#ذنب طاهر

موضوع للنقاش

هلاوو ياحلوات لحد تفرح مو بارت😂

بس حبيت اناقشكم بموضوع «المهجرات» كلمه تحمل بطيتها الكثير من الألم والمعاناة والاستغلال

حالتهم اردئ من حال ورود بطله القصه ولحد تكول ميتعرضن للاستغلال اكثر فئه استغلت المهجرات مو الكل استغلوهن لكن البعض...لان النفوس عديده...

ومنها....النفس الامارة بالسوء...والنفس المطمئنه... والنفس اللوامه...والنفس الملهمه...والنفس الراضيه..

لذالك اكوو بعض البشر نفسهم امارة بالسوء وللاسف استغلوا ضعفهن وحاجتهن لكن هنه شجاعات وقفن علئ حيلهن ومقبلن بالضلم والاستغلال وكدرن يساعدن نفسهم وعائلهم.

قبل فترة صار أمامي موقف....

جنت طالعه ويه عائلتي وبالتقاطع وكفنه شفت بنيه صغيرة تجي بعمري مبينه مهجرة كانت لازمه بطل مي بيدها وباليد الثانيه لازمه ماسحه صغير ترش علئ جام السيارة وتمسحه بالماسحه اكوو ينطوها واكوو لا مانطوها....حالتها صعبه وهي بالشارع والدنيا ليل وهي تنضف سيارات المارة

بصراحه غمضت عيوني الثواني وعشت حالتها بدون عائلتي وبغير محافظه وماعندي معين وباليل اطلع اشتغل حسيت برجفه بكل جسمي وحمدت ربي علئ النعمه الي اني بيها هواي اكوو ذئاب بشريه تفترس هذي المسكينه وهي شابه جميله الوحدها تشتغل حتئ تعيش نفسها ورغم كل شئ هي اشتغلت ومامدت ايده احسن من الف واحد يمد ايده وهو قادر علئ الشغل...

وبصراحه اكوو تعاطفوا وياه ومدولها يد العون واكوو لا ماساعدوها وهذا واقع حال ولو الدنيا بعدها بخير واهل الرحم هواي وقسم بالله تجينه عوائل مهجرة نستقبلهم ببيتنه ونحترمهم ونقدرهم وعبالك همه اهل البيت واحنه الخطار وهذا شرف النه لان منعرف شنو ضامه النه الايام ويمكن يجينه يوم وهم يصير بينه هيج لا سامح الله

لذالك اكوو الاسوء من حالة ورود لكن قصصهم مختفيه بين المجتمع ورود حاله من الحالات...

اني بصراحه اعتبر المرأة المهجرة إمرأه شجاعه جارت عليها الايام وتحملت ما لا يتحمله الجبال وصبرت صبر ايوب الله يعينهم ويرجعهم المناطقهم ياارب ويخلصهم من ضلم الضالمين....

مع السلامه...لنا موعد اخر انتظروني😘