بت روحي

حسين

#بت روحي
#حور حيدر

اني نوره عمري هسه 21 ...عايشه بالبصره
تبدا احداث قصتي من  اول ما انولدت...
صادفت ويه ولادتي مرض جدي ابو امي، انتكست حالته كلش
امي مجان الها وقت اليه ...خصوصا
ويه زينب وحلا خواتي واخويه قصي جانو صغار...
فهملتني كلش بعد ولادتها بيه...وحارت بين تروح لجدي
وبيني وبين اخواني..
ابويه شغله جان اغلبه بالسفر ...
عمامي كلهم عايشين سوه بمنطقه وحده ..
بس بابا عزل وحده ...
وسط هاي الهوسه اتوفه جدي...ومن هنا
جان محور التغيير بحياتي...
امي دخلت بحاله اكتئاب ...مگامت تعتني بيه
كله ذابتني يم بيت عمي ..
اخواني صغار ...وابويه حاير بشغله
محد سئل عليه...
اتكفل بيه عمو ...الي جان عنده بس
حسين عمره 15 سنه ...
حسين گام هو يهتم بيه وميخلي احد ...يلمسني ويعتني بيه غيره...
وگل الاهلي ...منا وجاي ما الكم بت من اخذها بعد محد يسئل عليها...
وصدق اهلي محد سئل عليه ...اجتهم من الله
مرت عمي جانت تموت عليه...

من رباني حسين يكول من  صار عمرج 8اشهر ومشيتي وجنتي بيضه ومدبدبه تلفتين النضر ...وطول الوكت لازكه بحسين...

حسين كال من جنتي اخذج وياي الربعي اضحكون عليج لين بهيجي عمر ومشيتي وهوايه متعلقين بيه ايكول عيون الوادم عليج  لدرجه تمرضت وعمي كايله بعد لاطلعه وياك...
من صار عمري 3سنوات ...
جنت المدلله وما نام الا بحضن حسين
...
مجنت اعرف شنو ابو شنو ام..
هو جان كل شي اليه...
عوضني بحنانه وحله عن الكل ...
مرت عمو صارت عدهه ساره...
مقل اهتمام حسين بيه ولا شويه
بلعكس زاد ...ليگول هسه انولدت...

جان دائما ايسميني بت روحي وهاذه الاسم دائما ايكولي بي ما يكلي نوره مايخلي واحد احاجيني  هوه من النوع ملتزم بدين كلش يعني علمني اصلي من واني وصغير وخلاني اصوم بعمر 7سنوات لبسني حجاب وخلاني اقره القران ...

من يروح للزياره كربلاء وبلنجف ياخذني ازور وعلمني تاريخ اهل البيت ع كل مانكعد اني ويا ايكولي العمر عبرت جسر لاتشترين الدنيا وتبيعين ااخرتج....

ايجيبلي  شنو اريد بس ايكولي تعودي على القليل حته ما اتعبين اكو ولماكو ارضي بلقاسمه ربج...

واني تعودت على القليل مع انو حالتنه الماديه زينه كولش بس مصرت متطلبه مع انو جان مدللني بس كل شي بلحد المعقول  ....

صار حسين بالنسبه الي اغلى من اهلي الماسئلو عليه  لوخيروني بلعالم كوله اختاره هوه...

-------

هيلو يا حلوين..
وهاي قصتي الجديده...حقيقيه لوحده من متابعيني
رجائا اي تجاوز ما ريد ...لانو صاحبه القصه دا تقره ويانه
الاسماء حقيقيه ...بس صور البطل مقاربه حسب الوصف
...
انشا الله تعجبكم