الكاتبة. Zainab Farqad
بارت 14 الاخيررر
لا تقنط حتى وان تخلى عنك الجميع ،وان امسيت وحيدا فهناك من هو معك دائما، ما
رأيك بأن تجعل الله هو الصديق والحبيب ، الكل عند الموقف لربما يتركك الا هو فهو
اقرب اليك من حبل الوريد ، اللهي ماذا وجد من فقدك ، وماذا فقد من وجدك.
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
بهاي الفترة صاار الخبر وعم الجميع ان المووصل تحررت
شكد تمنيت اكون وياهم بس ما كدرت ، اني قبلها بكم شهر قبلوني بدائرة حكومية
داومت بعقد مو ع ملاك ، خابرت محمد جنت مشتاقلة ، وحددت يوم ورحت عليه
اشوف اخبارة ، جان يشتغل بمحل حدادة وويا اخو ، بعد سلامنة الطويل
سئلتة عن اخبارة وع اخوه
غيث : هذا المنحرف الي حجيتلنة علية
محمد : اي هذا
غيث : لعد شسواا هيح ، باوعت عليه جان هلكان بالشغل
محمد : بعد وفاة امي الله يرحمها هو حس بالذنب ، عبالة امي ماتت من القهر من وراه
جانت تدعي الله يخلصها تموت وما تشوفة هيج يسوي ، بعدها ورا فترة رجع لطبيعتة
اشتغلنة سواا وفتحنة هذا المحل صغير عايشين من عندة
وانت اخبارك ، احجيلي شلون تصاوبت
غيث : بديت احجيلة ع كولشي وحتى من رحت ع بيت رائد
محمد : تدري والله قبل فترة فكرت اريد اروح ع اهل كرار تدري كال امي ما عدها احد غيري هي واخواتي شنو رأيك نروح نطمئن عليها
غيث : اي عادي نروح عليهم ، حددنة يوم ورحنة عليهة هم نسينة بيتهم اي واحد بيهم سألنة ودلونة ع بيتهن
كعدنة وية امة وسولفنة كل شوية تتذكر كرار وتبجي ، حالتهم جانت زينة ، وعمامهم موجودين بصف بيتهم اطمئنينة عليهم
ضلينة كل فترة نروح ع احد اصدقائنة ونشوفهم ، جانو قطعة من روحنة ذولة
محمد قبل فترة صار عرسة ، علاء بعد ما تزوج صار عندة ولد 2.والولد الي تصاوبوا واخذناهم للمستشفى تعافوا ورجعوا
اني جنت اتابع اخبار امل ، عرفت هي متزوجة واحد صيدلاني ، ع كد مستواهة ، اكيد ابوهة رئسا وافق من عرف صيدلاني
واني ما تزوجت ، بعدة حب امل بكلبي ومااكدر اتزوج واضلم بنت الناس وياي
مااكدر اتزوج وحدة مااحبها واوهمها بالحب ، واني تطوعت بهل فترة بفريق نبني بيوت الموصل الي تهدمت بعد ما عرفت اوضاع الموصل تحسنت شوية والحمدلله ع كل حال
اني راح ابقى واوفي بوعدي ما راح اتزوج غيرها نهائيا ، حبها محفور بملبي
ورهنت حياتي لوجه الله راح اساعد الايتام والفقرة
راح ابني بيوت الموصل من جديد ، هذي حيااتي راح تكوون.
جنت ضايج ومخنوك رحت زيارة للامام الحسين (عليه السلام ) نخيتة يطلعني من هذا الحزن الي اني
بي ، جنت ضايج ومهموم من الدنيا محد بقالي كلها عافتني وراحت صفيت وحدي ، من يوم الي تزوجت
امل واني مخنوك ، بس من دخلت الحضرة ونخيتة رتاحيت ونزلت دموعي لا اراديا ، صليت وقريت
قرأن وطلعر بررا كاعد اسبح بالسبحة ، سمعت صوت ، بنت تكول غيث غيث غيث
بس هذا الصوت مو غريب علية احسة رفعت راسي شفتها امل واكفة كدامي تقريبا بيناتنة كم متر
بالبداية شكيت مو هي ، بس تأكدت من شفت البراءة الي بوجهها ، جانت دتصيح ع طفل
صغير بعدة هستوة يخطي ، يعني بدة يمشي ورايح شوي بعيد عنها وهي تصيح عليه
وهو يضحك ، معقولة ياامل سميتي ابنج ع اسمي اخذتة شالتة وصارت عينها بعيني
باوعتلي وكلشي فز بداخلي ، تمنيت هذا ابنها هو نفسة ابني ، بس حسيت وجهها تعبان
مو ذيج امل ، الي تنطي امل لكل واحد فاقد امل ، صايرة وردة ذبلانة ضلت تباوعلى
وكأن جاي تحاجيني واحاجيها بنضراتنة
اهذا انتي يا امل
كنت انا يوما ما 😔
الان كلي انت 😍
لا امل في الوجود 😢
ذلك العشق مازال قائماً
لقد حافظت عليه داخل قلبي ❤
اعشقك للحد الذي لا حد له ياغائبي وحاضري 😍😍😍
شكد مشتاقلهة ، اعرف هذا الشي خطأ من جاي اباوعلها بحب وهي متزوجة. بس مااكدر مشاعري تحكمني ،
وهذا جان اخر لقاء بيناتنة
حسيت لهنا وكافي نضرات ، هي مو الي يكفي حافضت اني ع حبي الها ووفيت بوعدي تجاهها والله يوفقها
ويااارب تتهنى دعوة صادقة من قلبي ، واني ما راح اتزوج غيرها نهائيا ارجع للموصل ، وانقل وضيفتي ه
هناك واخلص ، ادعي الله انساها
، رجع ابنها كام من عدها وراح شوية بعيد
انتبهت عليه وصااحت غييث ، وكأن جاي تكلي ما نسيتك وسميت ابني ع اسمك .....
(لما يحصل ع نصيب يسمي ابنة ع حبيب )
ولهنا انتهت القصة ، صحيح القصة بيها هواي الام ووجع ، لكن اكيد بيها هوااي عبرة ودروس تكدرون
بطريقتكم تستخلصونها
اتمنى عجبتكم القصة
دمتم بخير
---
