ﻣﻴﻨﺎﺱ ﻱ ﺑﺖ ﻱ ﻣﻴﻨﺎﺍﺱ
ﻣﻴﻨﺎﺱ ﺳﻤﻌﺖ ﺍﻣﻬﺎ ﺑﺘﻨﺎﺩﻳﻬﺎﺍ ﺳﺮﻳﻊ ﻃﻠﻌﺖ ﻣﻦ ﻏﺮﻓﺘﻬﺎ ﻭﺟﺎﺕ ﺟﺎﺭﻳﺔ
ﻣﻴﻨﺎﺱ ﺑﻨﺖ ﺟﻤﻴﻠﺔ ﻭﺗﻤﺘﻠﻚ ﺟﻤﺎﻝ ﺧﺮﺍﻓﻲ ﻭﺩﻩ ﻣﺨﻠﻲ ﻛﻞ ﺍﻟﺒﻨﺎﺕ ﺑﻐﻴﺮﻭﺍ ﻣﻨﻬﺎﺍ ﺑﻨﺎﺕ ﺍﻟﺤﻲ ﻭﺑﻨﺎﺕ ﺃﻫﻠﻪ ﻭﺣﺘﻲ ﺻﺪﻳﻘﺎﺗﻬﺎ ﺍﻟﻔﻲ ﺍﻟﺠﺎﻣﻌﺔ ﺑﻐﻴﺮﻭﺍ ﻣﻦ ﺟﻤﺎﻟﻪ ﻭﻓﻮﻕ ﻛﻞ ﺩﻩ ﻃﻴﺒﻪ ﻭﻗﻠﺒﻬﺎ ﺃﺑﻴﺾ ﺑﺲ ﻋﻨﺪﻫﺎ ﺣﺒﺔ ﻫﺒﺎﻟﺔ ﻭﺭﺍﺳﻬﺎ ﺧﻔﻴﻒ ﻳﻌﻨﻲ ﺃﻱ ﺣﺎﺟﺔ ﺗﻘﻮﻟﻬﺎ ﻟﻴﻬﺎ ﺻﺪﻕ ﺃﻭ ﻛﺬﺏ ﻫﺘﺼﺪﻕ ﻋﻠﻲ ﻃﻮﻝ ﻋﻤﺮﻫﺎ 20 ﺳﻨﺔ .... ﻭ ﻋﻨﺪﻫﺎ ﺃﺧﻮ ﻭﺍﺣﺪ ﻭﺃﻛﺒﺮ ﻣﻨﻬﺎ ﻋﻤﺮﻩ 25 ﺳﻨﺔ ﺇﺳﻤﻪ ﺃﺣﻤﺪ ﻃﻮﻳﻞ ﻭﺟﺰﺍﺏ ﻳﻌﻨﻲ ﺑﻌﺠﺐ ﺃﻱ ﺑﻨﺖ ﻭﺃﻣﻬﺎ ﺇﺳﻤﻬﺎ ﺧﺎﻟﺪﻩ ﻣﺮﺓ ﻃﻴﺒﺔ ﻭﺑﺘﺤﺐ ﻣﻴﻨﺎﺱ ﻭﺃﺣﻤﺪ ﺣﺐ ﻣﺎ ﻋﺎﺩﻱ ﺃﺑﻮﻫﻢ ﺭﺍﺟﻞ ﻛﺒﻴﺮ ﻓﻲ ﺍﻟﺴﻦ ﺑﺲ ﻣﺎﺷﺎﺀﺍﻟﻠﻪ ﺍﻟﺰﻭﻝ ﺍﻟﺒﺸﻮﻓﻪ ﺑﻘﻮﻝ ﻋﻤﺮﻩ 30 ﺳﻨﺔ ﻳﻌﻨﻲ ﻣﺤﺎﻓﻆ ﻋﻠﻲ ﺻﺤﺘﻪ ﺷﺪﻳﺪ
ﻧﺮﺟﻊ ﻟﻨﺎﺱ ﻣﻴﻨﺎﺱ
ﻣﻴﻨﺎﺱ : ﻧﻌﻢ ﻱ ﺃﻣﻲ
ﺧﺎﻟﺪﻩ : ﺃﻧﺎ ﺑﻨﺎﺩﻳﻚ ﻟﻲ ﺳﺎﻋﺔ ﻳﻌﻨﻲ ﻡ ﺳﺎﻣﻌﻪ
ﻣﻴﻨﺎﺱ : ﻣﻌﻠﻴﺶ ﻱ ﺃﻣﻲ ﻛﻨﺖ ﺑﺤﻀﺮ ﻟﻠﺠﺎﻣﻌﺔ ﻷﻧﻮ ﺍﻹﺟﺎﺯﺓ ﺧﻠﺼﺖ ﻭﺑﻜﺮﺓ ﻧﺎﺯﻟﻴﻦ
ﺧﺎﻟﺪﻩ : ﺧﻼﺙ ﻟﻮ ﺇﻧﺘﻬﻴﺘﻲ ﺧﻠﻴﻨﺎ ﻧﻤﺸﻲ ﻋﻨﺪﻙ ﻧﺎﺱ ﺧﺎﻟﺘﻚ ﺭﺍﺟﻠﻬﺎ ﺟﺎﺀ ﻣﻦ ﺍﻟﺴﻔﺮ ﺧﻠﻴﻨﺎ ﻧﻤﺸﻲ ﻧﻘﻌﺪ ﻣﻌﺎﻫﻢ ﺷﻮﻳﺔ
ﻣﻴﻨﺎﺱ : ﺣﺎﺿﺮ ﻱ ﺃﻣﻲ ﺃﻣﺸﻲ ﺃﻟﺒﺲ ﻋﺒﺎﻳﺘﻲ ﻭﺍﺟﻲ
ﻣﺸﺖ ﻣﻴﻨﺎﺱ ﻟﺒﺴﺖ ﻋﺒﺎﻳﺘﻬﺎ ﺍﻟﺸﻴﻚ ﺩﻳﻚ ﻭﻋﻤﻠﺖ ﺷﻮﻳﺔ ﻓﻴﺮ ﻭﻣﺮﻃﺐ ﻭﺭﺩﻱ ﻋﺠﻴﻴﻴﻴﺐ ﻭﻟﺒﺴﺖ ﻃﺮﺣﺘﻬﺎ ﻭﻗﺎﻝ ﻟﻲ ﺍﻣﻬﺎ ﺧﻼﺙ ﻳﻼ ﻧﻤﺶ
ﺍﻣﻬﺎ ﻟﺒﺴﺖ ﺗﻮﺏ ﺣﻠﻮ ﻭﺟﻤﻴﻞ ﻭﺃﻣﻬﺎ ﺯﺍﺗﻬﺎ ﺣﻠﻮﺓ ﺷﺪﻳﺪ ﻭﻣﻴﻨﺎﺱ ﺷﺎﻳﻠﺔ ﻣﻦ ﻣﻼﻣﺢ ﺃﻣﻬﺎﻝ ﻛﺘﻴﺮ ﺧﺎﺻﺘﺎَ ﺍﻟﻌﻴﻮﻥ ﻭﺍﻟﺠﺴﻢ ﻭﺻﻠﻮﺍ ﺑﻴﺖ ﻧﺎﺱ ﺧﺎﻟﺔ ﻣﻴﻨﺎﺱ ﺍﻟﻠﻲ ﻫﻲ ﺃﺧﺖ ﺧﺎﻟﺪﻩ ﺍﻷﻛﺒﺮ ﻣﻨﻬﺎﺍ ﺃﺳﻤﻬﺎ ﻛﻮﺛﺮ ﻭﻋﻨﺪﻫﺎ ﺑﻨﺘﻴﻦ ﻋﺒﻴﻄﺎﺕ ﺧﻼﺙ
ﻭﺍﺣﺪﻩ ﺇﺳﻤﻬﺎ ﺳﻠﻤﻲ ﻭﺍﻟﺘﺎﻧﻴﻪ ﺳﺎﺭﺓ ﺟﻨﻬﻢ ﻗﻄﺎﻳﻊ ﻭﻣﻄﺎﻋﻨﺎﺕ ﻧﻬﺎﺋﻲ ﻡ ﺑﺤﺒﻮﺍ ﻳﺸﻮﻓﻮﺍ ﻏﻴﺮﻫﻢ ﻣﺒﺴﻮﻃﻴﻦ ﻣﻦ ﻣﻴﻨﺎﺱ ﻭﺃﻣﻬﺎ ﺟﻮ ﺑﺪﻭ ﻳﻌﻠﻘﻮﺍ
ﺳﻠﻤﻲ : ﻱ ﺑﺖ ﻱ ﺳﺎﺭﺓ ﻣﺶ ﺗﻮﺏ ﺧﺎﻟﺘﻲ ﺩﻩ ﺣﻖ ﺍﻟﻌﻴﺪ ﺍﻟﻘﺒﻞ ﺍﻟﻔﺎﺕ؟؟
ﺳﺎﺭﺓ : ﺍﺍﺍﺍﺍﻱ ﻳﺎﻫﻮ ﺯﺍﺗﻮ ﻛﻞ ﻣﺮﺓ ﻻﻓﺤﻪ ﻻﺑﺴﻪ ﻋﺠﺐ
ﻭﻟﻮﺕ ﺧﺸﻤﻬﺎﺍ ﺗﻘﻄﻊ ﻭﻧﺴﺘﻬﻢ ﻣﻴﻨﺎﺱ ﺟﺎﺕ ﺳﻠﻤﺖ ﻋﻠﻴﻬﻢ ﻭﻗﻌﺪﺕ ﻣﻌﺎﻫﻢ ﺇﺗﻮﻧﺴﺖ ﻣﻌﺎﻫﻢ ﻭﻫﻢ ﻧﻬﺎﺋﻲ ﻡ ﻋﺎﺟﺒﺎﻫﻢ ﺍﻟﻮﻧﺴﺔ ﺑﻌﺪ ﺳﻠﻤﻮﺍ ﻋﻠﻴﻬﻢ ﻣﻴﻨﺎﺱ ﻭﺃﻣﻬﺎ ﺭﺟﻌﻮﺍ ﺍﻟﺒﻴﺖ ﻣﻴﻨﺎﺱ ﻃﻮﺍﻟﻲ ﺩﺧﻠﺖ ﻏﺮﻓﺘﻬﺎ ﻭﻧﺎﻣﺖ ﺗﺼﺤﻲ ﺍﻟﺼﺒﺎﺡ ﻋﻠﻲ ﺻﻮﺕ ﺃﻣﻬﺎ ﺑﺘﺼﺤﻴﻬﺎﺍ ﻟﻠﺸﺎﻱ ﻗﺎﻣﺖ ﺷﺮﺑﺖ ﻭﻟﺒﺴﺖ ﻭﻃﻠﻌﺖ ﻋﻠﻲ ﺟﺎﻣﻌﺘﻬﺎﺍ ﺃﻭﻝ ﺯﻭﻝ ﻗﺎﺑﻠﺘﻮﺍ ﺻﺤﺒﺘﻬﺎ ﻟﻴﻨﺪﺍ . ﺳﻠﻤﺖ ﻋﻠﻴﻬﺎ ﺑﺎﻷﺣﻀﺎﻥ ﻭﺩﺧﻠﻮﺍ ﺍﻟﻤﺤﺎﺿﺮﺓ
...... ﻧﺘﻌﺮﻑ ﻋﻠﻲ ﻟﻴﻨﺪﺍ ﺩﻱ ﻋﺎﻣﻠﻪ ﻓﻴﻬﺎ ﺻﺤﺒﺔ ﻣﻴﻨﺎﺱ ﺯﻭﻟﺔ ﻡ ﻋﻨﺪﻫﺎ ﺷﻐﻠﺔ ﺏ ﺯﻭﻝ ﻳﻌﻨﻲ ﺍﻟﻔﻲ ﺭﺍﺳﻬﺎ ﺑﺘﻌﻤﻠﻮﺍ ﻭﻣﺎﺷﺔ ﻋﻠﻲ ﻛﻴﻔﻬﺎ ﻣﺎ ﻋﻨﺪﻫﺎ ﺯﻭﻝ ﻳﻘﻮﻝ ﻟﻴﻬﺎ ﺩﻩ ﺣﺮﺍﻡ ﻭﺩﻩ ﺣﻼﻝ ﺃﻫﻠﻬﺎ ﺑﺮﻩ ﻭﻫﻲ ﺳﺎﻛﻨﺔ ﻓﻲ ﺩﺍﺧﻠﻴﻪ
ﻭﻋﻨﺪﻫﺎ ﺷﻘﺔ ﻣﻠﻚ
