قصة #النهاية
الجزء الثالث.....للكاتبة لينه سعد
✡✡✡✡✡✡✡✡✡✡✡✡✡✡✡✡✡✡✡✡
...ركزت بي واني حايرة....كانما ربي خرسني مااعرف اعبر عن الي بداخلي
اكتفيت بس اباوع علية
_اشعندك هنا...وياها
.....صوت من وراية اجة ورجاني بكل قوة
كانما انفجار قوي ورماني لبعيد
التفتت واشوف سلطان الي واكف وراية وعيونة تلهب نار
وصاح مرة ثانية
_متريدك كوة......لو لزكت...
...سلام الي واكف بدون اي حركة منه ولا اتكلم بحرف اكتفى بس بالنظر اله
...اتقرب سلطان وهو يدفعني بعيد عنة
ولا ااهتم بية ولا باوعلي
اعيونة جانت متنصبة بس على سلام
...اتقرب اكثر منه وهو يباوع علية بحقد وبغل ولزمة من ياختة
_امشي منا ولك....ومااريد اشوفك ولا المحك ولا اسمع بيك حاجي حجاية لخالي وتنسى كل التمسلت الي حجيتة
فهمت لو لا
....عيون سلام الي جانت هادئة وتعابير وجة ابد متغيرت
رفع ايدة بكل برود وهو يزيح ايد سلطان القوية
_القرار بيد ابو انمار وراجع لموافقه عبير
هي الي راح اتحدد احجي او لا
....كلمات سلام خلت سلطان يثور مثل البركان ويقذف اللهب بوجهنا كولنه
متحمل حجايتة......رفع ايدة بكل قوة وهو يضربة لكمة على خدة وكعتة بالكاع وهجم علية
مثل وحش مفترس يحاول ينهش بية
...اني الي جنت واكفة ومخلية ايدي على حلكي والخوف متملكني ويمنع حتى اوكف على رجليه
من بين الكلام والعركة الي صارت سمعتة يكول
_عبير الية....اني اولى منك بية
....الكلمة هاي كانما وعتني وخلتني اكسر الجليد الي صلبني وقيدني
....اتقربت منة واني ادفعه واكول
_ولك وخر منه...عوفه.....انت شجابك لهنا
...فز والتفت الية وعيونة مليانه شرار...
ابتعد عن سلام واتقرب مني وكمشني من ايدي بقوة حسيت ايدي كاعد تتكسر بقبضتة القوية
اتوجعت حييل وصحت
_ااااااه.....وخر ايدك...
وبديت ابجي.....
هاي الدموع الي نزلت ذكرتني بكل هذيج الايام الي فاتت نفس قساته وخباثتة من جان صغير
كانما دينعاد الشريط مرة ثانية
اني اكره.....اكره
_ولج اليوم اطيح حظج.....لو تموتين مااخلي ياخذج
...رفعت عيني بعينة وكلت بقوة الة
_اني مستحيل اقبل بيك....انت لو تموت كدامي مااقبل بيك
ولو خيروني بينك وبين سلام اختاره هو
...ورة كلمتي الي حجيتها عيونه ركزت بعيني كانما يتحداني ومد ايدة وضربني بقوة...
بس الي اتفاجئت بي...... سلام رغم الي صار محجة اي شي
بس من انضربت...
اتقرب على سلطان وهو يباغتة من ورة ويسحبة باتجاهه ويعيد اللكمة الة بقوة وبحزم
الا ان وكع بعيد عني وهمة يدحرجون مرة سلطان يضرب ومرة سلام يضرب
