ﻣﻴﻨﺎﺱ ﻣﺴﺤﺖ ﺩﻣﻮﻋﻬﺎ ﻭﻣﺸﺖ ﻛﻤﻠﺖ ﻃﺮﻳﻘﻬﺎ ﻭﺻﻠﺖ ﺑﻴﺖ ﺩ . ﺃﻣﻨﻴﺔ ﻭﻗﺒﻞ ﺗﺪﺧﻞ ﻗﻌﺪﺕ ﻑ ﺍﻟﺤﺪﻳﻘﺔ ﺗﺒﻜﻲ ﺑﺤﺮﻗﺔ ﻭﻟﺴﻪ ﻣﺎ ﻣﺼﺪﻗﺔ ﻧﺒﻴﻞ ﻳﻌﻤﻞ ﻣﻌﺎﻩ ﻛﺪﺓ ﻭﻫﻲ ﺑﺘﺒﻜﻲ ﻣﺎ ﺣﺎﺳﻪ ﺏ ﺍﻟﺪﻧﻴﺎ .... ﺟﺎﺕ ﺩ . ﺃﻣﻨﻴﺔ ﺑﺎﻟﺼﺪﻓﺔ ﺷﺎﻓﺘﻬﺎ ﺑﺘﺒﻜﻲ ﺑﻄﺮﻳﻘﺔ ﻫﺴﺘﻴﺮﻳﺔ ﺟﺎﺕ ﻋﻠﻴﻬﺎ ﺳﺮﻳﻊ ﻭﻗﻌﺪﺕ ﻓﻲ ﺍﻟﻜﻨﺒﺔ ﺟﻤﺒﻬﺎ ﻗﺎﻟﺖ ﻟﻴﻬﺎ ﺑﺨﻠﻌﺔ
ﺩ . ﺃﻣﻨﻴﺔ : ﻣﻴﻨﺎﺱ ﻣﺎﻟﻴﻚ ﺍﻟﺤﺎﺻﻞ ﺷﻨﻮ ﻣﺎﻟﻴﻚ ﺑﺘﺒﻜﻲ
ﻭﻟﺴﻪ ﻣﻴﻨﺎﺱ ﺑﺘﺒﻜﻲ ﻭﺗﺎﻧﻲ ﺳﺄﻟﺘﻬﺎ
ﺩ . ﺃﻣﻨﻴﺔ : ﻣﻴﻨﺎﺱ ﺃﻧﺎ ﺑﺘﻜﻠﻢ ﻣﻌﺎﻙ ﻱ ﺑﺖ ﻣﺎﻟﻴﻚ ﺍﻟﺤﺎﺻﻞ ﺷﻨﻮ
ﻣﻴﻨﺎﺱ ﻋﺎﻳﻨﺖ ﻟﻴﻬﺎ ﺣﻀﻨﺘﻬﺎ ﻭﺑﻘﺖ ﺗﺒﻜﻲ ﺩ . ﺃﻣﻨﻴﺔ ﺣﻀﻨﺘﻬﺎ ﻋﻠﻴﻬﺎ ﻭﺑﻘﺖ ﺗﻄﺒﻄﺐ ﻋﻠﻴﻬﺎ ﻭﺑﺘﻘﻮﻝ ﻟﻴﻬﺎ ﺍﻟﺤﺎﺻﻞ ﺷﻨﻮ ﻱ ﻣﻴﻨﺎﺱ ﻓﻲ ﺯﻭﻝ ﺯﻋﻠﻚ ﻭﻻ ﺣﺎﺟﺔ
ﻣﻴﻨﺎﺱ : ﻭﺟﻌﻲ ﻛﺒﻴﺮ ﻱ ﺃﻣﻨﻴﺔ ﻛﺒﻴﺮ ﺷﺪﻳﺪ
ﺩ . ﺃﻣﻨﻴﺔ : ﻃﻴﺐ ﺃﺣﻜﻲ ﻟﻲ ﺍﻟﺤﺎﺻﻞ ﺷﻨﻮ ﺑﺎﻟﻀﺒﻂ ﺃﻧﺎ ﻣﺎ ﻓﺎﻫﻤﺔ ﺷﺊ
ﻣﻴﻨﺎﺱ : ﻃﻴﺐ ﺣﺄﺣﻜﻲ ﻟﻴﻚ ﺃﻧﺎ ﻛﻨﺖ ﻣﺨﻄﻮﺑﺔ ﻭﺑﺤﺐ ﺧﻄﻴﺒﻲ ﻓﻮﻕ ﻣﺎ ﺗﺘﺼﻮﺭﻱ ﻭﻫﻮ ﻛﻤﺎﻥ ﺑﺤﺒﻨﻲ ﺃﻭ ﺃﻧﺎ ﻛﻨﺖ ﻣﻔﺘﻜﺮﻩ ﺇﻧﻮ ﺑﺤﺒﻨﻲ ﻟﺤﺪﻱ ﻣﺎ ﻓﻲ ﻳﻮﻡ .. ﻭﺑﻘﺖ ﻣﻴﻨﺎﺱ ﺗﺤﻜﻲ ﻟﻴﻬﺎ ﻛﻞ ﺍﻟﺤﻜﺎﻳﺔ ﻣﻦ ﻃﻖ ﻃﻖ ﻟﺴﻼﻡ ﻋﻠﻴﻜﻢ
ﺩ . ﺃﻣﻨﻴﺔ : ﺳﺒﺤﺎﻥ ﺍﻟﻠﻪ ﻣﻌﻘﻮﻟﺔ ﻫﻮ ﻓﻲ ﻧﺎﺱ ﻛﺪﺓ ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺻﺤﺒﺘﻚ ﺩﻱ ﺳﺎﻛﻨﺔ ﻭﻳﻦ ﻫﻲ
ﻣﻴﻨﺎﺱ : ﺳﺎﻛﻨﺔ ﻑ ﺍﻟﺨﺮﻃﻮﻡ ﻑ .....
ﺩ . ﺃﻣﻨﻴﺔ : ﻃﻴﺐ ﺍﻟﺤﻜﺎﻳﺔ ﻭﺍﺿﺤﺔ ﻱ ﻣﻴﻨﺎﺱ ﻫﻲ ﺟﺎﺑﺘﻚ ﺑﻴﺘﻬﺎ ﻋﻠﺸﺎﻥ ﺗﻠﺒﺴﻚ ﺍﻟﺘﻬﻤﺔ ﻭﺑﺎﻟﺜﺎﺑﺘﺔ ﻛﻤﺎﻥ ﺑﺲ ﻧﻔﺴﻲ ﺃﻋﺮﻑ ﻫﻲ ﻟﻴﻪ ﻋﻤﻠﺖ ﻛﺪﺓ ﻳﻌﻨﻲ ﺍﻟﺪﺍﻓﻊ ﺷﻨﻮ ﻣﻦ ﻭﺭﺍ ﻋﻤﺎﻳﻠﻬﺎ . ﺩﻱ
ﻣﻴﻨﺎﺱ : ﺩﻩ ﺍﻟﺸﺊ ﺍﻟﻨﻔﺴﻲ ﺃﻋﺮﻓﻪ ﺑﺲ ﻋﺎﻳﺰﺓ ﺃﻋﺮﻑ ﻫﻲ ﻟﻴﻪ ﻋﻤﻠﺖ ﻓﻴﻨﻲ ﻛﺪﺓ ﺍﻟﺴﺒﺐ ﺷﻨﻮ ﻭﺃﻧﺎ ﻋﻤﻠﺖ ﻟﻴﻬﺎ . ﺷﻨﻮ ﻛﻨﺖ ﺑﻌﺎﻣﻠﻬﺎ ﺯﻱ ﺃﺧﺘﻲ ﻭﺍﻟﻠﻪ ﻭﻛﻨﺖ ﺑﺤﺒﻬﺎ ﺷﺪﻳﺪ
ﺩ . ﺃﻣﻨﻴﺔ : ﺃﻛﻴﺪ ﻋﻨﺪﻫﺎ ﺳﺒﺐ ﻭﻻﺯﻡ ﻧﻌﺮﻑ ﺍﻟﺴﺒﺐ ﺷﻨﻮ ﻭﻛﺎﻥ ﻋﻠﻲ ﺧﻄﻴﺒﻚ ﺩﻩ ﺳﻴﺒﻲ ﺃﺻﻠﻚ ﻣﺎ ﺗﺸﺘﻐﻠﻲ ﺑﻴﻬﻮ ﻛﺘﻴﺮ ﺍﻟﻤﻬﻢ ﺣﺎﻟﻴﺎَ ﻧﻌﺮﻑ ﻣﺤﻞ ﺻﺤﺒﺘﻚ ﻭﻳﻦ
ﻭﻗﺎﻋﺪﺓ ﻭﻳﻦ ﺑﺎﻟﻀﺒﻂ
ﻣﻴﻨﺎﺱ : ﺃﻧﺎ ﻛﻞ ﻣﺎ ﺃﺗﺼﻞ ﻋﻠﻴﻬﺎ ﺗﻠﻔﻮﻧﻬﺎ ﺑﻄﻠﻊ ﻟﻲ ﻣﻐﻠﻖ
ﺩ . ﺃﻣﻨﻴﺔ : ﺃﻛﻴﺪ ﺣﺘﻘﻔﻠﻪ ﻳﻌﻨﻲ ﺗﻔﺘﻜﺮﻱ ﺣﺘﺨﻠﻲ ﻟﻴﻚ ﻣﻔﺘﻮﺡ
ﻣﻴﻨﺎﺱ : ﻃﻴﺐ ﺍﻟﺤﻞ ﺷﻨﻮ
ﺩ . ﺃﻣﻨﻴﺔ : ﺍﻟﺤﻞ ﺍﻟﻮﺣﻴﺪ ﻧﻌﺮﻑ ﺑﻴﺘﻬﺎ ﻭﻳﻦ ﻭﻧﻤﺸﻲ ﻟﻴﻬﺎ ﻻﺯﻡ ﺗﻮﺍﺟﻬﻴﻬﺎ
ﻣﻴﻨﺎﺱ : ﺑﺲ ﺑﻌﺮﻑ ﺍﻟﺸﻘﺔ ﺍﻟﺤﺎﺑﺘﻨﻲ ﻓﻴﻬﺎ
ﺩ . ﺃﻣﻨﻴﺔ : ﻃﻴﺐ ﺑﻜﺮﺓ ﻣﻦ ﺍﻟﺼﺒﺎﺡ ﺣﻨﺴﻮﻕ ﻟﻴﺚ ﻣﻌﺎﻧﺎ ﻭﻧﻤﺸﻲ ﻟﻴﻬﺎ ﺃﺻﻼَ ﺑﻜﺮﺓ ﺍﻟﺠﻤﻌﺔ ﻋﻴﺎﺩﺓ ﻣﺎﻑ ﺭﺍﻳﻚ ﺷﻨﻮ؟
ﻣﻴﻨﺎﺱ : ﻃﻴﺐ ﺑﺲ ﻟﻮ ﺩ ﻟﻴﺚ ﺳﺄﻟﻨﺎ ﻣﺎﺷﻴﻦ ﻭﻳﻦ ﺣﻨﻘﻮﻝ ﺷﻨﻮ
ﺩ . ﺃﻣﻨﻴﺔ : ﻻﺯﻡ ﻟﻴﺚ ﻳﻌﺮﻑ ﺍﻟﻘﺼﺔ ﻛﻠﻬﺎ ﻋﻠﺸﺎﻥ ﻳﻘﺪﺭ ﻳﺴﺎﻋﺪﻧﺎ ﻧﺤﻦ ﺑﺮﺍﻧﺎ ﻣﺎ ﺣﺘﻘﺪﺭ ﻟﻴﻬﺎ ﺻﺤﺒﺘﻚ ﺩﻱ ﺷﻜﻠﻬﺎ ﺣﺘﻌﺒﻨﺎ ﻣﻌﺎﻩ
ﻣﻴﻨﺎﺱ : ﻃﻴﺐ ﺇﻧﺘﻲ ﺃﺣﻜﻲ ﻟﻴﻬﻮ ﻷﻧﻲ ﻣﺎ ﺑﻘﺪﺭ
ﺩ . ﺃﻣﻨﻴﺔ : ﺩﻱ ﺧﻠﻴﻬﺎ ﻋﻠﻲ ﻭﺃﺳﻲ ﺧﻠﻴﻨﺎ ﻧﺪﺧﻞ ﺟﻮﻩ ﻧﺄﻛﻞ ﺣﺎﺟﺔ ﻭﺇﻧﺘﻲ ﺯﺍﺗﻚ ﻣﺎ ﺃﻛﻠﺘﻲ ﺷﺊ ﻣﻦ ﻃﻠﻌﺘﻲ ﻳﻼ ﺧﻠﻴﻨﺎ ﻧﺪﺧﻞ
ﻣﻴﻨﺎﺱ : ﻳﻼ
ﻃﻠﻌﻮﺍ ﺍﻟﻐﺮﻓﺔ ﻓﻮﻕ ﺇﺗﻐﺪﻭﺍ ﺑﻌﺪ ﺍﻟﻐﺪﺍﺀ ﺩ . ﺃﻣﻨﻴﺔ ﺟﺎﺑﺖ ﻛﺒﺎﻳﺘﻴﻦ ﻧﺴﻜﺎﻓﻴﻪ ﻣﺪﺕ ﻭﺍﺣﺪ ﻟﻤﻴﻨﺎﺱ ﻭﻫﻲ ﺷﺎﻟﺖ ﻭﺍﺣﺪ ... ﺑﻌﺪ ﺷﻮﻳﺔ ﻓﺼﻠﺖ ﺗﻠﻔﻮﻧﻬﺎ ﻣﻦ ﺍﻟﺸﺤﻦ ﻭﺇﺗﺼﻠﺖ ﻋﻠﻲ ﺧﻄﻴﺒﻬﺎ ﺩ . ﻟﻴﺚ
ﺩ . ﻟﻴﺚ : ﻣﻨﻮﻳﺘﻲ
ﺩ . ﺃﻣﻨﻴﺔ : ﻛﻴﻒ ﺃﻣﺴﻴﺖ
ﺩ . ﻟﻴﺚ : ﺑﺨﻴﺮ ﺍﻟﺤﻤﺪﻟﻠﻪ
ﺩ . ﺃﻣﻨﻴﺔ : ﻋﺎﻳﺰﺓ ﺃﺣﻜﻲ ﻣﻌﺎﻡ ﻑ ﻣﻮﺿﻮﻉ ﺿﺮﻭﺭﻱ ﻭﺍﻟﻠﻪ
ﺩ . ﻟﻴﺚ : ﻭﺃﻧﺎ ﺳﺎﻣﻊ ﺇﺗﻔﻀﻠﻲ ﺃﺣﻜﻲ
ﺩ . ﺃﻣﻨﻴﺔ : ﺍﻟﻤﻮﺿﻮﻉ ﺑﺨﺼﻮﺹ ﻣﻴﻨﺎﺱ
ﺩ . ﻟﻴﺚ : ﺍﻫﺎﺍﺍ
ﺩ . ﺃﻣﻨﻴﺔ : ﻳﻼ ﺣﺄﺣﻜﻲ ﻟﻴﻚ
ﻭﺑﺪﺕ ﺩ . ﺃﻣﻨﻴﺔ ﺗﺤﻜﻲ ﺍﻟﻘﺼﺔ ﻟﻠﻴﺚ ﻭﻫﻮ ﺑﺴﻤﻊ ﻭﻣﺴﺘﻐﺮﺏ ﻭﻣﺘﻌﺠﺐ ﻓﻲ ﻧﻔﺲ ﺍﻟﻠﺤﻈﺔ ﺑﻌﺪ ﺃﻣﻨﻴﺔ ﺧﻠﺼﺖ ﻛﻼﻣﻬﺎ ﻗﺎﻃﻌﻬﺎ ﺩ . ﻟﻴﺚ
ﺩ . ﻟﻴﺚ : ﻃﻴﺐ ﻫﻲ ﺑﺘﻌﺮﻑ ﺍﻟﺰﻭﻝ ﺍﻟﻜﺎﻥ ﻣﻌﺎﻩ ﻑ ﺍﻟﺸﻘﺔ
ﺩ . ﺃﻣﻨﻴﺔ : ﻗﺎﻟﺖ ﺃﻭﻝ ﻣﺮﺓ ﺗﺸﻮﻑ ﺷﻜﻠﻮﺍ
ﺩ . ﻟﻴﺚ : ﺳﺒﺤﺎﻥ ﺍﻟﻠﻪ ﻟﻠﺪﺭﺟﺔ ﺭﺣﻤﺔ ﺑﻘﺖ ﻣﺎﻑ ﺑﻨﺖ ﺗﺪﻣﺮ ﺣﻴﺎﺓ ﺑﻨﺖ ﺯﻳﻬﺎ ﺑﺲ ﺍﻟﺪﺍﻓﻊ ﺷﻨﻮ
ﺩ . ﺃﻣﻨﻴﺔ : ﺃﻧﺎ ﻓﻜﺮﺕ ﻑ ﺣﺎﺟﺔ ﺑﺲ ﻡ ﻣﺘﺄﻛﺪﺓ ﻟﻮ ﺻﺢ ﻭﻻ ﻏﻠﻂ ... ﻓﻜﺮﺕ ﺇﻧﻮ ﺍﻟﺬﺍﻓﻊ ﺍﻟﺨﻠﻲ ﻟﻴﻨﺪﺍ ﺗﻌﻤﻞ ﻛﺪﺓ ﻫﻮ ﺧﻄﻴﺐ ﻣﻴﻨﺎﺱ ﺷﻜﻠﻬﺎ ﻛﺎﻧﺖ ﺑﺘﺤﺒﻪ ﺗﻘﺮﻳﺒﺎ ﻷﻧﻮ ﻣﺎﻑ ﺳﺒﺐ ﻏﻴﺮ ﻛﺪﺓ
ﺩ . ﻟﻴﺚ : ﺇﺣﺘﻤﺎﻝ ﻛﺒﻴﺮ ﻳﻜﻮﻥ ﺗﻔﻜﻴﺮﻙ ﺻﺢ ﻷﻧﻮ ﺩﻱ ﻣﺸﻜﻠﺔ ﺍﻟﺒﻨﺎﺕ ﺍﻟﻮﺍﺣﺪﺓ ﺗﺤﺐ ﺧﻄﻴﺐ ﺻﺤﺒﺘﻬﺎ ﺃﻭ ﺭﺍﺟﻞ ﺻﺤﺒﺘﻬﺎ ﻭﺑﺘﺤﺎﻭﻝ ﺗﻌﻤﻞ ﺃﻱ ﺣﺎﺟﺔ ﻋﻠﺸﺎﻥ ﺗﻔﺮﻗﻬﻢ
ﺩ . ﺃﻣﻨﻴﺔ : ﺑﺎﻟﻀﺒﻂ ﻭﻧﺤﻦ ﺑﻜﺮﺓ ﺣﻨﻤﺸﻲ ﺑﻴﺖ ﻟﻴﻨﺪﺍ ﺍﻟﺠﺎﺑﺖ ﻓﻴﻬﻮ ﻣﻴﻨﺎﺱ ﻋﺎﻳﺰﻳﻦ ﻧﻌﺮﻑ ﻣﻜﺎﻧﻬﺎ ﻭﻳﻦ ﻭﻋﺎﻳﺸﺔ ﻭﻳﻦ
ﺩ . ﻟﻴﺚ : ﻳﻌﻨﻲ ﻣﻦ ﺍﻟﻤﺴﺘﺤﻴﻞ ﺗﻜﻮﻥ ﻗﺎﻋﺪﺓ ﻓﻲ ﻧﻔﺲ ﺍﻟﺒﻴﺖ ﺃﻛﻴﺪ ﺑﺘﻜﻮﻥ ﺭﺣﻠﺖ ﻣﻨﻮ
ﺩ . ﺃﻣﻨﻴﺔ : ﺑﻜﺮﺓ ﺣﻨﻌﺮﻑ ﻛﻞ ﺣﺎﺟﺔ ﺑﺲ ﺇﻧﺖ ﺗﻌﺎﻝ ﻟﻴﻨﺎ ﺑﺪﺭﻱ
ﺩ . ﻟﻴﺚ : ﺇﻥ ﺷﺎﺀﺍﻟﻠﻪ ﻳﻼ ﺗﺼﺒﺤﻲ ﻋﻠﻲ ﺧﻴﺮﺭ
ﺩ . ﺃﻣﻨﻴﺔ : ﻭﺇﻧﺖ ﺑﺨﻴﺮ
ﺑﻌﺪ ﺃﻣﻨﻴﺔ ﻗﻔﻠﺖ ﻣﻴﻨﺎﺱ ﺳﺄﻟﺘﻬﺎ .... ﻭﺃﻣﻨﻴﺔ ﻗﺎﻟﺖ ﻟﻴﻬﺎ ﻭﺍﻓﻖ ﻳﺴﺎﻋﺪﻧﺎ ﻭﺑﻜﺮﺓ ﺣﻴﺠﻲ ﻣﻦ ﺑﻜﺮﺓ ﻭﻳﻤﺸﻲ ﻣﻌﺎﻧﺎ .... ﻣﻴﻨﺎﺱ ﻗﺎﻟﺖ ﻟﻴﻬﺎ ﺗﻤﺎﻡ .... ﻭﺭﻗﺪﺕ ﻧﺎﻣﺖ ﻭﻫﻲ ﻣﻄﻤﺄﻧﻪ ﺷﻮﻳﺔ
( ﻭﻓﻲ ﺍﻟﻨﺎﺣﻴﺔ ﺍﻟﺘﺎﻧﻴﺔ )
ﻧﺒﻴﻞ ﺑﻌﺪ ﻃﺮﺩ ﻣﻴﻨﺎﺱ ﻫﻮ ﻛﻤﺎﻥ ﻃﻠﻊ ﺑﺎﻟﻌﺮﺑﻴﺔ ﻣﺸﻲ ﻗﻌﺪ ﻓﻲ ﻣﻘﻬﻲ ﻭﺗﻔﻜﻴﺮﻩ ﻛﺎﻥ ﻣﺸﻮﺵ ﺷﺪﻳﺪ ﺃﻣﻪ ﺑﺘﺘﺼﻞ ﻋﻠﻴﻬﻮ ﺑﺲ ﻫﻮ ﻡ ﺑﺮﺩ ﻋﻠﻴﻬﺎ ﻭﻟﻴﻨﺪﺍ ﻛﻤﺎﻥ ﺇﺗﺼﻠﺖ ﻋﻠﻴﻬﻮ ﻓﻲ ﺍﻟﺒﺪﺍﻳﺔ ﺭﻓﺾ ﻣﻜﺎﻟﻤﺘﻬﺎ ﺑﺲ ﻟﻤﺎ ﺑﻘﺖ ﺗﺮﻥ ﻛﺘﻴﺮ ﺇﺿﻄﺮ ﻳﺮﺩ ﻋﻠﻴﻬﺎ ﺭﺩ ﻋﻠﻴﻬﺎ ﻭﻗﺎﻟﺖ ﻟﻴﻬﻮ ﺻﻮﺗﻚ ﻣﺎﻟﻮﺍ ﻣﺘﻐﻴﺮ ﻗﺎﻝ ﻟﻴﻬﺎ ﻣﺠﺮﺩ ﺗﻌﺐ ﻣﺎﻑ ﺣﺎﺟﺔ ... ﻗﺎﻟﺖ ﻟﻴﻬﻮ ﺷﻜﻠﻚ ﻣﺎ ﻓﻲ ﺍﻟﺒﻴﺖ ..... ﻧﺒﻴﻞ ﻗﺎﻝ ﻟﻴﻬﺎ ﻗﺎﻋﺪ ﻓﻲ ﻣﻘﻬﻲ ..... ﻃﻮﺍﻟﻲ ﻗﺎﻟﺖ ﻟﻴﻬﻮ ﻳﺎﺗﻮ ﻣﻘﻬﻲ ﺃﻧﺎ ﺟﺎﻳﺔ ﻋﻠﻴﻚ ﻷﻧﻲ ﺑﺮﺍ ﺍﻟﺒﻴﺖ ﻭﻫﻮ ﺑﺪﻭﻥ ﺗﺮﺩﺩ ﻣﻼﻫﺎ ﺍﻟﻌﻨﻮﺍﻥ ... ﻭﺧﻼﻝ ﻧﺺ ﺳﺎﻋﺔ ﻛﺎﻧﺖ ﻗﺎﻋﺪﺓ ﺟﻤﺒﻪ
ﻟﻴﻨﺪﺍ : ﻧﺒﻴﻞ ﺇﻧﺖ ﺷﻜﻠﻚ ﻣﺎ ﻃﺒﻴﻌﻲ ﺍﻟﺤﺎﺻﻞ ﺷﻨﻮ
ﻧﺒﻴﻞ : ﻣﻴﻨﺎﺱ ﺟﺎﺕ ﺍﻟﺒﻴﺖ ﻗﺒﻴﻞ
ﻟﻴﻨﺪﺍ : ( ﺑﺨﻠﻌﺔ ) ﺷﻨﻮﻭﻭ
ﻧﺒﻴﻞ
: ﻣﺎﻟﻴﻚ ﺇﺗﻬﺠﻤﺘﻲ ﻛﺪﺓ ﻗﻠﺖ ﻟﻴﻚ ﻣﻴﻨﺎﺱ ﺟﺎﺕ ﺍﻟﺒﻴﺖ ﻗﺒﻴﻞ ﻭﺣﻜﺖ ﻣﻊ ﺃﻣﻲ ﻡ ﻋﺎﺭﻑ ﻗﺎﻟﺖ ﻟﻴﻬﺎ ﺷﻨﻮ ﺑﺲ ﺃﻣﻲ ﺭﺍﻓﻀﺔ ﺗﺤﻜﻲ ﻣﻌﺎﻱ ﺑﺴﺒﺒﻬﺎ
ﻟﻴﻨﺪﺍ : ﻭﺇﻧﺖ ﻋﻤﻠﺖ ﻟﻴﻬﺎ ﺷﻨﻮ
ﻧﺒﻴﻞ : ﺑﻘﺖ ﺗﻘﻮﻝ ﻟﻲ ﻣﻈﻠﻮﻣﺔ ﻭﺇﻧﻮ ﻫﻲ ﺑﺮﻳﺌﺔ ﺑﺲ ﺃﻧﺎ ﻡ ﺻﺪﻗﺘﻬﺎ ﻭﻗﻤﺖ ﻃﺮﺩﺗﻬﺎ
ﻟﻴﻨﺪﺍ : ﻳﻌﻨﻲ ﺇﻧﺖ ﻃﺮﺩﺗﻬﺎ ﻣﻦ ﺍﻟﺒﻴﺖ
ﻧﺒﻴﻞ : ﺃﻳﻮﻩ ﺑﻌﺪ ﺍﻟﻌﻤﻠﺘﻮﺍ ﻣﻌﺎﻱ ﺑﻘﻴﺖ ﻣﺎ ﻃﺎﻳﻘﻬﺎ ﻭﻛﻞ ﻣﺎ ﺃﺷﻮﻓﻬﺎ ﺃﻭ ﺃﺳﻤﻊ ﺑﺈﺳﻤﻬﺎ ﺑﺘﺬﻛﺮ ﺍﻟﻌﻤﻠﺘﻮﺍ ﻣﻌﺎﻱ
