بت روحي

النهايه

كتله عمي...
والله شكله نايم خاف مامات شوفه شون نايم ...
قصي.. كال لعمي راح تتخبل اخذها..
عمي كلهم ...عوفوها اخر يوم وياه ضليت شوي وطلعت خذو للبيت الامه انكلبت غاليك بتابوت مدد كعدت يم تابوت كتله...
ترضاها تدتخل لبيتك بتابوت شلون اصبر فهمني خيكلولي جذب مامات ماجاي اصدك والله ...
بابا فدوه لتعوفني ...
شوي كومني عمي وقصي...
گال  لقصي اخذها للسياره تروح ويانه  راح انشيعه رحت وشيعو وصلنه النجف ودخلنه ايزورونه...
كال عمي دخلي زوري واحنه هنا رحت اني وساره وعمتي للحضره بس لدموع اصب لزمت الشباك بجيت اشكد...

ابجي وكله ها ياعلي لجنت اجي وياه ازورك ليوم جبه يمك اضل بتابوت مدد نخيتك ياعلي ليوم تحضر ليله وحشه علي بمانتك ياعلي هاذه امي وبوي تيتمت من صدك بدونه يابو الايتام احضره بكبر خادمكم....

شوي ارتاحيت مثل الامنت عليه...
طلعت عمي كال يله شوي وروح ساره وعمتي ماقبلن يروحن للمكبره ماعدهن جرئه ...
اني رحت الكبرين لشتريناهن حافرينه ودفان داخل الكبر اني ماعرف الصارب بيه صبر لو ايست من العافيه وماكو حل بيدي غير اتقبل الواقع ...

طلعو من تابوت وخلو شوي عن الكبر وهمه ايحفرون بس الكل منهار وخصوصا عمي احسه نكسر ضهره باوعت بي كلت اني شكول بعد ياهو الي غيره شسوي الي اصير هسه حلم لو واقع والله من اذكر اليوم ...
ذاك احسنه مثل الحلم شلون بحلم انته هيج حالي ميت كلشي بداخلي اذكرت من يوصيني حاجيت عمي كتله اريد اكعد يمه بس شوي احاجي قربني اله شلت راسه على كيف وخليته بحضني...

كتله قويه بتك لاتخاف عليه وماخلي شخص يكول ضاع رباه
بيه هذه اختبار من رب العالمين واني راح اصبر لحد ما موت راح اجي وشكيلك مشاكل واكعد مكان كبري وحته انام يم كبرك بعد ماخاف من الضلمه. .

صحيح الواقع ارعب راح ابجي ومحد اشوفني وضل قويه دوم ...
عمي كال... يله لازم اباوع على الكبر وهوه بحضني شلون كتله بابا تقبل مجفن بين اديه وكبرك احفرو كبال عيني والله اريد بس صبر خذو مني...

ونزلو والله احس روحي نزلت وياه ضلمت الدنيا بعيني اعرف لابواجي ترجعه ولاصريخ...

خلصو دفن وكالو يله امشو خالي كلي لاتلتفتين وراج مايصير توه ندفن كومني عمي بس اصعب لحضه من عفته ومشيت...
عفته ورجع للبيت خالي كلشي انتهى معقوله ماكدرت اشيل عيني منه وعمي اكلي مايصير تباوعيله هيج توه ندفن شلون اشيل عيني واني عفت روحي هناك ...

رجعنه للبيت الكل ايحاول ايصبرني بس ماكو امل شتعود شتهون صعبه والله كتلهم اريد ارجع للبصره ماقبلو ضليت منا لمن  خلصت الاربعينيه مالت الامام وسوو الفاتحه ثلث ايام...

رابع يوم كتلهم كافي ارجع بعد رجعت للبصره اول ماخليت رجلي بلكاع شفت يوسف  ليوم عرسه اجه علي بكشخته وفرحان كلي البقيا بحياتج بعده شباب...