الكاتبة. Zainab Farqad
بارت 4
غيث : طلع علاء شوية حالتة احسن كال بديت اتجاوب ويا الدكتور شوية
الحمدلله ، طلعنة واباوع ع علاء ملامحة باهتة
شكلة متغير كوولش ضعفان عيونة جواهن لون ازرك من السهر والتعب
ذبلان شكلة اصفر ، يااربي ساعدني اطلعة من حالتة
كاعدين كلنة مجتمعين عمامي اجوي ، وعماتي اجتمعنة احنة الولد بالاستقبال
والنسوان بالصالة ، فاتحين التلفزيون ونتابع اخبار
فجئة طلعوا الموصل والدمار الي صاير بيها ، احنة هنا كلنا جمدنة هاي محافضتنة ومناطقنا الغالية معقولة هيج يصير بيها
طلعوا الضحايا الي راحت بيها والبيوت متهدمة فدواتك ربي ليش هيج ديصير بينا
اخذتني الذكرياات لمنطقتنة من جنت صغير العب ويا ولد المنطقة والبنات جانت منطقتنا كوولش حلوة
هسة صايرة عبارة عن هيااكل ومنطقة مقطوعة
عيوني دمعت ع حال الموصل ، حالة الموصل يرثى لها ليش هيج ربي
مر اسبوع صار موعد جلسة علاء الثالثة دخلنة للمستشفى هن دخل للدكتور. كال الجلسة هل مرة تطول 3 ساعات لاءن بدا يستجوب وياي
اول جلستين ساعتين لاءن بعدة جديد حتى ما يحس بالملل ، ضليت انتضر براا اجتي الدكتورة سلمت وكالت اذا ما عندك شي مستعدة استمع لموضوع اخوك
غيث : لا ما عندي شي
الدكتورة : تعال تفضل للغرفة مالتي
غيث : دخلت كعدت
الدكتورة : اني امل
غيث : تشرفت بيج واني غيث
الدكتورة : الي الشرف ،
غيث : جابوا النا جاي جانت موصية وبديت احجيلهة شوي شوي
عن حالة اخوي من فقد مرتة شلون تأزمت حالتة ومن استعاد صحتة توفو امي وابوية وابنة
طبعا احجي بس بالتفاصيل وكوة لازم روحي الدمعة بطارف عيني من اتذكر طاري اهلي مدري شيصير بية
وهي دموعها تجري احجي وهي تمسح بدموعهة ما توقعتهة هيج
امل : اعذرني دموعي نزلت غصب
غيث : اعتقدت انتي قوية لاءن دكتورة وتمرين بهيج حالات
امل : صحيح اجتني حالات بس بعدني بالبداية يعني تعيين جديد ومااسيطر ع هيج امور دموعي تخوني
غيث : اي وهاي القصة وما بيها وهسة هو ديتعالج عند دكتور محسن يعني هو يرجع للبيت كالعادة بالغرفة يقضي وقتة ميطلع
يعني خلال هاي الجلستين ما شفت اكو تحسن
الدكتورة : لازم تصبر بعدك باول الطريق واني اكولك ياها من هسة يحتاج هواي جلسات اذا بوضعة هذا
غيث : اي كالي الدكتور يحتاج جلسات هواي يلا يرجع لوضعة
الدكتورة ضلت تنصحني شاسوي ويا مثلا اطلعة الاماكن يرتاح بيها احاول انسي ومااحد يذكرة
رجعنة للبيت وبديت اطبق النصائح كمت اكعد يمة بالغرفة واحجي ويا احاول اغير مزاجة اي شي احجيلة بس حتى ينسة همومة
هو مرات يجاوبني ومرات لا ، كل هذا واحسة بعدة بعالمة الخاص عالم ما بي غير بس هو وابنة وزوجتة
مرت 6 جلسات نوعا ما اكو تحسن بوضعة كمت اطلعة بس بالشافعات يلا يقبل وميقبل نطلع بالنهار
مرات بالليل اطلعة باماكن هدوء صار يحب العزلة جنت خايف عليه وانفذلة طلباتة شيطلب مني
خلال هاي الفترة تعرفت ع الدكتورة امل اكثر واكثر حتى تبادلنة الارقام وصار بيناتنة تواصل وتعرفت عليها
اعترفتلها باعجابي بيها وبانسانيتها واخلاقها وهي راودتني نفس الشعور جنت طاير من الفرح
احسهة صدك امل الي ساندتني ، اني الي جنت مااشكي همومي الاي احد كمت اشكيلهة فعلا علاج الي هي كامت تواسيني وتنصحني شسوي،
وميمر يوم اذا مااطمئن عليها او تطمئن علية ، وهواي نصحتني بحالة اخوية بحيث مااعرف شلون ارد فضلهة علية
اني الي جنت اكول ما عندي هموم ، واني اصلا عندي حايط بكلبي من الهموم كمت اكسر بي شوية شوية كل مااحجيلهة شي
من همومي ينكسر منة شوية لحد ما تخلصت من همومي وتهدم الحايط كله ، زاد اعجابي بيها وجنت ناوي اتقدملها للزواج
بس جنت كاعد اتفرج تلفزيون ودرتة ع اخبار وللصدفة طلعت منطقتنا الي بالموصل ممخلين بيها شي متهدمة كلها صايرة عبارة عن ترااب
وهياكل متهدمة تخووف مو عبالك ذيج المنطقة الي تخبل ، الموصل بحد ذاتهة تخبل كلها وكل مناطقها
من شفت المنضر تخبلت يعني ما باقي اي شي من المنطقة
دمعت عيوني ، وقطعت عهد ع نفسي اني اروح التحق بالجيش اريد ادافع عن ارضي كافي عااد
ليش اني كاعد وساكت
ليش هاي مو ارضي عايفهة وكاعد هنا والي من غير محافضات التحقوا وراحو واني باقي شأنتظر
قطعت عهد ع نفسي ، ثاني يوم كلت العمامي راح التحق بالحشد بالبداية رفضوا وعاندت الا اروح ماكو شي يمنعني
واذا ع موت كلنة نموت ومحد يموت قبل يومة ، ثاني يوم اتصلت ع امل وكلتلهة راح التحق تخبلت وكامت تبجي واني اهدي بيها
امل : واني ما فكرت بية
غيث : امل لا تسوين هيج اني رايح ادافع عن ارضي اريدج تدعيلي
امل : غيث والله احبك شلون يهون عليك تعوفني
غيث : صدكيني مجبور شلون اعوف ارضي تتهدم واني كاعد مكتف ادية ، والناس من غير محافضات جاي تلتحق وتدافع عن الموصل واني ابن الموصل ماادافع عنها
امل : اي افتهمتك بس والله خايفة عليك
غيث : ادعيلي
امل : ادعيلك وبكل مكان ربي يحفضك الي اني من دونك اضيع والله احبك غيث
غيث : واني هم احبج صدكيني والله يعدي هل محنة ع خير واجي اخطبج ويجمعنة سوا بالحلال
امل : امين يارب
غيث : ودعتهة ومن ثاني يوم رحت التحقت
يتبع
---
