل تحركاتها......
...
...
هلو ريام شلونج شخبارج...
الحمد لله وشكرا الك تعبتك وياي وانت صاحب فضل كبير انك طلعتني من صدمتي ....
ريام اكلج شي بس لاتتفاجئين...
كول دكتور ....
باجر راح تلزمين قضيه جديده واليوم اتصلوا عله والدج ويشوفون انو انتي محاميه ماهرة....
دكتور بهذا الوضع يمكن اكون مامركزة وماكدر اكسسب القضيه يمكن....
لا ريام لازم تركزين لان هاي حقوق ناس واقل هفوه يمكن تضيعين حقوق هواي ابرياء....
فكرت ريام ودققت بكلام الدكتور ووافقت وكالتله....
اسمعني دكتور منذر....
زوجي جان يشجعني ويكلي قلمج هذا ينقذ هواي ناس طبعا جان يحاجيني ايام خطوبتنه لان ....
وقبل لا تكمل ريام كالها الدكتور....
قلمك هو مصيرك وهو الراح يكتب الحق ويرجعه لاصحابه ....
ست ريام انتي هسه تكدرين تاخذين راحتج وراح اكون متواصل وياج واتصل بيج كل وقت...
ردت عليه...
هذا شرف عظيم الي دكتور...
....
...
منو اللي عالباب.....
اني حجيه ...حسن موجود ... هذا مو بيت سعدي النداف
طلعت ام حسن للباب وكالتله...
هلا يمه هذا بيت ابو حسن كول.....
....حجية اريد اكلج شي واروح ...
كول يمه اسمعك.....
حجية اذا رايده ابنج يعيش ويبقه بحضنج كليله انت مو كد هاي الناس اللي يدزلها هدية وبيها رصاصه وهاج حجيه هاي رصاصته كليله هاي يمكن تكفيه تفجر راسه ....بس احنه مدافع ماتهز صدورنه...
يمه ماجاي افتهم شتحجي انت ....
حسن يفهمج حجية....اودعناكم....
....
....
اكلك ريسان انه دزيت واحد لبيت سعدي النداف وره ماخابرتني وكتلي هوه الضربني وهددني...
اي زهير هوه وانه الي حساب وياه ..بعدين...
انه وديتله رصاصته بيد احمد فهاوة وكتله تهدده تهديد بسيط...
....
السلام عليكم...
عليكم السلام هلا فهاوة ..هاشسويت...
اكلك زهير مالكيته بس نقلت الكلام لوالدته نصا وكتلها تنطينه هاي الهدية مالته....
حلو حلو حلو ...صاح زهير....احسن شي من والدته عرفت حته تكون على بينه وتبدي تتابع تحركات ابنها وراح تصير الطبخه بدينه ....
هنا صب ريسان كاس مشروب لزهير وكاس اله وصاح بصحتك ابو النسب....
.....
....
جانت سارة ماتصدك اللي جاي يصير بيها وجانت تحس بمرارة فقدان حسن ....معقولة من حسن الشاب المثقف الانيق لزهير ابو عردة مو مصدكه هالشي وفوك كل هذا الضيم عرسها عله زهير راح يصير بعد ايام ....احتارت بين جبروت وسطوة وظلم ريسان اخوها وبين حبها وعشقها لحسن وقررت ان تتصل بحسن من خطها الجديد....
الو حسونتي شلونك ....
هلا سوسو ولج بالي يمج وعقلي وفكري وروحي بس شسوي ماكدر .....شسوي ماعرف.. واني اسف لان ماكتلج باللي سويته بزهير بس ماكدر اتصور انتي تروحين اله....
فديتك حبيبي حسوني جنتل مان مالتي اسمعني اكولك اني اسوي المستحيل وماعوفك ....
اني سوسو ماتركج وتدرين دزولي تهديد ...
عزززززززه منو دزالك حسونتي....
مايهمج سوسو اني المهم ماخسرج....
يالله حسونتي باي وبعدين احاجيك بس لا تتصل الا اني اخابرك....
....
...
اكلك ابو حيدر انه قررت اليوم بليل ادخل محل ريسان واشوف شنو هاي الكراتين اللي نزلها .....
اسمع جاسم مكينة انت متاكد من التكوله ....تره ريسان وحش واذا عرف مجرد انك تتابعه يدفنك وانت عدل ...
اتمنه ان تكون كد المهمه وتشوفنه شنو هالاشياء مع اني ما اشجعك ....
بهالاثناء اجه واحد يسال عن ريسان...
السلام عليكم
...
رد ابو حيدر ومكينه...
وعليكم السلام ...
كللهم اني اسمي احمد ولقبي فهاوة وجاي اسال عن ريسان لان لكيته معزل ...شنو اليوم ماجاي....
...
..
رد عليه مكينه وكاله....
مو دائما يجي هوه من وكت يعني يتاخر ومرات مايجي يومين ....
بس اذا اجه راح نكله اجه عليك احمد فهاوة....
رد فهاوة...
اي وخاف مايعرفني كله من طرف زهير ابو عردة.....
وره مامشه احمد صاح جاسم مكينه....
هلو هلو طلع طابك وي زهير ابو عردة ....
ابو حيدر عمي تعرفه هذا لو لا....
رد عليه ابو حيدر ...
لا والله يامكينه ماعرفه منين هذا...
لك هذا اكبر حشاش وعركجي وابو كبسله ...
كاله ابو حيدر....
يعني ريسان وابو عرده صحبان واكبد ريسان ابو العرك يصاحب بس اهل العرك...
....
..
اي عمي ابو حيدر وجيت هذا فهاوة اكو سر وراها ...يكدرون يخابرونه ويشوفونه وين ليش اجو لهنا يجيكونه موجود لو لا....اني وياك بليل نجي هنا ونبقه ساعات هنا ....انه مامطمن لوضع محل ريسان
....
...
ها فهاوة شسويت....
زهير رحت لهناك للحي الصناعي والوضع يم محل ريسان تمام يعني نكدر نروح بليل ونسحب البضاعه ...
فهاوة اتصل بريسان وكله ابو عردة يكول اليوم ناخذ البضاعه....
...
...
ورة شوية رجع فهاوة وكاله اكلك زهير خابرت ريسان.....
يكول يكدر ياجلها كم يوم لان بعدني مامهيأ وضع المحل....
عصب ابو عرده وكال هذا ظل يلعب بكيفه اتصلي عليه وانطينياه....
الو هاريسان ...
هلا فهاوة ...
هذا زهير يريد يحجي وياك ...
الو ها زهير شلونك ...كالي احمد عالخطة وانه اكول ناجلها كم يوم لان مامهيأ المحل والوضع...
قاطعه زهير وكاله اوك ماعندي مشكلة بس خطية حاتم الصخل مسكين انكتل ظلم ....
انصعق ريسان من كلام زهير وعرف انو هو بده يقايضه وجاي يهدده بالسر مال حاتم الصخل اللي مات ومحد يعرف منو قتله غير زهير ....
بسرعه ريسان كاله يمعود المحل محلك والبضاعه شوكت تريد تطلعها طلعها....
ضحك زهير وكاله اي هيج صير مرن والسهولة حلوة ...
له تابع لطفا
