المفروض يكون التاسع هو الجزء الاخير
بس لكثر احداثه مكدرت واني اليوم عندي مزدحم بهواي اشياء ولسفري خارج بغداد
لذلك راح اتاخر يومين على تنزيل العاشر اتمنى اتعذروني
قصة #النهاية
الجزء التاسع.......للكاتبة لينه سعد
🍃🍃🍃🍃🍃🍃🍃🍃🍃🍃🍃🍃🍃🍃🍃
اقتربت سيارة سودة رباعية الدفع من بستان ابو انمار
نزع المناظر السودة الي جانت تخفي وراها عيونه الي متنصبة على الباب البيت وعلى اشجار البرتقال الي منتشرة حولة
التفت على سيد احسان وكال
_عرفت شنو المطلوب منك
_اي ابو نور....سهلة اني اتعامل وياهم
...نزل سيد احسان ودخل البستان بعد ما تواعد وي امير وانمار يجي يشوف البستان ويتفق وياهم
...جانو الي كاعدين بالبيت على نار ومتحمسين طلعو بلهفة بعد مااندك باب البيت
انفتح الباب واتفاجى امير بالسيد جاي الة
_السلام عليكم
_اهلا مولانة..وعليكم السلام تعال اتفضل
_لا والله..مو مال دخلة وكعدة اني اجيت اشوف البستان علمود نتفق وياكم ابو نور عندة شغل
...مد انمار ايدة وهو يسلم على سيد احسان وكال
_اي على براحتك اتفضل بدة يطلعون من الباب و يتوجهون لداخل البستان
وبعد ساعتين رجعو بقرب البيت وكال
_اني عجبني البستان واريد اخذة بس اريدة كله لان ممعقولة راح يبقى البيت بنص البستان
مااشوفها صحيحه
جاوبة انمار
_لا مو احنى حجينه من البداية اكو ورثه منكدر وميريدون يتنازلون عن حقهم
_فكرو زين وصدكو مو لنصلحتكم يتواجد البيت هنا.وهذا احسن الكم اتصور المبلغ مو قليل
'تكدرون حتى تشترون مزرعه صغيرة وتبنون بييت اذا انتم متكدرون اتفاركون البستان او المنطقه
يعني متادد مطلعون بخسارة
_ماشي سيد احسان انطينة مجال انفكر
....ابتعد سيد احسان عنهم بعد ماسلم عليهم وكال منتظر ردكم
...اتقدم من ااسيارة وهو يصعد ويكول لابو نور
_البستان حلو ولو بي اهمال
_لا شفنها معتنية بي
...التفت سيد احسان لابو نور.
_شنو؟؟ منو معتنية بية
_اقصد اهلة..المهم كلت الهم
_اي وطارو من الفرحه بس كالو النه ورثه ويجوز يقنعهم بعد الحجي الي سمعو
.....ابتسم وكال
_مراح يقتعون...
_شمدريك
_احساس
...بدة يشغل السيارة ويبتعد عن هذا المكان وعندة امل يرجع الة مرة ثانية
......دخل انمار وامير للبيت وهمة فرحانين وبدو يجمعون اهلهم ويحاولون يقنعهوهم بالبيعه
اقتربت عبير وهي تعرف ماكو اي امل منهم بعد
_البيت مابيعه لو بنصيبي متر واحد ماابيعه
...فز انمار وهو عصبي
_مااعرف شلون اتفكرين لو بس اتحاولين اتغثينه
_اني مااريد اغثك انت بيع حصتك شتريد مني حصتي البيت اني واني
وانت وندى بيعو حصصكم
...باوع انمار على امة وكال
_يمة اعقليها البستان ينباع والبيت بالنص اشلون بس فهميني
اني اشتريلكم بيت وبستان بحصتكم بغير منطقه ترة العناد ميفيدكم
