#بت روحي
#حور حيدر
امتحنت اخر سنه ...ونجحت للثالث متوسط
وحسين كلي اخذج للزياره رحنه لكربلاء...
ورجعه للنجف زرنه وخلصنه اني وحسين لان ساره ضلت عد اهلها بكربلاء تخلص العطله...
العصر بلنجف
حسين :تعاي نزور الكبور ...
رحت وياه زرناهم احنه مكبرت اهلنه النبياء ضليت كاعده
يم كبر جدو وعمتي ...
اشوف حسين يححي وي الدفان طول وراح وما اعرف السالفه شنو ...
شوي اجه حسين... كلي تعالي وياي
رحت شويه يم كبر جدو... مكان خالي ممدفون
بي احد..
نور: هاي شنو..
حسين: شتريت هاي الكاع...
هو كلي هيج اني عقل مضل براسي ..
كتله تخبلت المن مشتريها شتسوي بيها...
حسين وهو يتلمس خدي: شبيج كلحنه انموت تالي واني ماريد اعوفج حته بلموت شوكت ما الله اخذ امانتي وامانتج هنا نندفن يم اهلنه واسوي كبري يصير يم كبرج ...
يربي شبي يحجي هيج ..
كتله محد سوه سوايتك...
حسين : ليش كلهم مشترين اهاليتنه حته ابوي وامي هنا اشترو...
نوره:باباتي الله يطول بعمرك و لايشوفني بيك يوم...
ضل يضحك وينكت علي...واني كلبي اشتعل نار
حسين : اعتبريني متت تجين تكعدين ع مكان كبرج وتكابليني وتبجين ...
دموعي ضلت تجري وضليت احجي عليه ...
بس افكر انو يتركني بيوم اموت والله احس روحي تطاع من جسمي ...
وهوه يضحك علي وكلي كلنه للموت ...
رجعنه للبصره ونفس كل يوم يوسف ايحاول يحجي وياي
واني ماخليله مجال ...دوم وي حسين
قرب الدوام وضليت احضر ملابس واشياء للمدرسه... لوازم وحسين يوميه وياي بلسوك...
نشتري جنطه صدريه وكل ساعه طالعتله بسالفه شكل ...
وره ايام اجت ساره جابها حسين ...
وبقت اربع ايام للدوام ...
العصر طبخت غده وحسين ايساعدني ويضحك علي..يكلي
حسين:وانتي شسويتي اشو كله اني طبخته...
حضره جنابج بس تباعين ...
نوره وعيوني مدمعه من البصل:لا عليك الله هاي اني مو ...
واني احجي علي خلصنه الغده ..وكلها التمت جاي نتغده ..
اني كاعده يم حسين وساره بصفي وكل اهلي كاعدين جان ابويه لحقيقي كل لحسين المن مخلي نور لهسه بلمدرسه لبت كبرت وحته ساره...
اباوع ليد حسين من العصبيه نكسرت الخاشوكه بيده كله عمي ساره اختي ونور بتي اني حر تردون تحجون مالكم كلمه عليه اني اريده تكمل محد ايفيدها ولاعدها سند غيري واذا الله اخذ امانتي نور يمكم تنذل سدو الموضوع ...
ابوي بعد ماحجه كله بكيفك انته حر انته ربيت وتعبت...
كام حسين وكلي اذا خلصتي غده تعاي وراي راح...
اني رحت وراه كلي...
حسين : انتي تردين اتركين دراسه
كتله لا ...
كلي بالج تتنازلين عن دراسه محد ايفيدج بهل دنيا غير شهادتج ...
كتله انشاءالله ...
العصر بلحديقه ساره كاعده واني خلصت سبح وجيت يمها كتله ساره مشطي شعري لان كلش طويل ايتعبني بلتمشيط...
كالت روحي لبوج احسن مني ايمشطلج ...
ضحكت عليها كتله ولج ليش تغارين والله مايفرق بينه اجه..
حسين كعد يمنه كال شبيجن كتله ساره عبالها انته تحبني اكثر منها...
كال.. شنو هل حجي انتي اختي وهيه بتي...
ساره ضاجت وكامت كتله اي ادري بتك بس هيه اتغار عبالها تحبني اكثر منها...
كال عوفيها طفله تعالي اني امشطج...
هوه ايمشط بشعري ويسولف على الدراسه مالتي اكثر شي احبه بحسين من ايمشطلي احس روحي طفله يمه..
كتله خل اكص شعر شوي تعبني كلش طويل ..
كلي حته اكص راسج وياه..
ضلينه نضحك كلي كومي خلصت ويه ماكمت ...
باوعت لي فوك شفت يوسف على سطحهم يباوع علينه...
كلش ضجت فلتت للغرفه مالتي ليش ايسوي هيج موعده خوات يقبل واحد ايباوع على خواته ...
وره شويه ضليت احضر ملابس للمدرسه اجت حلا اختي كالت راح اخبز وانتي وساره سون عشه كتله ماشي سوينه العشه وباجر
دوام ...فنمنه من وكت
كعدني حسين على صلات لفجر...
صلينه اني وساره وضلينه كاعدين منا لثمانيه ...
داومنه خذانه حسين .
كلت لساره لو اليوم زين ماشوف يوسف.
ضحكت كالت خل يولي حته لوشفتي حكري ...
وصلنه للمدرسه جان اشوف يوسف بسيارته نصدمت جايب طلاب...
كلت يعني يومي صاير بوجهي .. لاشيفلتني منه..
هوه ايباوع ويبتسم مرت فتره اني وساره انداوم وطبعا
دوم بوجهي يوسف مرات اياشرلي لو يجيب السياره علي عبالك يريد يضربني...
حاكرته ولا حته اباوعله ..
مره بلحله اتأخر حسين وهوه منبه علي ماخطي خطوه بدونه ...
ساره كالت خل نمشي لأن مايجي...
كتله ماروح ينهيني بابا اذا رجعت للبيت وحدنه ...رحت للاداره طلبت من مدرستي اخذ تلفونه وأتصل بي وهيه تعرفني وتعرف حسين قبلت ونطتني تلفون بس وصتني احذف رقمه من تلفونها...
اتصلت مايرد خفت هوايه وهو ماكو ...شنو صار وينه عن تلفونه اتصلت ع تلفوني من اروح للمدرسه اخلي عنده هم ميرد.. رجعته الها وكلتها ..
شكرا ماجاوب.. كالت اذا وصلتي اخذي رقمي منه وخبريني اذا عندج تلفون ...
كتله اتصلت ع جهازي وصار رقمي عندج كالت اذا حافضه رقم غير ابوج اتصلي عليهم عادي ...
كتله لابس رقمي ورقم بابا حافضتهن ماكو بعد طلعت من المدرسه صادفت يوسف ..
كلي نور خل نحجي شوي عندي موضوع وياج كتله وخر مني لالم الناس عليك شويه بعد...
#بت روحي
#حور حيدر
............🥀
يسعد صباحكم🦋
كل عام و #انتم. بخير وصحه وسلامه💜
وسعاده وهناء بمناسبة عيد #الاضحي.💜
المبارك جعل الله ايامكم كله #خير.💜🌸🍃
أنت تقرأ
بت روحي
ChickLitنبذت رفضوها اهلها منذ الصغر... لم يكن لها الا هو قصه حقيقيه ... جان دائما يسميني بت روحي وهذه الاسم دائما يكلي بي مايكولي نوره مايخلي واحد ايحاجيني .... هوه من النوع ملتزم بدين كلش يعني علمني اصلي من واني صغيره وخلاني اصوم بعمر 7سنوات لبسني حجاب...
