الكاتبة. Zainab Farqad
بارت 9
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
(عودة للماضي )
غيث : رجعت للبيت صار وكت النزلة مالتي وهل مرة علاء متحسن اكثر
وديشتغل صدك فرحت من كل كلبي ، صار خمس اشهر ما نازل يمهم كم مرة خابرتهم ، هاي اول مرة اطول هلكد بس الضروف ما تساعد
كعدنة نسولف وكال
علاء : اريد اكولك شي واخذ رأيك
غيث : اي كول
علاء : مرت عمي احمد ، تريد تخطبلي
غيث : اي ع خير شكو بيها
علاء : بس اني رفضت
غيث : ليش
علاء : مااكدر ، يعني اني ما صار هواي من طلعت من حالتي ، هسة ماافكر بالزواج ومااريد اتزوج ، ومرت عمي تلح علية ، وتريد تحجي وياك تقنعني
واني من هسة حجيتلك الموضوع وقفلت بعد مااتزوج هسة فااخاف تكولك اني رافض
غيث : علاء هذا الشي يخصك ومحد يجبرك ، بس مرت عمي هيج دتسوي علمود مصلحتك وترجع لطبيعتك اكثر وتنسى الي صار وع عموم براحتك
صار العصر طلعت اتمشى بشوارع بغداد هل مرة ما رحت ع امل جانت مجازة كالتلي ، جنت اتمشى
حسيت بالغربة بهاي المحافضة
رغم بغداد العاصمة ولكل تحبها ، بس ماكو احد ميحب المحافضة الي هو ساكن بيها ، اني هنا عايش بغربة هناك بالموصل صحيح نقاتل وعايشين بضلم
ويومية نزف شهيد للكبر ومأسي ، بس اهم شي اني بأرض الموصل جريت حسرة اوووف يالموصل
شوكت توكفين ع حيلج من جديد ، اني احس روحي طفل عايش بغربة ، هاي الناس كلها غربة علية
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
بعدي صغير العمر
ومحسوب ع اطفال
يمة كبرني الدهر
بالغربة خمس اجيال
الغربة ضلم وقهر
وحزن وئسا واذلال
الغربة هي الفقر
ما الفقر بالاموال
ويلي من نار الهجر
تحرك تراا الدلال
ويصير كتلة جمر
ما تخمد على رمال
والهم جوا الصدر
يضني ويهد جبال
ومنين اجيب الصبر
ع فركة والترحال
(مقطع من اغنية غربة وطن ، محمد جنيد )
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
(عودة للواقع )
خلصت اجازتي ورجعت ع موصل
سلمت ع شباب ورجعنة للحراسة كالعادة
بالليل الساعة 12 بالضبط هجموا علينا الدواعش ، ما حسينا غير بس ع صوت الرمي علينا
احنة هم نرمي عليهم
احنة نلبد ورا الساتر ونضل نتحرك باماكن يعني ، كرار جان يرمي ويركض كل شوي بمكان
ما حسينة الا الرمي صار ع كرار من فوك ليجوة ، بسرعة كمنة نركض اخذنة وبعدهم مستمرين بالقتال
لما خلصنا منهم بالكوة البعض منهم ماتو والبعض اخذناهم للسجن ، ركضنة بكرار للكرفان
الي بي الدكتور ، وويا 1تصاوب بس اصابتة خفيفة
الددكتور ، يحاول يطلع الرصاص ، الي بجسمة
احنة محاوطين الدكتور ونساعدة وندعي يصير زين فجئة شفنة الدكتور ، يمسح وجهة
بايدة وكال. البقاء لله
هنا احنة تخبلنا اني حيل احب كرار ، رغم المأسي الي جان يحس بيهن بس بقة متفائل وهمة امة وخواتة ودائما يكول امي ما عدها غيري
كمنة نصررخ عليه هذا اخونة الي ما جابتة امنة ، الله يلعنكم يا دواعش اخذتو شاب بعمر الورد
من ثاني يوم اخذنة كرار ورحنة ودينة شايلينة بتابوت ، وودينا للبيت ، لكينة عمامة واهلة وامة واخواتة منتهين من البجي
لاءن انطيناهم خبر ، امة تخبلت كامت تلطم وتضرب بروحهة وتكول ما بقالي احد ، هذا ابني الي ما عندي غير راح اخذوه مني
هم اخذوه ، اني منو يجيني بعد ، اني انتضر منو بعد ، بجينة كلنا ع حال امة ، اي هذا حال الام من تفقد ابنها ، من شلنا التابوت تخربطت وصعد ضغطها
ودوها للمستشفى واحنة رحنة دفناه ، رجعنة ووسووا الفاتحة عمامة ، خلصت الفاتحة ورجعنة للموصل ، رجعنة منكسرين وحزنانين
جنت كاعد واتذكر كلامة من يكلي المرة الثانية انت تحجيلنة قصتك ، ما لحكت احجيلة قصتي
اتذكرة واتذكر ضحكة وسوالفة جان ينحط ع جرح يطيب ، ع اي شي جان يحشش ويضحكنة رغم جنة باصعب اوقاتنة هو الي يفرحنة
زفينة للكبر ، عمت عين المكابر الي تاخذ بس الزينين
يتبع
---
