قصة #النهاية
الجزء الحادي عشر....للكاتبة لينه سعد
🍇🍇🍇🍇🍇🍇🍇🍇🍇🍇🍇🍇🍇🍇🍇🍇🍇
مااحس بنفسي الا احجي وي امير واكول
_امير اني جاي اتقدم لعبير اذا ماعدكم مانع
....بدت االابتسامة اتبين على امير وكال
_ابو نور صدك جذب منو الي اترفضك واانعم منك ماتلكه احسن منك
اني راح افاتحها واكلك ولو متاكد مراح ترفض
....سكتت ومجاوبتة....
مااعرف ليش سكتت....لان احس نفسي اتسرعت
لو خايف لا ترفضني للمرة الثانية
_لا امير.....مااريد هسة اتفاتحها خليني اطلع واخذو راحتكم
_ماشي على راحتك
〰〰〰〰〰〰〰〰〰〰〰〰〰〰〰
جنت كاعد برة بالحديقة
هادىء من برة بس نيران من جوة
اريد كل اشوية اخابر على امير واعرف شنو ردها
بعد ماطلعت منهم واني احس كلبي متخوف....معقولة ترفض..
زين واذا ترفض.... شنو موقفي يصير
انهار....لو عادي
ليش هيج احبها....ليش راغبها هي بالذات...شنو الي يجذب بيها
...فزيت على صوت سارة القريب وانتبه هي كاعدة يمي ومبتسمة ابستامة هادئة
_هااا اشوكت اجيتي ولا حسيت بيج
_قبل دقايق ..كعدت وصحت باسمك اكثر من مرة بس ماانتبهت علية
_اي صح بالي مشغول بشغلة
_شنو هاي؟؟
...ركزت بعيونها
....مااعرف اشلون ابدي وياها مااعرف اشلون احاول افهمها الي ديصير وياي و اقنعها
...رفعت راسي ليفوك وجريت نفس وكلت
_من جنت صغير واني مقتنع بلي ربي قاسمة الية مافديوم اعترضت
مريت باصعب الامور ورغم هذا ماتغيرت وكلت لازم ربي يعوضني
والحمد لله فعلا عوضني بيج وبنور
انتي نعمه والي مايقدرها يندم
..مديت ايدي واني اكمش ايدها المتواجدة على الميز
ابتسمت الية وكانما انعشتها هاي الكلمات
_جنت دومي احاول ارضيج وما ااذيج باي كلمة
_سلام...اني اشكر ربي عليك لاتحجي هيج كافي علية حصلت منك نور كافي وكفت وياي وعوضتني عن هواي شغلات افتقدتها بحياتي
_سارة....مااريدج اتزعلين بيوم او اتلوميني على شي اني جنت اتمناه وبقوة
شي حلمت بي ومتحقق واليوم اجتي الفرصة احققه
....ركزت اكثر وهي اتحاول تفهم الي اكوله الها
_اني اريد اتزوج
...سحبت ايدها وهي متعجبة ومصدومه من الي سمعته
_شلون؟؟؟
تتزوج؟؟
ليش شنو الي قصرت وياك...ليش بعد الي سويه الك اتروح وتتزوج
ماارضى ابد..موبكيفك
...فز سلام وهو متعجب من نبرة كلامها
_احجي عدل وياي
_شنو احجي عدل...ولك اني جبتك كلشي ماعندك حافي نظفتك وانطيتك فلوس وحلال وكمت تلعب بيهن لعب وتالي متالي تتزوج علية
سلام انت كثرت فلوسك الظاهر وحاير شتسوي
