الكاتبة. Zainab Farqad
بارت 6
يا علي على الكاع ليضل بالك
ما تهاب الموت هاي ارجالك
بالحرب لو بس شفتهم
غيرة العباس عدهم
زينب يسموها اختهم
يا علي بولدك الف هنيالك
يا علي على الكاع ليضل بالك
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
غيث : ضلينة نحرس المكان وكل واحد بالة بمكان وفكرة مشوش تعبنا من هل حياة
ليش العراق هيج يصير بي ليش ياربي
شوكت نخلص من هذا الجحيم الي احنة بي ،
(عودة للماضي )
ورا فترة رجعت الاهلي ، صارت اجازتي ، بس لكيت علاء منتضم ع مواعيد ويروح دائما
صحتة متحسنة شوي يعني صاير ، يكعد وياهم ويحجي
لاءن اخر مرة قبل لا اروح التحق حجيت ويا كتلة اذا ما صرت زين اني هم تخسرني وبعد مااجي ولا اوصل البيت لحد مااموت
ضليت احجي تقريبا ساعة بس هو ما حجة شي
بس اخذ بكلامي الحمدلله
خابرت ع امل ورحتلهة للعيادة ، طرت من الفرح من شفتها وهي هم ، والله الا شوية ردت احضنها من الشوك
ميت عليها ضلينا نسولف وطلعت ، رجعت للبيت حاجيت علاء وطلعتة من الجو الي هو بي
طلعنة نفتر ونتذكر ايامنة الحلوة بالموصل
غيث : انت جنت شكد ملطلط ، اي وحدة ترقمها
علاء : ديلا خلينا الثكل الك ، مو انت هم نفس الشي
غيث : انت معلم واحنة منك نتعلم
( عودة للواقع )
من تلتحق بالحشد كولشي تشوف وتعرف الحياة المأساوية. مرات نموت من الجوع لما توصلنة المساعدات والسبب الطريق الخطر
جنة كاعدين وحسينة ع شي يمشي سريع كرار ضربة بالسلاح طلع عقرب
ورا شوي هم لكينة واحد ، شنو السالفة كل شوي واحد ، باوعت ع رائد جان مبتسم
غيث : ها رائد اشوفك مبتسم ،
رائد : باجر اجازتي انزل للبيت
غيث : هاا ع خير ، منو ينتضرك هناك
محمد : اي اليوم دورك انت تحجيلنة قصتك
رائد : قبل مااحجي اي شي ، جيبولي بطانية ميت برد
كرار : لو بس ادري شوكت تدفة كاضي نهارك بردان
غيث : محمد جاب بطانيات كم وحدة وكعدنة كلنة ندفة
كرار : يلا المايكروفون الك تفضل احجي 🎤🎤🎤
رائد : اني من محافضة البصرة الوحيد الامي وابوية ما عدهم غيري ، جانوا كولشي موفريلي ، كبرت ودخلت لكلية وتعرفت ع بنية تخبل
جمال واخلاق كاملة والكامل الله ، المهم قررت اخطبها ، بس فكرت اذا اخطبهة راح يسئلوني شنو اشتغل واني بعدني طالب
كمت اشتغل بمطعم ، المهم رحت خطبتهة طبعا بعد مااخذت الموافقة منها ، بس الصدمة اهلها رفضوا جانو حالتهم المادية زينة
طلعولي حجة بعدها تدرس ، وانت تدرس متكدرون ، اني لو مااحبها واريدها مااستعجلت بالزواج ، المهم بقيت اصريت عليها
لو هي لو مااريد اتزوج صرنة مرحلة رابعة واني اعد الايام وارجع اخطبها ، ابوية عندة بستان يشتغل بي واني هم ويا اساعدة
يعني حالتنة المادية زينة ، تخرجنة ورحت خطبتهة ، ورفضوا كالو نريد لبنتنة واحد متعين ، وانت ما متعين ، ما تكدر تشيل المسؤلية
تخبلت الا اخذها ، ما بقة شيخ عشيرة مااخذتة ، امكن 5 مرات او اكثر يلا وافقو ينطوني الحمدلله ، تزوجتها بعد فترة ابوية توفى
وصار عندي مرتضى ورحمة ، مرتضى حاليا عمرة 6 سنوات ورحمة 3 سنوات ، اما سبب جيتي لهنا غيرتي ما تسمحلي اشوف الموصل تنهدم
لاءن هي اكيد من ارض العراق وعندي اقارب بيها ، قررت التحق وادافع عنها تركت عائلتي واجيت ، رغم تأزمت حالتنا المادية بس الحمدلله عايشين
قبل ميتوفى ابوية ، بفترة حركو البستان مالتنة جماعة ، ما بقة منة شي وخسرنا الخير مالتنة ، واني كلتلكم جنت اشتغل بمطعم ، تركتة واشتغلت عمالة وبالسيراميك
بعدها بفترة فقرات ضهري صار بيها انزلاق وتركت العمالة ، وصار حال الموصل التحقت هنا ، واني بالي يم اهلي واطفالي
والحمدلله ، وباجر ان شاء الله اشوفهم
كرار : الله حلوة قصتك اهم شي اخذت الي تحبها
رائد : اي الحمدلله
غيث : من التحقت اهلها هم عارضوا
رائد : يووو صارت مشاكل هواي ، بس زوجتي وكفت ضدهم وساندتني ، وابد ما انسالها هاي الوكفة
يتبع
---
