الكاتبة. Zainab Farqad
بارت 7
لكي تعيش في هذا المجتمع
يجب ٱن تمتلك شيئين .. ٱما ٱموال قارون .. ٱو صبر ٱيوب
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
غيث : ثاني يوم راح رائد حسينة بفراغ بعدة قبل ليطلع كال
رائد : دير بالكم تحجون قصة احد بيكم اموتكم ، لحد ماارجع يلا تحجون ، اني هم اريد اعرف قصصكم مو بس انتو
غيث : اي اكيد حاليا راح نغلق سجل القصص لحد ما ترجع
رائد : فديتك ، يلا مع السلامة
الكل : الله وياك
ما اشرح معاناة الضلم الي عشتها ، بس فقدان اشخاص عزيزة عليك هذا اصعب ضلم ، شرحت حياتي ويا اصدقائي واخواني ، شرحتلكم حياتهم
رغم احنة جنة هوااي وما ننعد ، بس تلكة كل واحد مسويلة كروب ، واحنة هم كلش مقربين
بهاي الايام من راح رائد ، صدك التهينا ، بوقتها الدواعش هجمو علينا
وكوة كدرنة نهاجمهم ، جانت اعدادهم هائلة ويقاتلون بدون رحمة
خلصت اجازة رائد ورجع التمينة كلنة بالليل
رائد : ها شباب خنتوني ، لو صنتو الامانة
كرار : يا امانة
غيث : لا تخاف محد حجة قصتة ، جنة ملتهين ويا الدواعش ذولة ال -----
رائد : يلا اليوم الدور ع منو
محمد : اني احجيلكم قصتي
كرار : نسمع
محمد : اني ابوية متوفي من زمان ، واني الجبير ، عندي اخ بالمتوسطة حاليا ، من عمرة اشهر ابوية توفى واختي الي هي التوم ويا اخوية ، يعني عمرهم اشهر وتوفى ابوية
واني تحملت مسؤلية البيت ، كلها ع ضهري ، من اني وصغير ، اخوي المفروض هسة اعدادية ، بس طايح حضة ما يقرة واني تركت دراستي في سبيل
اخوية واختي يكملون تعليمهم ، اختي شاطرة بس هو لا ، مليت من عندة ارزل بي ما ياخذ كلام حتى ضرب ضربتة ، حاولت اشغلة حتى بلكت يحس بلوعة الشغل والتعب
ويلتجئ للدراسة ، بس هو ما منة فايدة ، لا يشتغل ولا يقرة ، واني مليت ادور ع شغل ماكو والعمالة مو هلكد شغلها بمحافضتنا ، يعني الشغل قحط بالعراق
حالتنا دمرت فدنوب ، بعد فترة ، امي كامت تشكي من اوجاع وكذا ،
بابداية مااهتميت جان فكري كله اوجاع يحسها اي شخص جبير بالعمر
واني جنت ما عندي فلوس ، اخذهة لطبيب اخصائي ، اخذتهة لمستشفى حكومي فاشل كولشي مينطوهة
المهم جمعت كم فلس صرت اشتغل اي شي في سبيل اعرف امي شبيها
ورحت وديتها طلع بيها المرض الخبيث ( السرطان ) جاي ياكل بجسمها ، ولازم تبدي بجلسات الكيمياوي اني هنا
مااعرف شسوي ، ما عندي احد يعيني ، صرت اشتغل ليل ونهار حتى اكدر اجمعلهة فلوس جرعات الكيمياوي ، اخذت كم جلسة والباقيات ، ما دبرت فلوسهن ، لاءن ما عندي شغل منين اجيب
قابل ابوك لو انهب ، لو اكدي ، طبعا ذني كلهن مااسويهن ، قررت التحق بالحشد ،
حتى اكدر ادبرلهة ولو جزء بسيط من العلاج
اخوية تعبني حيل ، ما ساعدني المفروض يساعدني وهو حزام ضهري
هو جبير وفاهم ، بس بسبب اصدقائة
خلو يطلع عن الطريق ، واني احتاريت بامي ، وماعندي وكت احك راسي ،
اطلع من الفجر لليل ادور شغل ومستمر ، حتة الكة لكمة حلال
اخر مرة نزلت بيها جانت حالتها تعبانة فدنوب ، اخذتها للدكتور ، كال ماكو اي امل بالعلاج
ولا اكو نسبة شفاء ادعيلهة والله كريم
واني هسة ميت عليها اريد الله يحفضلي ياها ما عندي غيرهة ، اريد يجي
وكت اجازتي اريد اشوفهة تعباان ومشتاق لحضنهة
مشتاق الهة من تغطيني من بردان ، هسة اني بردان ومحد يغطيني
مشتاق الهة من تسويلي كمادات وتقرة ايات علية اذا تمرضت
هسة اني مريض ومحد يسويلي هذني
محتاج الها ، الام ما تتعوض ابد
ادعي ربي يشافيها ياارب
غيث : مسحنة دموعنة كلنا ، جنة نبجي ويا محمد
صدك الام ماكو مثلهة
ماكو شي نضعف كدامة غير بس الاهل وتنزل دموعنة
محمد : صحت بعلوو صوتي ، ياااااربي شافيها وعافيهة
غيث : الله يشافيها ياارب
الكل : اميين يارب
يتبع
---
