الكاتبة. Zainab Farqad
بارت 10
الحياة كصالة المطارات
كلنا مجتمعون في مكان واحد
لكن في النهاية لكل منا رحلته
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
ولهنا انتهت قصة كرار وراح ،
عشنا بيأس بغد فقدانة من نقاتل نحس شي ناقصنة ، تعبنا من هذا الحال
ممكن ننسا باغلب الاوقات بس ميمر يوم اذا ما نتذكرة ، من صدك هذا اخونة
بعد فترة ، محمد صارت اجازتة وراح لبيتهم ، خلصت اجازتة وما رجع ضل بالنة يمة
اكثر من مرة نحاول نتواصل ويا ، لحد ما حصلنا خابرنا
كال امي توفت ، هنا كلنا انصدمنا. كال
من رجعت من للبيت ، حالتها متأزمة اخذتها وركضت بيها للمستشفى
ضلت بالمستشفى تقريبا 3 ساعات ، وتوفت
توفت والمرض اكل جسمها ، خسرت امي اني ، خسرت دنيتي كلها
كال اني تركت الحشد ، اختة وحدها ميصير تبقى وحدها ما يكدر يعوفها لاءن اخوه
من هذولة المنحرفين وميأمن. ع اختة وحدها ويا ، خوفا يتركها وحدها بالبيت ويتعرضولها ،
قبل يأمن امة وياها وعادي بس هسة امة توفت ميكدر يعوفها ، رحنة علية باجازتنة ، وعزينا
جانت اخر مرة نشوفة بيها حسينة ، طلعت ورجعت للبيت ، حسيت اصدقائي
واخوني يومية اخسر واحد بيهم ، علاء وافق يتزوج وبعد معاناة طويلة
خطبنالة وحدة يعني من اقاربنة من بعيد ، المهم زوجتة وخلصت منة
رجع الوضعة الطبيعي وما بي شي
واني مستمر بالموصل ، من جنت
باجازتي خابروني
كالو رائد ماات
هاهية حسيت هنا كل اخواني فقدتهم ، كلهم غاليين علية مااتصور بيوم راح افارقهم ، كالو احنة راح
نجيبة لمحافضتة رحت سبقتهم ، وجابوا بالتابوت ، امة خطية مرة جبيرة تخبلت من شافت التابوت وزوجتة نفس الشي
والي كسر ضهري اكثر اطفالة البنية والولد وصاير عندة ولد عمرة سنة ، كلهم يبجون ويا امهم
البنية والولد شوية كبار وعرفوا بالموضوع بس الي قهرني
ابنة الي صغير شبع بجي ويا ويا امة وما يعرف شي ، او ما يعرف شفقد بهاي الدنيا
فقد اعز ناس اله ، معقووولة هيج يصير ، بعدة ما وعة ع دنيا وابو تركة ما يعرف فقد اعز ناسة
ع اقل اني من توفوا اهلي جنت واكف ع حيلي وجبير وفاهم وواعي ، وحتى من توفو حسيت بالانكسار
شلون ذولة اطفال شلون راح يعيشون بدون ابووهم
