قصة #النهاية
الجزء الخامس ....للكاتبة لينه سعد
💢💢💢💢💢💢💢💢💢💢💢💢💢💢💢
...سالتهم والفضول كاتلني
_اكولكم يعني ميصير اتزوج ورة الاربعين
_هههههه لا يحضي الا بعد سنه
_صدك تحجين ولج
_والله هذا القرار راجع لابوج
...صفنت واني مااعرف شنو الي راح يصير بعد ايام
〰〰〰〰〰〰〰〰〰〰〰〰〰〰〰
الرزنامة معلكة بالمطبخ
والقلم قريب الهة
جانت هوايتي بهاي الايام اتابعة اكثر ممااتابع تلفزيون او اي برنامج حلو
جنت اعد الساعات علمود اروح الها واشخط هذا اليوم
و احصل اليوم الي بعدة
انتظر بلهفه الاربعينية مال عمي
طويلة الايام جانت
متوقعتها هيج.....بس جنت اصبر نفسي باشياء بمخيلتي يوم الي انروح واشتري النيشان
واليوم الي البس بي حلقه
احلامي هواي....ومخيلتي مالها حدود واني ارسم نفسي بالبدلة البيضه
من رجع ابوية من الفاتحة وهو تعبان
اتمرض ويصخن....جنت خايفه علية
رغم هو اتحسن بعدها بفترة .....بس بعدة تعبان كانما موت عمي صحاه على اشياء وصار دائما ساكت ومالة صوت
وكانما كسر ظهرة
رغم هو عمي بعيد عنا ولا متعمقه وياه بس حسيت بابوبة اتاذة حيل
...بهذا الوقت الي هي عصرية اندك الباب
طلع انمار
واني اسمعه يرحب بناس
دخلن جوة بسرعه واني اتوجه للمطبخ واباوع من البردة
وشفتة
سلطان
...اي مااعرف شصاار بية
الحب الي بكلبي الة جبير..بس نظرة وحدة كاننما اتحسن مزاجي التعبان
لمحت طولة وهيئة ومشيتة
كلشي يجذبني بي.....كلشي حبيت
حتى طبرة حاجبة حبيتها
دخل ابوة وهو للاستقبال
واني بالمطبخ والابتسامة جبيرة على وجي
...بعد دقايق دخل انمار وكال
_حظري جاي ومي بارد
...رحت اركض واني احظر الشغلات والفضوول ابكلبي
ليش جايين
...امي دخلت وهي اتعدل بشيلتها
_صدك سلطان هنا
_اي يمه بس عمتي ماكو
_بس لا جاين علمود العرس
....سكتت خفت حتى افكر شنو الي راح يصير
بلعت ريكي وكلت
_شتتصورين
_ماكو غيرها ماطول حجي عمران جاي بنفسة يعني امبينه
بس مااتصور ابوج يرضى هسة يزفج
....اتنفست بصعوبة وخايفه حييل لايصير شي موزين
〰〰〰〰〰〰〰〰〰〰〰〰〰〰〰
_الله بالخير
...جاوبه حجي عمران
_الله بالخير والرحمة
_اشلونج حجي
_الحمد لله ماطولك بخير ابو انمار
_الله يخليك
_والله اليوم جاينك بشغلة واريدك ماترجعنى
_كول حجي مكظيه ان شاءالله
_الله يخليك
